PIV 2026 · Artikolo 12589
★pordo
Derivaĵoj en la artikolo 22
★ pordo
1 libera spaco aranĝita en muro de urbo, konstruaĵo aŭ ĉambro, por eniri kaj eliri: ĉe la eniro tra la pordoj MT aĉeti sian bileton ĉe la pordo de la teatro komenciĝis mizero, ĝi venas per pordo kaj fenestroj Z en bona ordo tra la pordo! Z mi staris tuj interne de la pordo interne de la ĉambro, tute apud la pordo ALö
2 ligna aŭ fera klapego, kiu fermas pordon kaj povas duonturniĝi por ebligi la trairon: dika tabulega pordo Z unuklapa pordo duklapa pordo vitra pordo krada pordo fermi pordon ŝlosi pordon ŝi malfermis la flankan pordon, kiu kondukis en ŝian ĉambron Z duone malfermita pordo Z ora ŝlosilo ĉiun pordon malfermas Z frapi je la pordo Z oni rompis poton je la pordo Z pordo de aŭto pordo de vagono (analoge) la pordoj de ŝranko, de forno (figurasence) frapi je ies pordo peti de tiu persono helpon lasi malfermita la pordon por novaj traktatoj sieĝi ies pordon Z neniam povas malfermiĝi por ŝi la pordo de favorkoreco Z ➞ pordoferma.
3 ANAT loko, kie la vaskuloj k.a. eniras en la hepaton: hepata pordo porta hepatis
porda
1 rilata al pordo(j).
2 ANAT rilata al la hepata pordo. ➞ pileo, porda vejno.
pordego
1 ĉefa pordo de domo, tra kiu eniras la veturiloj: kun bruo oni malfermis la pordegon, kaj la kaleŝo enveturis en la korton FE
2 granda pordo de fortikigita urbo: la gardostaranto ĉe la pordego Z poŝta kaleŝo haltis antaŭ la urba pordego Z ŝia edzo estas konata ĉe la pordego, kie li sidas kune kun la maljunuloj de la lando MT (figurasence) ĉu malfermiĝis antaŭ vi la pordego de la morto? MT
3 en Oriento pordego 2 kiel simbolo de la urbo aŭ lando mem: Judujo funebras, ĝiaj pordegoj malĝoje nigriĝis MT pordegoj de Hades ne superfortos ĝin mian eklezion NT la Plejalta Pordego malnova nomo de la turka registaro
pordeto malgranda pordo, ofte aranĝita en pli granda: ŝi enkuris en la pordegon kaj forte ĵetfermis post si la pordeton Z pordeto de stalo pordeto de giĉeto ĝardena pordeto en muro, heĝo aŭ alia barilo
pordisto homo, kies okupo estas gardi domon, kontrolante la enirantojn, donante informojn pri la loĝantoj ktp: aperis galonita pordisto Z ŝi renkontis la pordiston, kiu portis faskon da ligno al unu el la loĝejoj Z pordisto de preĝejo Sin. kortisto. ➞ pordistedzino.
pordistejo loko, kie deĵoras pordisto.
antaŭpordo porĉo.
bar1ilpordo pordo en barilo: mi eniris tra malfermita barilpordo inter du ŝtonfostoj SJo ili fine alvenis al fendo en la heĝo , kie troviĝis kampara barilpordo el kvin tabuloj TKu/SDa
ĉefpordo ĉefa pordo de konstruaĵo, ĉambro k.s.: la reĝa ĉaro ne eniris la antaŭkorton de la palaco per la granda ĉefpordo HLu malfermi la ĉefpordon de la apartamento kaj penetri en la antaŭĉambron SPo ➞ dompordo.
dompordo pordo de domo, ordinare la ĉefpordo: mia fratino ĵus revenis; mi aŭdis la dompordon malfermiĝi HLu ni atingis la dompordon, sonigis la tirsonorilon CRo ➞ stratpordo.
fenestropordo fenestro, kies klapoj atingas ĝis la planko kaj tra kiu oni povas eniri aŭ eliri.
ferdekpordo MARN
1 pordo, kiu kondukas de la ferdeko al la internaĵo de la ŝipo.
2 aperturo en ferdeko, tra kiu oni enmetas pakaĵojn en holdojn.
fulgopordeto pordeto ĉe la bazo de fumtubo, kamentubo k.s., malfermebla por ebligi forprenon de la fulgo.
karuselpordo turnopordo.
klapopordo horizontala pordo en planko aŭ plafono: sub la sofon de mia dormsalono vi konstruis klappordon, per kiu mi povis faligi miajn enuintajn amatinojn en profundakvan puton SSz la klappordo de la kripto SLa (analoge) en la muro, malantaŭ alia klappordo, mi ekvidis grandan truon, similan al kamentubo SSz
kluzpordo ĉiu el la fortikaj pordoj, kiuj fermas la ekstremaĵojn de kluzo kaj kontraŭstaras la puŝon de la akvo.
kluzpordeto en kluzpordo pordeto malfermanta faŭkon, tra kiu pasas akvo por ŝanĝi la nivelon en la kluzĉambro.
latispordo pordo, kies kadro entenas latison.
pavezpordo MARN pordo ĉe pavezo: li akceptis la vizitantojn ĉe la pavezpordo
stratpordo pordo, kiu kondukas el la domo rekte en la straton. ➞ dompordo.
svingopordo risorta pordo, kiun oni povas malfermi de ambaŭ flankoj, kaj kiu mem refermiĝas, sed ne ŝlosiĝas.
ŝovpordo pordo, kies plataĵo ŝoviĝas sur reloj paralele al la muro. ➞ husumo.
turnopordo pordo konsistanta el tri aŭ kvar vandoj, kiuj turniĝas ĉirkaŭ centra akso. Sin. karuselpordo. ➞ turnokruco.