PIV 2026 · Artikolo 7065

★kadro

Litero K★ Fundamenta

Derivaĵoj en la artikolo 17
  1. kadro/j
  2. kadre de
  3. kadri
  4. kadrad/o
  5. kadraĵ/o
  6. kadrul/o
  7. kadrum/o
  8. alkadrig/i
  9. brodkadro
  10. enkadre de
  11. enkadrig/i
  12. fenestr/okadro
  13. kopikadro
  14. litkadro
  15. pord/okadro
  16. senkadra
  17. traduk/okadro
★ kadro
1 strukturo plej ofte rigida kaj ortangula, kiu borderas pordon, fenestron, bildon aŭ alian surfacon simile platan: la kadro de la fenestro Z kadro de pordo B kadro de pentraĵo kadro de foto kadro de spegulo kadro de okulvitroj kadro de panelo kadro de gravuraĵo TIPO rimarkoj en kadro fine de paĝo PGr la bukso formis malluman kadron al la florriĉa bedo Sin. kadraĵo. ➞ fenestrokadro, pordokadro; framo.
2 vidaĵo, kiu ĉirkaŭas ion: la urbo kuŝis en kadro el freŝa verdaĵo la palaco liveris bonegan kadron al nia kongreso ➞ fono 1.
3 organizita sistemo aŭ cirkonstancaro, en kiu io ekzistas aŭ okazas:la disdonado de diplomoj okazis en la kadro de la adiaŭa vespero ➞ kadre de tiu agado okazas ekster la kadro de nia asocio la historia kadro fono 1 de la vivo de Zamenhof krevis la malnovaj kadroj de la scienco krei neŭtralan eksteran kadron, kiu povus unuigi inter si ĉiujn memstare pensantajn homojn EPr ➞ framo 2.
4 POLI kadrulo.
kadroj POLI en administra, armea, ekonomia aŭ partia institucio oficistaro kun reganta aŭ ordonanta funkcio, kontraste kun la popolamaso aŭ la simplaj laboristoj:la kadroj de la industrio la kadroj de la polico la kadroj de la socioj ne nur kadroj, sed ankaŭ ordinaraj kamparanoj zorgas pri la akvoutiliga konstruado EPĈ ➞ kadrulo; aparato 3.
kadre de en la kadro 3 de: tre rigora ĝi la N-finaĵo estas, sed kadre de tiu rigoro, kiom da libereco ĝi havigas al ni! CPi Sin. enkadre de.
kadri tr
1 meti kadron ĉirkaŭ ion: kadri fenestrojn per cedro MT liaj manoj estas kiel oraj ringoj, kadritaj per topazoj MT kolumo, butonumita per granda ore kadrita muntita kameo Z (figurasence) profundiĝintaj kaj blue kadritaj okuloj de malsana infano Z
2 FOTO loki ion fototan tiel, ke ĝi aspektu bone aŭ efektu arte en la kadro de la foto.
Sin. enkadrigi.
kadrado ago, per kiu oni kadras ion.
kadraĵo kadro 1: pentraĵoj brilis el ora kadraĵo Z (figurasence) al virino oni donas brilantan kadraĵon, por ke ŝi, altiru al si la okulojn Z
kadrulo POLI ano de la kadroj. Sin. kadro 4.
kadrumo ARKI bordero fiksita al la interna parto de aperturo por ricevi la kadron de fenestro, pordo, kameno k.s.
alkadrigi TIPO aranĝi tekston tiel, ke la randoj estas rektaj. ➞ rektigi 2, remburi 3.
brodkadro kadro, sur kiu oni streĉe etendas brodotan kanvason.
enkadre de kadre de: la prelegoj, faritaj enkadre de la kongresoj, aperis libroforme JPa
enkadrigi kadri: ili faris la oniksajn ŝtonojn, ĉirkaŭe enkadrigitajn per oro MT niaj radikoj povas esti enkadrigitaj en unu el tri kategorioj FPi enkadrigitaj en la konferenco estis specialaj programeroj EGv
(figurasence) la herbejo estas enkadrigita de altaj montoj fosoj, enkadrigitaj de tuta vico da salikoj Z
fenestrokadro kadro ĉirkaŭ fenestro.
kopikadro FOTO kadro kun vitro, per kiu oni reproduktas negativon sur paperon.
litkadro kadro de lito.
pordokadro kadro ĉirkaŭ pordo.
senkadra ne havanta kadron: senkadra spegulo senkadraj okulvitroj
tradukokadroBIOL triopa grupigo de nukleotidoj en kodonojn: ĉar estas tri nukleotidoj en unu kodono, estas tri tradukokadroj