PIV 2026 · Artikolo 316

★akiri

Litero A★ Fundamenta

Derivaĵoj en la artikolo 16
  1. akiro
  2. akiraĵ/o
  3. akirit/aĵ/o
  4. akirant/o
  5. akirebl/a
  6. akirig/i
  7. akiriĝ/i
  8. batalakiro
  9. ĉasakiro
  10. flatakiri
  11. laborakiri
  12. laborakiro
  13. militakiri
  14. neakirebl/a
  15. rabakiro
  16. reakiri
★ akiri tr
1 iĝi posedanto de io konkreta per aĉeto, interŝanĝo aŭ alie: maksimume ili akiras pecon da pano sekan kaj malmolan Z mi riĉiĝis, mi akiris al mi havaĵon MT pli facile estas perdi vilaĝon, ol akiri domon Z peke akirita ne estas profita Z kiel akirite, tiel perdite Z
2 sukcesi ricevi ion petitan: tie vi petos, vi tiros, vi nenion akiros Z la katolikaj pastroj akiris Papan dekreton, kiu malpermesis Z vi devas akiri por tio la permeson de la «Lingva Komitato» Z
3 per propra klopodo sukcesi havigi al si la favoron, helpon aŭ apogon de iu: akiri amikon akiri prozelitojn se ni sukcesos akiri por nia afero unu el la riĉaj amerikanoj, tio ĉi estos por ni tre grava Z per flatoj ŝi akiris mian koron Z
4 havigi al si ion abstraktan per penado aŭ klopodo: akiri influon akiri saĝon akiri potencon scion akiru, sed ne ĉion eldiru Z kiu malmulte deziras, feliĉon akiras Z nenia ofero estus tro granda, se ni povus per ĝi akiri al ni lingvon komunehoman Z neologismoj, kiuj ne rompus la unuecon inter la akirita kaj akirota Z
(figurasence) tiu propono akiris ĉies aprobon la legendo tiam akiris grandan disvastiĝon
➞ atingi, gajni.
akiro
1 ago de iu, kiu akiras: akiro kaj perdo rajdas duope Z ŝatu amikon laŭ la dato de akiro Z
2 io akirita: malsaĝulo en foiro estas bona akiro Z ju pli granda la deziro, des pli kara la akiro Z la homaro fariĝis pli riĉa per unu nova grava akiro Z leono, kiu avidas akiron MT Sin. akiraĵo, akiritaĵo.
akiraĵo, akiritaĵo akiro 2: li ĵaluze kaŝas siajn akiraĵojn ĉu de fortulo oni povas forpreni la akiritaĵon? MT ➞ kaptaĵo, predo.
akiranto iu, kiu akiras: li fariĝis akiranto de la plimulto de la akcioj se ŝi virino ne trovas por si akiranton, ŝi fariĝas denove nulo Z
akirebla tia, ke oni povas ĝin akiri: ĉiuj produktoj de la homa spirito fariĝus akireblaj por ĉiu Z ➞ neakirebla.
akirigi fari, ke iu akiru ion: akirigu al li favorkorecon antaŭ ĉi tiu homo MT
akiriĝi iĝi akirita: per mezuro kaj peso akiriĝas sukceso Z
batalakiro io akirita per batalo.
ĉasakiro io akirita per ĉaso: matene li manĝos ĉasakiron,
Kaj vespere li dividos rabaĵon MT
flatakiri akiri per flatado: li flatakiros vian pardonon Z
laborakiri akiri per laboro: ili forprenos ĉion, kion vi laborakiris MT ➞ perlabori.
laborakiro io akirita per laboro: la simplan, teran, trivialan, sed tamen tragedian, minacan, trudiĝeman, ŝirantan krion: panon! laborakiron! Z la tutan havon de ĉi tiu urbo kaj ĝian tutan laborakiron mi transdonos MT
militakiri akiri militante: ni militakiris en tiu tempo ĉiujn liajn urbojn MT
neakirebla tia, ke oni ne povas ĝin akiri: multe fine akiris tion, kio dum multaj miljaroj ŝajnis neakirebla Z
rabakiro rabaĵo: la leonidoj krias pri rabakiro MT
reakiri denove akiri ion perditan: en la dormo la lacaj reakiris la fortojn B reakiri sian tronon ➞ regajni.