PIV 2026 · Artikolo 5282
★glori
Derivaĵoj en la artikolo 11
★ glori tr
1 honori iun, disfamigante ties admirindajn meritojn: glori heroan agon glori la bonfarojn de malriĉa virino ni gloru la saĝulojn, ne la perfortulojn virino, kiu timas la Eternulon, estos glorata MT mi ĝojus, se min glorus la popolo, Ke tion ĝuas Aliaj pli ol mi Z sin glori ➞ fieri, fanfaroni, vanta kiu nenion valoras, plej multe sin gloras Z se mi gloros min mem, mia gloro estas nenio NT
2 BIBL danki iun per laŭdoj: li gloras la Reĝon de la ĉielo MT glorata estu la Eternulo MT
3 (figurasence) io diri laŭdojn pri iu: la famo multe gloris vin pro io Z se eĉ falas li, la kanto Lin gloras Z ŝiaj faroj ŝin gloros MT
glora
1 posedanta gloron: glora poeto glora sciencisto la glora kaj mirinda mond’ antikva Z tago glora en la kronikoj de Danujo Z
2 donanta gloron: glora venko glora okazo glora kanto glora verko
glore en glora maniero: glore morti ne glore estas serĉi sian gloron MT
gloro
1 la plej alta opinio kaj admiro de la plimulto pri ies genio, meritoj, virtoj: meriti gloron Z akiri gloron Z pensi pri la postmorta gloro Z gloro, ho suno de l’ mortintoj! flugi al la templo de la senmorta gloro Z brilo de gloro Z prikanti ies gloron oni ne pagas per gloro al sia tajloro Z glor’ al vi Z makulo malpurigas La gloron de plej grandaj niaj faroj Z
1 Zamenhof foje uzis gloro en la simpla signifo de famo, kio estas evitinda: bona gloro pli valoras ol oro Z
2 BIBL brilego de la Dia majesto: la gloro de la Eternulo aperis en nubo MT ni ĝoju pro espero de la gloro de Dio NT matene vi vidos la gloron de la Eternulo MT
3 persono aŭ afero kiel kaŭzo de gloro: longe, ho, restu vi gloro de la naci’ ! Z liaj kantoj estas la gloro de la lando Z
glorado ago de gloranto: la glorado de la falintaj patriotoj
gloraĵo faro glora.
glorigi esti la kaŭzo de la granda fameco, ĉiekonateco de iu aŭ io: la grandaj scienculoj glorigas sian naskiĝlandon lia verko glorigas lin pli ol la laŭdoj
gloriĝi iĝi glora: Mi gloriĝos per Faraono MT
glorinda inda je grandaj laŭdoj: la Eternulo estas granda kaj tre glorinda MT
malglori misfamigi iun aŭ ion aŭ diskonigi ties malbonan famon: malglori friponon malvirtulo malhonoras kaj malgloras li malgloris siajn gepatrojn, enmondigintajn stultulon SPo
malgloro la plej malalta opinio de la plimulto pri ies morala aŭ intelekta valoro: meriti malgloron disanonci ies malgloron ➞ honto, malhonoro.
senglora estanta sen gloro: senglora morto