★traf/i

1 (iu ion konkretan) Atingi per ĵetita objekto tion, kion oni celis: trafi iun per kuglo ^B; li trafis la Filiŝton en lian frunton ^X; trafi du celojn per unu ŝtono ^Z (pf); celi anseron, trafi aeron ^Z; li batis nur la malplenan aeron, la kulojn li ne povis trafi ^Z; (f) trafi per la parolo rekte en la vizaĝon ^Z; (abs) homo pafas, Dio trafas ^Z; (analoge) fusilo, kiu trafas ĝuste.

2 (io iun aŭ ion konkretan) Ĵetite aŭ movate, atingi ion celitan: la kuglo trafis lin meze en la frunto; fluis sur lipoj, sed en buŝon ne trafis ^Z; la sago trafis rekte en la celtabulon; ĉiuj frapoj lin trafis; (abs) vidas okulo, sed mano ne trafas ^Z; (f) la mateno trafis ilin en Ĥebron ^X. ☞ kapti, tuŝi.

3 (iu aŭ io ion konkretan) Hazarde renkonti ion, kio difektas, endanĝerigas aŭ minacas: li trafis tripiedon k vundis brovon ^Z; li trafis el sub la pluvo en riveron ^Z; trafi de Scilo al Ĥaribdo ^Z (de malbona stato al pli malbona); trafi per la vizaĝo en koton ^Z; la veturilo trafis en kavon; trafos hakilo al ligno malmola ^Z (pf); trafis pugno pugnon ^Z; la kolumo okaze trafis en lavotan tolaĵon ^Z; kelkaj el tiuj libroj trafis en la manojn de la imperiestro ^Z; (f) trafi en malfavoron. ☞ fali.

4 (io abstrakta iun) Hazarde koncerni, impresi, afekcii, kun malbona efiko: gripo ĵus min trafis; li estas trafita de kancero; ŝin trafis morto ^Z; nenio malbona trafos virtulon ^X; mi ne hontis konfesi la trompiĝojn, kiuj min trafis ^Z; malfeliĉo trafis lin ^Z; ankaŭ en B, trafis tiam la hebreojn multe da suferoj k mizeroj ^Z; neniu scias, kio morgaŭ lin trafos ^Z; ĉio ĉi trafis min kiel tondro ^B; tiuj vortoj trafis la koron de Inger ^Z; ili lotis, k la loto trafis Jonan ^X.

5 (iu iun aŭ ion) Hazarde renkonti, trovi ion bonan: la bovoj de tempo al tempo haltis, kiam ili trafis freŝan herboloketon ^Z; en mia vagado mi trafis originalan homon; trafi la ĝustan vojon, respondon, sencon; trafi bonan akcepton ^Z.