PIV 2026 · Artikolo 4958

★gajni

Litero G★ Fundamenta

Derivaĵoj en la artikolo 5
  1. gajna
  2. gajno
  3. malgajni
  4. regajni
  5. regajno
★ gajni tr
1 akiri monon aŭ valoraĵon en iom hazarda ludo: gajni al iu cent markojn je pokero vi gajnis la grandan gajnon Z gajni en loterio gajni en kartludo kiu ne riskas, tiu ne gajnas Z pli bone malmulte gajni, ol multe perdi Z ➞ elpoenti.
2 superi la alian partion en ludbatalo: gajni ludon gajni maĉon gajni partion gajni veton (analoge) gajni batalon B gajni militon ➞ venki.
3 ricevi ian abstraktan profiton el la cirkonstancoj, ne el sia propra merito aŭ penado: ĉu la flatita popolo mem ion gajnus de tio? alpreno de nacilingvaj radikoj Z ŝi multe gajnis el la nova hararanĝo (analoge) vi deziras gajni tempon MT tiam se la klopodo estas mallerta nia afero anstataŭ gajni — povas esti tute mortigita! Z
4 akiri la favoron aŭ partianecon de iu: la personoj, kiujn Vi gajnis por nia afero Z
5 MARN veli antaŭen, kiel eble plej bone uzante la venton: gajni venten ➞ boardi.
6 (evitinde) = perlabori.
gajna rilata al gajno: loterio , en kiu estis neniu gajna numero Z
gajno
1 ago de iu, kiu gajnas: la gajno de la veto Z rezigni pri gajno
2 io, kion oni gajnas: ankoraŭ la gajno ne estas en la mano Z la granda gajno de loterio
(figurasence) se ni povus favorigi la grandan princon por nia afero, tio ĉi estus tre granda gajno por ni Z por la versofarantoj la granda nombro da vortoj kun akcentita finiĝo estus tre agrabla gajno Z
➞ avantaĝo.
malgajni
1 perdi monon aŭ valoraĵon en iom hazarda ludo: tutaj gregoj da brutoj estis metataj sur karton kaj malgajnataj Z li ne scias malgajni kun flegmo
2 esti superita en ludbatalo: malgajni konkurson malgajni vetkuron malgajni veton (analoge) malgajni batalon
3 MARN tiel direktiĝi, ke la plej granda parto de la vento ne plu estas uzebla.
regajni denove gajni: li regajnis ĉiom, kiom li antaŭe perdis ➞ reakiri.
regajno ago regajni: (figurasence) tio ĉi povus multe helpi al la regajno de Ostwald por nia afero Z