PIV 2026 · Artikolo 15860
★traduki
Derivaĵoj en la artikolo 8
★ traduki tr
1 transigi tekston aŭ konversacion de unu lingvo en alian, anstataŭigante vortojn kaj esprimojn de la unua lingvo per samsencaj vortoj aŭ esprimoj de la alia: Zamenhof tradukis Hamleton li tradukis la nomon de la skarabo en la lingvon latinan Z traduki esperante per Esperanto francan novelon B se iu volos traduki en Esperanton laŭvorte el sia nacia lingvo Z traduki libere Z naciajn idiotismojn ni devas kompreneble eviti kaj peni traduki ilian sencon en maniero plej logika kaj internacia Z miaj lastaj tradukitaj verkoj Z
2 KOMP transigi komputilan kodaĵon de unu formala lingvo en alian, precipe programon skribitan en altnivela programlingvo en pli simplan lingvon, ĝenerale maŝinlingvon. ➞ fontoprogramo, interpretilo, asemblilo.
➞ interpreti. traduka rilata al traduko: tradukaj malfacilaĵoj la traduka arto
traduko ago traduki kaj ties rezulto: en mia traduko de «La Revizoro» Z tiuj frazoj estas laŭvorta traduko de la rusa stilo Z en miaj tradukoj de la klasikaj verkoj Z estas tre dezirinde, ke ni ne evitu malfacilajn tradukojn Z komparadi ĝin kun la traduko Esperanta Z mi donas nur tradukon, sed ne komentarion Z traduko, trukado WAu ➞ tradukokadro, tradukrajto.
tradukado agado traduki: komenci sisteman tradukadon de la Biblio Z estus plej necese, ke mi dediĉu mian tutan tempon nur al tradukado Z entrepreni la tradukadon samtempa tradukado de parolado en kongreso
tradukebla tia, ke oni povas ĝin traduki: facile tradukebla verko malfacile tradukebla verko tute ne tradukebla dirmaniero tute ne tradukebla vortludo
tradukinto homo, kiu ion tradukis.
tradukisto homo, kies profesio estas la tradukado: sendependa tradukisto oficiala tradukisto tradukisto funkciulo ĉe Unesko
mistraduki malĝuste traduki ion. ➞ kontraŭsenco.