PIV 2026 · Artikolo 4434

★festi

Litero F★ Fundamenta

Derivaĵoj en la artikolo 20
  1. festa
  2. feste
  3. festo
  4. saturn/a/j festo/j
  5. festaĵ/o
  6. festec/o
  7. bakĥ/ofesto
  8. edz/iĝfesto
  9. edz/iĝ/ofesto
  10. ge/edz/iĝfesto
  11. Kandelfesto
  12. memorofesti
  13. memorofesto
  14. Miĥaelfesto
  15. nomfesto
  16. Palm/ofesto
  17. sukerofesto
  18. surprizfesto
  19. taŭr/ofesto
  20. tend/ofesto
★ festi tr honori iun aŭ ion per plezura ceremonio: festi sabaton Z festi geedziĝon festi jubileon festi la okdekjaran datrevenon de sia naskiĝo Z kun kiu vi festas, tia vi estas Z tri fojojn festu al Mi dum la jaro MT ➞ celebri, glori, soleni.
festa rilata al festo: bala muziko bruis tra la festaj salonoj Z tago festa — for aferoj Z festa manĝo festa prezentado
feste en festa maniero: la satanoj sin feste ornamas Z feste aranĝitaj tabloj Z
festo publikaj aŭ privataj ceremonioj kaj plezuroj por festi iun okazaĵon: festo de Kristnasko festo de Budhonasko festo de Pasko festo de Pentekosto festo de laŭboj MT festo de la Unua de Majo festo de la 14a de Julio edziĝa festo Z intima festo ĝojan feston! deziresprimo FE kies gasto mi estas, ties feston mi festas Z ofta festo, malplena kesto Z post la fasto venas festo Z enmeti en la programon specialan feston por mia honoro Z niaj ĉiujaraj kongresoj fariĝos konstanta festo de la homa frateco Z profani nian feston per semado de malpaco Z
saturnaj festoj HIST en la antikva Romo festoj de Saturno 1, dum kiuj la ordinaraj leĝoj de deco kaj socia hierarĥio estis interrompitaj.
festaĵo festa ceremonio: ĝi devas veni al ni amase, kiel al kurioza festaĵo Z
festeco eco de festa afero aŭ tago.
bakĥofesto festo dediĉita al Bakĥo.➞ Bakĥanalio.
edziĝfesto, edziĝofesto
1 plezura publika aŭ privata evento por festi la geedziĝon: ili elektis orajn ringojn, sekvis edziĝfesto kaj komenciĝis la nova vivo familia MKo per ĉiuj preĝejaj sonoriloj oni anoncu la edziĝofeston Z
2 plezura publika aŭ privata evento por festi la datrevenon de geedziĝo: ni estus ambaŭ tiel maljunaj, ke tia geedziĝo tro similus arĝentan edziĝfeston HVa ili estis praavoj kaj estis baldaŭ festontaj sian oran edziĝofeston la 50-an datrevenon de sia geedziĝo Z
➞ nupto.
geedziĝfesto edziĝfesto: farante tostan paroladeton ĉe geedziĝfesto, la oratoro ne havos malgajan mienon ILa
Kandelfesto KRIS festo, kiu memorigas la prezentadon de Jesuo en la Templo (2an de Februaro): en la Kandelfesto okazis mia edziniĝo Z
memorofesti memorigi iun aŭ ion per festo: nia klubo memorfestis la naskiĝon de Zamenhof kaj la tagon de la Esperanta libro Ko
memorofesto festo por memorigi ion aŭ iun: okaze de la memorfesto ni organizas ekspozicion ABo
Miĥaelfesto KRIS festo de Sankta Miĥaelo (29an de Septembro).
nomfesto KRIS tago dediĉita al la sanktul(in)o, kies nomon ĝi portas: lia nomfesto estas en la tago de la sankta Antono Z
Palmofesto KRIS palmodimanĉo.
sukerofesto ISLA KOMU tutmonda festo fine de Ramadano. عيد الفطرʿĪd al-Fiṭr la sukerfesto estas grava tago por la indonezianoj, kiuj kunfestas kun familianoj SSL
surprizfesto festo aranĝita kiel surprizo: nun mi devas forflugi al mia propra lando, kie estos surprizfesto por mia onklo, kaj mi promesis partopreni DBr
taŭrofesto taŭrobatalo.
tendofesto BIBL juda aŭtuna festo de laŭboj, kiam oni starigas en la kortoj laŭbojn aŭ kabanetojn, en kiuj oni portempe loĝas: la tempo de la tendofestoj Z