PIV 2026 · Artikolo 3521

★eduki

Litero E★ Fundamenta

Derivaĵoj en la artikolo 10
  1. eduka
  2. eduko
  3. edukad/o
  4. edukej/o
  5. edukist/o
  6. edukit/ec/o
  7. geedukad/o
  8. needukebl/a
  9. needukit/a
  10. reedukad/o
★ eduki tr
1 direkti la elvolviĝon de la fizikaj, moralaj kaj intelektaj kapabloj de iu: oni edukadis min kiel idealiston Z tiujn, kiujn mi dorlotis kaj edukis, ĉiujn ekstermis mia malamiko MT ni edukis ŝin en la plej granda severeco Z ŝi estis edukata hejme Z la virinoj ne estas ankoraŭ edukataj tiamaniere, ke ili povu Z ŝi, iam tre zorge edukita de plej bonaj gepatroj Z Jadvinjo restis ĉiam ĝentila, kiel bone edukita infano Z ĝi ne influas rekte la universitatojn, kiuj edukas kuracistojn ULd (analoge) mi malĝojas, ke vi ne edukis sufiĉe vian talenton Z (analoge) niaj kongresoj edukas konvinkitajn, sekve ankaŭ entuziasmajn batalantojn Z ➞ instrui, kulturi, prizorgi.
2 malsovaĝigi beston: timu lupon edukitan kaj malamikon repacigitan Z kvankam elefantido estas karulo de infanoj, necesas eduki lin WKl eduki tigron eduki hundon eduki papagon ➞ dresi.
3 (arĥaismo) = selekti aŭ kultivi planton: eduki novan varion eduki hederon MT vi estas vegetaĵoj, kies trunketoj, edukitaj en oranĝerioj, ne havas la forton, por kontraŭstari al ventoj kaj fulmotondroj! Z
eduka rilata al eduko: eduka sistemo AKv edukaj procedoj ne malpli grava estas la eduka signifo de la esperantistaj kongresoj Z
eduko ago eduki kaj ties rezulto: ĝi estas demando pri la vivo kaj pri la eduko de mia infano Z doni bonan edukon al Z malpiulo mortos pro manko de eduko MT
edukado agado de tiu, kiu edukas: zorgi pri la edukado de la malpli aĝaj gefratoj Z hebreo ricevas sian edukadon kaj instruadon en lingvo de popolo, kiu lin forpuŝas Z lernejanoj, kies gepatroj mem ĝuis universitatan edukadon GVD edukado de abeloj ➞ pedagogio.
edukejo domo, kie oni edukas. ➞ lernejo, pensiono.
edukisto
1 iu, kiu profesie edukas personojn. ➞ instruisto, pedagogo, mentoro 1, dresisto.
2 iu, kiu profesie edukas bestojn. ➞ dresisto.
edukiteco stato de bone edukita persono. ➞ ĝentileco, klereco, maniero 3.
geedukado sistemo de edukado, en kiu oni ne apartigas la knabojn disde la knabinoj.
needukebla tia, ke oni ne povas lin/ŝin/ĝin eduki: oni ĉiam pli mortigadas , tamen la homoj ĉi-rilate estas needukeblaj JHr ➞ obstina, senbrida.
needukita ne ricevinta edukon: kruda lingvaĵo de needukitaj kamparanoj GMc ➞ kruda, malĝentila.
reedukado
1 MEDI kuraca metodo por trejni malsanulojn trafitajn de ankilozo, paralizo k.s. refari iujn movojn de la trunko aŭ membroj.
2 jura kaj sociala sistemo, per kiu — anstataŭ puni — oni provas redoni al (precipe pli junaj) kondamnitoj senton pri persona digno kaj sociaj devoj: ili funkciigas programojn pri reedukado, por ke la infanoj reeniru la socion ZNZ