PIV 2026 · Artikolo 7373

★kapti

Litero K★ Fundamenta

Derivaĵoj en la artikolo 37
  1. kapto
  2. kaptu1
  3. kaptad/i
  4. kaptad/o
  5. kaptaĵ/o
  6. kaptit/aĵ/o
  7. kaptem/a
  8. kaptiĝ/i
  9. kaptil/o
  10. kaptil/ist/o
  11. kaptist/o
  12. kaptit/o
  13. kaptit/ec/o
  14. kaptit/ej/o
  15. atent/okapta
  16. bird/okaptist/o
  17. ekkapti
  18. elkapti
  19. enkapti
  20. enkaptiĝ/i
  21. fiŝkapti
  22. fiŝkaptad/o
  23. fiŝkaptil/o
  24. fiŝkaptist/o
  25. forkapti
  26. forkaptit/ar/o
  27. forkaptit/ec/o
  28. interkapti
  29. kunkaptit/o
  30. maŝkaptil/o
  31. muskaptil/o
  32. muŝkaptul/o
  33. muŝkaptul/ed/o
  34. nekaptebl/a
  35. ratkaptil/o
  36. rekapti
  37. si/nkaptad/o
★ kapti tr
1 subite preni iun aŭ ion per rapida movo: la hundoj ĵetis sin sur la juĝistojn , kaptis unu je la piedoj, alian je la nazo Z la malgranda Niko kaptis la mastron je la brusto Z kapti iun per sia kapti iun je lia/ŝia mano voli kapti oleon per mano MT subite apud mi aperis iu, kiu kaptis min ĉirkaŭ la korpo Z ŝi tuj kaptis lian brakon kaj rekondukis lin en la klasĉambron SEn la malbela estaĵo kaptis per mallertaj manoj la pezan stangon Z ŝi kaptis lian manon kaj almetis ĝin al sia buŝo Z dronanto eĉ herbeton kaptas avide Z ŝi malfermis la lipojn, por kapti aeron, kiu videble mankis al ŝia brusto Z kiu kaptas tro vaste, konservas malmulte Z (figurasence) amikoj, kiujn la morto kaptis dum la pasinta jaro Z ➞ hoki, rabi; ekposedi, forpreni.
2 sukcesi atingi kaj firme teni iun aŭ ion, kio provas forkuri aŭ kio povas rapide malaperi: ili postkuris lin kaj kaptis lin MT kiu ĉasas du leporojn, kaptas neniun Z ĉu vi eble suspektas, ke tio ĉi estas kaptilo, por kapti vin vivaj? Z pasero kaptita estas pli bona, ol aglo kaptota FE lupo dormanta ŝafon ne kaptas Z kial vi vin turnas ĉirkaŭ mi, kvazaŭ vi volus elesplori min kaj kapti min en reton? Z la hoketo kaptis Z kiam Li kaptas, kiu malpermesus al Li? MT
(figurasence) kapti per fotilo saltantan ĉevalon la mastrino, penetrema kaj vigla, tuj kaptis la momenton de embarasiĝo kaj hezito de la kolegino Z li kaptis la okazon por ĉesigi la interparolon HLu
➞ trafi.
3 sukcesi havigi al si ion nematerian: la aŭskultantoj nur de tempo al tempo kaptas kelkajn vortojn ILa mi ne povas kapti en ĝi la sencon tiu parolado kaptis ĉiujn korojn mian atenton kaptis speciale tiu fakto kapti la rigardojn li sin lasis kapti de la ĝenerala fluo de novaj ideoj B ➞ preni, rabi, tiri 1.
4 malsano, sento k.s. ekposedi aŭ ekinfekti iun: timo kaptis lin kolero kaptis lin teruro kaptis lin rido kaptis lin min kaptis ia dubo malespero min kaptas, kiam mi rigardas la malgrasiĝintan vizaĝon de mia infano Z oni povus diri, ke ŝin kaptis forta malvarmo Z kaptis min tagoj de mizero MT Marta mem sentis, ke ŝin kaptas efektiva inspiro Z giganta kometo estis kaptita de la suna gravito JAB ➞ ataki, fali 4, invadi.
5 konkretaĵo, forto k.s. surprize trafi aŭ ekbati iun aŭ ion: ili estis kaptitaj de kontraŭa fluo kaj elĵetitaj sur la sablobordon HVa la ventego per terura forto kaptis mian ŝipeton SSz
6 deloge trompi iun; akiri iun aŭ ion per logado: mi nur bedaŭras, ke nia sindona kaj honesta amiko Moch lasis sin kapti Z nur tre malmultaj lasis sin kapti per lertaj vortoj Z virina rideto pli kaptas ol reto Z kia diabla kaptanto de koroj! Z
kapto
1 ago aŭ movo, per kiu oni kaptas: lia unua kapto estis sukcesa
2 rezulto de kapto 1: li faros tie tian kapton, ke ni ĉiuj devos honti Z
kaptu1 krio por haltigi ŝteliston: sur la strato laŭte eksonis la vorto: kaptu! Z
kaptadi kapti plurfoje aŭ ĉiam denove: tiam certe ofte ni kaptadis
La glavon Z
Helgan tre ofte kaptadis la malbona fantazio sidiĝi sur la rando de la puto Z
kaptado agado, per kiu oni provas kapti: vana kaptado de nekapteblaj sunaj radioj Z
kaptaĵo, kaptitaĵo io kaptita: tio estas originala kaptaĵo! Z leonido lernis disŝiri kaptaĵon MT ili fariĝos kaptaĵo por ĉiuj siaj malamikoj MT el liaj dentoj mi elŝiradis la kaptitaĵon MT ➞ akiro, ĉasaĵo.
kaptema avida kaptadi.
kaptiĝi iĝi kaptita: la spiro de nia vivo kaptiĝis en iliajn kavojn MT ili enretiĝu kaj kaptiĝu MT (figurasence) ili kaptiĝu per sia malhumileco MT ne kaptiĝu per ŝiaj palpebroj MT vi enretiĝis per la vortoj de via buŝo,
Kaptiĝis per la vortoj de via buŝo estis devigata plenumi tion, kion vi diris MT
kaptilo
1 aparato por inside kapti bestojn aŭ homojn: kaptilo por birdoj el ĉevalharoj Z eĉ plej ruza vulpo en kaptilon falas Z kaptiloj kontraŭ li estas sur la vojo MT ➞ klapo, naso, reto 1, falilo, birdogluo.
2 TEKN en piano peco garnita per malmola felto, kiu kaptas la martelon post frapo ĉe kordo.
3 (figurasence) artifiko aŭ ruzo, per kiu oni provas trompi aŭ senpovigi iun: se vi servos iliajn diojn, tio fariĝos kaptilo por vi MT mi estas nun kaptita
Per la kaptilo mia propra! Z
kaptilisto homo, kiu kaptadas bestojn per kaptilo.
kaptisto policisto komisiita fari arestojn.
kaptito homo kaptita milite aŭ pune: ĉu oni povas liberigi la kaptitojn de venkinto? MT oni ĵetis la kaptiton en profundan karceron Li faris el siaj filoj forkurintojn
Kaj el siaj filinoj kaptitinojn MT
➞ enkarcerigi, malliberulo.
kaptiteco stato de kaptito: ŝi deprenu de si siajn vestojn de kaptiteco MT esti en kaptiteco MT iri en kaptitecon MT forkonduki en kaptitecon MT revenigi el la kaptiteco MT
kaptitejo loko aŭ barakaro, kie oni gardadas kaptitojn, precipe militajn.
atentokapta tia, ke ĝi kaptas la atenton: malofte oni en tradukoj renkontas tiel fluan kaj atentokaptan stilon MalR la atentokapta ordigo de la ekspozicio gvidas la vizitantojn EGv ➞ atentoveka.
birdokaptisto homo kiu kaptas birdojn por manĝi aŭ por komerca celo.
ekkapti rapide kapti: li ekkaptas onin per la barbo kaj diras: «Ha, vi, tataro!» Z (figurasence) aperis persono, kiu ekkaptis la vorton «digestebla» kaj diris: «Mi tuj donos al vi nutraĵon pli bonan» Z
elkapti ruze akiri ion de iu: ni intencis
De li elkapti ion pri la kaŭzo de lia freneziĝo Z
se mi nun elkaptus de li benon? Z
enkapti
1 kapti iun aŭ ion per kaptilo: (figurasence) liaj propraj malbonfaroj enkaptos la malpiulon MT
2 kapti ion en sin: iru, enkaptu en kiso lian balzaman spiron Z da sciencoj li enkaptis senmezuran amasegon Z
enkaptiĝi iĝi enkaptita: en la reto enkaptiĝis lia piedo MT
fiŝkapti fiŝi.
fiŝkaptado fiŝado: longa kaj fruktodona fiŝkaptado
fiŝkaptilo ĉia ilo por fiŝkapti. ➞ fiŝhoko, fiŝkano, fiŝreto, fiŝvergo.
fiŝkaptisto fiŝisto 1.
forkapti
1 perforte kapti ion aŭ iun for de la posedanto: mi elrampis, trovis ilin,
Forkaptis la paketon, kiun ili
Kun si tre garde portis Z
la ŝafoj estos forkaptitaj el la ŝafejo MT mia frato forkaptis ŝin vian amatinon de vi Z (figurasence) fremda edzino forkaptas la animon ĉe adulto MT
2 konduki iun malproksimen kiel militkaptiton: ĝi ankaŭ estas elpatrujigita kaj forkaptita MT revenigu, ho Eternulo, niajn forkaptitojn MT ➞ deporti.
forkaptitaro grupo de forkaptitaj homoj: la Judoj, kiuj restis el la forkaptitaro MT
forkaptiteco stato de iu forkaptita: ilia reĝo iros en forkaptitecon MT en la dek-dua jaro de nia forkaptiteco MT
interkapti kapti ion aŭ iun dum ties transiro de unu loko al alia: surmara interkaptado inter la afrika marbordo kaj la kanariaj insuloj MD (figurasence) ĉu eblas «interkapti» la homojn kiuj lernas Esperanton per la enretaj kursoj? Ko
kunkaptito kunulo de kaptiteco.
maŝkaptilo drata maŝo por kapti kuniklojn kaj aliajn malgrandajn bestojn.
muskaptilo aparato por kapti aŭ mortigi musojn.
muŝkaptulo
1 ZOOL malgranda birdo, ne bunta, ĝenerale griza aŭ bruna; kun kilforma beksupro, manĝanta precipe muŝojn, kulojn k.s.; vaste trovata en Eŭropo, Afriko kaj Azio. genro Muscicapa
2 BOTA malalta plurjara herbo, kiu manĝas insektojn, kun baza rozeto el folioj modifiĝintaj por kaptado de insektoj, i.a. pro rando portanta dornoformajn harojn; el sudorienta Usono. specio Dionaea muscipula Sin. muŝkapta dioneo.
muŝkaptuledobirdo en tiu taksonomia familio, kies tipgenro estas muŝkaptulo. membro de la familio Muscicapidae (muŝkaptuledoj) el la ordo Passeriformes ➞ paserforma birdo, enanto 2, ruĝvostulo.
nekaptebla tia, kian oni ne povas kapti: nekaptebla ŝtelisto (figurasence) nekaptebla nuanco nekaptebla intervalo 1 de tonoj
ratkaptilo pli granda varianto de muskaptilo por kapti aŭ mortigi ratojn.
rekapti
1 denove kapti iun, kiu elfuĝis: rekapti forkurintan malliberulon rekapti eskapintan panteron
2 kapti ion, kion oni lasis forgliti: li rekaptis sian falantan ganton (figurasence) per forto de la volo ŝi rekaptis la forglitantan memkonscion Z
sinkaptado provado kapti sin aŭ kapti unu la alian: papilioj ludis unu kun la alia sinkaptadon Z