PIV 2026 · Artikolo 3522
★edzo
Derivaĵoj en la artikolo 57
- edza
- edzec/a
- edzec/o
- edzig/a
- edzig/i
- edzig/o
- edziĝ/a
- edziĝ/i
- edziĝ/o
- edzin/o
- edzin/ig/a
- edzin/ig/i
- edzin/ig/o
- edzin/iĝ/i
- edzin/iĝ/o
- boedziĝ/i
- caredzin/o
- doktoredzin/o
- eksedzo
- eksedzig/a
- eksedziĝ/i
- eksedziĝ/o
- eksedzin/o
- eksteredzec/a
- geedza
- geedzo
- geedzo/j
- geedzec/o
- geedzig/a
- geedzig/i
- geedzig/o
- geedziĝ/a
- geedziĝ/i
- geedziĝ/o
- imperi/estredzin/o
- interedzig/a
- interedzig/i
- kromedzo
- kromedzin/o
- kvazaŭedzin/o
- miksedziĝ/o
- misedziĝ/o
- novedzo
- novedzin/o
- pastredzin/o
- pluredzec/o
- pluredzin/ec/o
- pord/istedzin/o
- princedzin/o
- princ/o-edzo
- provedziĝ/o
- reĝedzin/o
- reĝ/inedzo
- senedza
- senedzec/o
- senedzin/ec/o
- senedzin/a
★ edzo viro laŭleĝe ligita kun alia persono por kunvivado kaj fondo de familio: venu, Ĉar mia edzo ne estas hejme MT furiozas la ĵaluzo de la edzo MT edzo kaj edzino — ĉiela difino Z episkopo do devas esti neriproĉebla, edzo de unu edzino NT mirinda afero, tiu tiraneco de sinjoroj la edzoj Z por gejunuloj mankas tempo serĉi edzon aŭ edzinon Ko ➞ fraŭlo, fianĉo, vidvo.
edza rilata al edzo: edza subskribo
edzeca rilata al edzeco: edzeca ĵuro Z edzeca infano ➞ eksteredzeca edzece feliĉa Z
edzeco
1 stato esti edzo: seninfana estis la edzeco de la rabeno Z
2 (arĥaismo) stato esti geedzoj: ligo tiel estimeginda, kiel estas la ligo de edzeco Z
edziga rilata al geedziĝo: edziga promeso Z edziga formulo Z edziga ringo Z
edzigi fari iun edzo: edzigi sian filon al riĉa fraŭlino vi povus tion fari, se vi estus edzigita kun persono de via klaso Z la filoj de ĉi tiu mondo edziĝas kaj estas edzigataj NT
edzigo = (prefere) geedziĝo.
edziĝa rilata al edziĝo.
edziĝi iĝi edzo: ĉar viro ekpensas edziĝi kun ni, tial estas necese, ke ni rompu ĉiujn interrilatojn kun la vivantoj! Z mi ne petis vin, ke vi edziĝu kun mi Z ŝtelu malproksime, edziĝu proksime Z
edziĝo
1 laŭleĝa ligo de viro kun alia persono: edziĝo pro amo edziĝo pro mono edziĝo pro konveneco edziĝo pro prudento edziĝo laŭ koro Z edziĝo laŭ la kvanto da oro Z de edziĝo tro malfrua orfoj naskiĝas Z fianĉiĝo ne estas edziĝo Z
2 (arĥaismo) = geedziĝo: ĉu antaŭ la edziĝo vi demandis pri mia konsento ? Z nur unu kiseton, partopage de nia edziĝo Z ➞ edziĝfesto, edziĝvojaĝo;edziĝtaŭga.
edzino virino laŭleĝe ligita kun alia persono por kunvivado kaj fondo de familio: preni edzinon MT per oreloj, ne per okuloj, edzinon elektu Z esti sub la ŝuo (de sia edzino) Z vi malpurigas unu la edzinon de la alia MT jen niaj kanajlaj edzinoj! Z
edziniga rilata al edzinigo: edziniga ceremonio Z
edzinigi fari iun edzino: mi edzinigas mian filinon ne kun ia simpla nobelo Z Miĥal, kiun mi edzinigis al mi MT li edzinigis ŝin al si kontraŭ la volo de ŝia patro Z en certa grado ... mi estas edzinigita Z la fraŭlino, kiu estis edzinigota de mia frato, mortis Z
edzinigo ago edzinigi.
edziniĝi iĝi edzino: mi jam estas tro maljuna por edziniĝi kun viro MT se virgulino edziniĝas, ŝi ne pekas NT en la releviĝo oni nek edziĝas nek edziniĝas NT
edziniĝo laŭleĝa ligo de virino kun alia persono.
boedziĝi BIBL edziĝi al la edzino de seninfane mortinta frato: envenu al la edzino de via frato, kaj boedziĝu kun ŝi MT
caredzino edzino de caro.
doktoredzino edzino de doktoro: ŝi ne estas doktorino, sed nur doktoredzino Z
eksedzo iu, kiu ne estas plu ies edzo: min helpis mia sveda eksedzo, kiu spite al la divorco restis mia amiko OE ŝi furioziĝis kontraŭ sia eksedzo SŠt
eksedziga rilata al eksedziĝo: li skribu al ŝi eksedzigan leteron MT
eksedziĝi ĉesigi la (ge)edziĝon: eksedziĝi kun iu eksedziĝi je iu Z eksedziĝi disde iu ĉu ni nun eksedziĝos! pensis Fanny FK
eksedziĝo ĉesigo de la (ge)edziĝo: peti pri eksedziĝo proceso pri eksedziĝo ➞ divorco, repudio, separo.
eksedzino iu, kiu ne plu estas ies edzino: vi devas pagi al eksedzino alimenton CPi vidvinon aŭ eksedzinon ili ne prenu al si kiel edzinon; sed nur virgulinon el la idaro de la domo de Izrael MT
geedza rilata al geedzo, geedzoj aŭ geedzeco: mi imagis, ke tio estas nia geedza loĝejo, ke mi jam vivas kune kun Tola B monogamio kaj geedza fideleco RPi
geedzo persono ligita kun alia persono por kunvivado kaj fondo de familio: la unua afero, kiun faras ĉiu sklavino kiam ŝi aliĝas al nova domanaro, estas informiĝi, kiu estas geedzo de kiu ALö Sin. spozo.
geedzoj
1 edzo kaj edzino: geedzoj en paco vivas en reĝa palaco Z ni ambaŭ estos geedzoj Z
geedzeco stato de geedzoj: la sekreto de sukcesa geedzeco Ko
geedziga rilata al geedzigo. Sin. interedziga.
geedzigi kunigi du homojn per edzeco: ĉar ili estas nerevokeble geedzigitaj, kial ili rifuzas la edzigan benon? HVa li edziĝas laŭ sia deziro, li geedzigas siajn infanojn laŭ sia deziro DBr Sin. interedzigi.
geedzigo ago geedzigi.
geedziĝa rilata al geedziĝo: geedziĝa ceremonio
geedziĝi iĝi geedza paro: ili geedziĝis sekrete
geedziĝo
1 laŭleĝa ligiĝo inter viro kaj virino.
3 KRIS sakramento, kiu sanktigas geedziĝon.
imperiestredzinoedzino de imperiestro.
interedziga geedziga: li plenumis la interedzigan ceremonion Z
interedzigi geedzigi: ili estis ja nun gefianĉoj kaj baldaŭ interedzigotaj Z
kromedzo en poligamia sistemo ĉiu el la edzoj edzigitaj post la unua.
kromedzino en poligamia sistemo ĉiu el la edzinoj edzinigitaj post la unua.
kvazaŭedzino konkubino.
miksedziĝo geedziĝo inter malsamgentaj aŭ malsamreligiaj personoj.
misedziĝo HIST edziĝo kun persono de malpli alta klaso: kiel furiozus lia patro, se li vidus lin edziĝinta al juna kampulino, ĉar neniam la misedziĝoj konservas longe la ĝojon de la unuaj tagoj FDi Sin. mezalianco.
novedzo viro, kiu ĵus edziĝis.
novedzino virino, kiu ĵus edziniĝis: sesono de la britaj novedzinoj faras paroladon ĉe sia propra geedziĝa festo CLs
pastredzino edzino de pastro: malnovaj bildoj de la antaŭaj pastroj kaj pastredzinoj Z
pluredzeco, pluredzineco poligamio.
pordistedzino edzino de pordisto: la pordistedzino malaperis malantaŭ la malgranda pordeto Z
princedzino edzino de princo.
princo-edzo = (prefere) reĝinedzo.
provedziĝo provtempo de seksa kunvivado antaŭ la geedziĝo.
reĝedzino edzino de reĝo, sed ne mem reĝino.
reĝinedzo edzo de reĝino, sed ne mem reĝo.
senedza ne havanta edzon: la knabo estis akceptita de senedza onklino, kiu edukis lin, ĝis ŝi mortis CPi
senedzina ne havanta edzinon: senedzina, seninfana, ĉiam inklina grumbli CPi