PIV 2026 · Artikolo 4418
★fermi
Derivaĵoj en la artikolo 42
- ferma
- fermo
- fermaĵ/o
- fermet/i
- fermiĝ/i
- fermil/o
- fermit/a
- brufermi
- ĉirkaŭfermi
- dis/malfermi
- du/onfermi
- enfermi
- enfermiĝ/i
- enfermiĝ/em/a
- fandfermi
- fenestr/ofermil/o
- fulm/ofermil/o
- interfermaĵ/o
- ĵetfermi
- klakfermi
- lapfermil/o
- malferma
- malfermi
- malfermo
- malfermaĵ/o
- malfermeg/i
- malfermiĝ/i
- malfermit/a
- masonfermi
- memferma
- nefermit/a
- pinĉ/ofermil/o
- pord/oferma
- pord/ofermil/o
- puŝfermi
- refermi
- re/malfermi
- re/malfermo
- sigelfermi
- ŝlosfermi
- ŝtopfermi
- tir1fermi
★ fermi tr
1 meti ion en staton, kiu malebligas eniron aŭ eliron: fermi barilon fermi tirkeston fermi pordon fermi ĉambron fermi domon fermi butikon fermi havenon fermi breĉon per tabuloj la pordo feliĉe estis nur fermita senŝlose Z eniris al Noa en la arkeon po du el ĉiu karno, kaj la Eternulo fermis post ili subkomprenu: la pordon MT ➞ rigli, ŝlosi, ŝtopi; hermetika.
2 fari ion aŭ iun neatingebla aŭ ne alirebla: fermi la landlimojn al la trafiko la lingvo ne estas fermita kontraŭ novenkondukaĵoj Z ĉiuj rimedoj estas fermitaj por vi Z li lin fermis en karceron KKa al la sola Esperanta gazeto estis fermita la eniro Rusujon Z Janjo la tutan matenon estis fermita en la ĉambreto Z fermita aristokrataro fermita klubo fermita sekto ekskluzivaj
3 proksimigi disigitajn partojn de io, por ke ne plu ekzistu interspaco: fermi la kurtenojn fermi cirkviton fermu la okulojn, bela Sara! Z fermi la palpebrojn fermi lipojn fermi buŝon fermi dentojn fermi fingrojn fermi manon aliĝi kun okuloj fermitaj tute konfide, blinde Z tio fermu la buŝon al niaj kontraŭuloj silentigu ilin Z ferminte la okulojn kaj orelojn kontraŭ ne volante ektimiĝi de la baldaŭ aperonta ventego, mi sendis al Vi mian projekton Z
4 meti ion en staton, kiu malebligas ĝian uzadon aŭ funkciadon: fermi libron fermi paperujon fermi leteron fermi fotoaparaton fermi kranon fermi komutilon fermi tondilon fermi tranĉilon fermi sakon fermi trakon signalante, ke la trajnoj haltu
5 (figurasence) meti finon al io; definitive ĉesigi ion: fermi kunvenon fermi la kongreson fermi la diskuton fermi parentezon per krampo fermi teatron fermi preĝejon ĉesigi ilian funkciadon mia broŝuro falis en la manojn de eldonisto, kiu tuj post la publikigo fermis sian magazenon Z la martrafiko estas fermita por ĉi tiu jaro
(analoge) fermi la marŝon fermi procesion esti la lasta en ili tiu balo fermis la serion de la festoj
ferma
1 rilata al fermo: ferma kunsido de la kongreso ferma krampo MATE la ferma operatoro
fermo ago de fermanto: la fermo de la fenestro estas aŭtomata la striko kaŭzis la fermon de ĉiuj kinejoj
fermaĵo MATE pri topologia aro la plej malgranda fermita aro 2, kiu enhavas tiun aron: transitiva fermaĵo
fermeti ne komplete fermi ion: iafoje oni devas okulon fermeti Z Sin. duonfermi.
fermiĝi pasi en staton de fermo: la truo en la sablo rapide fermiĝis fermiĝis la fontoj de la abismo MT ŝiaj okuloj fermiĝis de laciĝo
fermilo ĉia ilo aŭ aparato por fermi: fermilo de kofro fermilo de mansaketo
fermita
1 tia, ke oni ĝin fermis: ŝiaj okuloj estis duone fermitaj Z
2 LING silabo finiĝanta per konsonanto, ekz. jam, post aŭ kaj.
5 MATE (aparte) aro en topologia spaco tia, ke oni ne povas eliri el ĝi per konverĝa reto aŭ filtrilo: la aro de ĉiuj akumuliĝaj punktoj estas fermita
6 MATE kurbo tia, ke la du finoj de la kurbo egalas.
brufermi fermi ion kun bruo: brufermi pordon
ĉirkaŭfermi ĉirkaŭigi ion per io, kio fermas ĝin: ĉirkaŭfermi ĝardenon per heĝo ĉirkaŭfermita korto Z mi lasis ilin tute ĉirkaŭfermi de la malamikoj Z
duonfermi fermeti: kun duonfermitaj okuloj
enfermi teni ion fermita en io: enfermi oron enfermi fromaĝon en ŝranko enfermi kaptitojn enfermi provizaĵojn enfermi sin en sia biblioteko (figurasence) la kristalo enfermas malpuraĵon ➞ enŝlosi, enteni.
enfermiĝi meti sin fermita en io: persekutate, li enfermiĝis en la kelo
enfermiĝema havanta tendencon apartigi sin de eksteraj kontaktoj aŭ influoj: la popolo iĝadas malpli libera , pli naciisma kaj enfermiĝema IEr (figurasence) enfermiĝema karaktero
fandfermi fermi ion per fandado: fandfermi vitran tubon
fenestrofermilo KONS aparato el mantenilo kaj rigliloj por fermi kaj fiksi fenestron: li enirigis sian brakon maldekstran tra la malfermaĵo, kaptis la fenestrofermilon kaj ĝin turnis HVa Sin. espanjoleto.
fulmofermilo zipo.
interfermaĵo ŝtopgarnaĵo por fermi interspacon, ekz. inter du flanĝoj.
ĵetfermi fermi pordon k.s. forte, rapide kaj laŭte.
klakfermi fermi ion kun klaka bruo: klakfermi saketon klakfermi ventumilon klakfermi pordon
lapfermilo fermilo konsistanta el du alkroĉiĝemaj bendoj, unu kovrita per etaj hokoj kaj la alia per buklaj dratoj. Sin. lapo 3.
malferma
1 rilata al malfermo: malferma ceremonio malferma kunsido Z malferma parolado Z malferma krampo
malfermi
1 meti ion en staton, kiu ebligas eniron aŭ eliron: malfermi keston malfermi botelon da vino malfermi fenestron malfermis ĝiajn grenejojn MT malfermis Sian trezorejon MT Mi malfermos viajn tombojn MT ĉiu unuenaskito, kiu malfermas ĉiun uteron MT lilioj malfermas al la suno siajn kaliketojn Z ora ŝlosilo ĉion malfermas Z malfermita kelo tentas al ŝtelo Z kiu frapas, al tiu oni malfermas la pordon Z mi leviĝis, por malfermi al mia amato MT ➞ malŝlosi.
2 fari ion atingebla aŭ alirebla: la klubo estas malfermita al ĉiuj
3 disigi du partojn aŭ flankojn de io, por ke fariĝu interspaco: malfermi la okulojn Z malfermi la buŝon Z ŝi malfermas sian manon al la malriĉulo MT malfermi siajn brakojn al amiko viaj oreloj estas malfermitaj, sed ne aŭdas MT varme lumis la suno kaj ĉiuj fenestroj estis malfermitaj
4 meti ion en staton, kiu ebligas ĝian uzadon aŭ funkciadon: malfermi libron malfermi leteron malfermi tondilon malfermi vojon al la komerco
5 (figurasence) fari komencon de io: malfermi parentezon malfermi solene la kongreson malfermi balon malfermi baloton
malfermo ago de malfermanto: malfermo de nova vaporŝiplinio malfermo de internacia konferenco malfermo de lando al internacia trafiko diafragma malfermo
malfermaĵo
1 aperturo aŭ truo: la radioj de la luno, eniĝantaj tra malfermaĵo en la tegmento LiZ apud la malfermaĵo de la granda tendo sidis viro HLu la buŝa malfermaĵo ILa
malfermegi larĝe malfermi: malfermegi la okulojn malfermegi la buŝon
malfermiĝi pasi en staton de malfermo: la pordo malfermiĝis Z la kongreso, kiu nun malfermiĝas Z
malfermita
1 tia, ke oni ĝin malfermis: li tenis en la manoj duone malfermitan libron B
2 LING silabo finiĝanta per vokalo, ekz. du aŭ la.
4 MATE aro en topologia spaco tia, ke ĝi estas ĉirkaŭaĵo de ĉiu punkto de ĝi; oni povas ĉie libere iomete ĉirkaŭpromeni en ĝi.
masonfermi fermi ion per masonaĵo: masonfermi fenestron masonfermi pordon tombo, kiun oni masonfermis Z
memferma tia, ke ĝi mem aŭtomate fermas sin: memferma klapo memferma pordeto
nefermita tia, ke oni ĝin ne fermis: li ne povis plu teni la okulojn nefermitaj Z nefermita publika letero Z
pinĉofermilo KEMI risorta metalpeco por fermi kaŭĉukan tubon, kiun oni kunigas al ĥemiaj flaskoj aŭ aparatoj. ➞ pinĉokrano.
pordoferma tia, ke ĝi fermas pordojn: pordoferma politiko ke oni ne enlasu fremdulojn UsH la tribunalo juĝis pordoferme sen publiko tiun seksatencon
pordofermilo ĉia meĥanismo, per kiu oni fermas pordon aŭ tenas ĝin fermita.
puŝfermi fermi ion per puŝo: puŝfermi pordon
refermi denove fermi ion: li mallaŭte enŝoviĝas internen kaj refermas post si la pordon HBu Bob duone malfermas la okulojn, ilin refermas, ilin malfermetas denove CPi
remalfermi denove malfermi ion: ŝi remalfermis la notlibron kaj legis SEn
remalfermo ago remalfermi: la remalfermo de la muzeo okazos en Oktobro la disvastiĝo de Esperanto promesas remalfermon de la pordo de la Historio OE
sigelfermi sigeli 4: se nenio troviĝos en la letero, oni povas denove sigelfermi Z (figurasence) la stelojn Li sigelfermas MT
ŝlosfermi fermi ion per ŝlosilo: ŝlosfermi fenestron
ŝtopfermi fermi ion per ŝtopilo: ŝtopfermi botelon vino ŝtopfermita MT (analoge) post la forĵeto de la ŝtona kapsulo el la ŝtopfermita kratero Ko
tir1fermi fermi ion per tirado: tirfermi pordon