PIV 2026 · Artikolo 6621
★instrui
Derivaĵoj en la artikolo 25
- instrua
- instruo
- instruad/o
- program/it/a instruad/o
- instruant/o
- instruat/o
- instruej/o
- instruiĝ/i
- instruist/a
- instruist/o
- instruist/in/o
- dom/a instruist/o
- instruist/ar/o
- instruit/a
- instruit/ec/o
- instruit/ul/o
- ĉefinstruist/o
- meminstruit/o
- moralinstrui
- moralinstruo
- neinstruit/a
- priinstrua
- pseŭdoinstruit/a
- rekrutinstruist/o
- skerminstruist/o
★ instrui tr
1 transdoni al iu metodajn sciojn pri iu fako de la scienco, literaturo k.a.:
ion al iu mi volus instrui la komencojn de historio, de geografio, de la historio de nia literaturo Z verko , kiu instruas al multaj la misterojn de la subtila lingvo de la francoj Z instruu al ili la leĝojn MT scioj estis instruataj al li sub la konstantaj komandoj: «Marŝ’!» «Halt’!» «Front’!» Z
iun pri io mi ne povas plu instrui vian filinon, sinjorino Z ili instruos vin pri la mondo, la homoj, la socio Z demandu la brutojn, kaj ili instruos vin MT gazeto multe nin instruas Z li estis instruita en privata lernejo
mi ne scias instrui Z ĝiaj pastroj instruas pro pago subaĉetite MT ➞ eduki, klerigi, lernigi, kulturo, leciono, pedagogio.2 lertigi iun pri arto, okupo, teniĝo k.s.:
ion al iu oni instruis al mi danci, amuzi gastojn kaj min bele vesti al la fiŝo ne instruu naĝarton Z
iun mi instruas mian infanon pri Esperanto Z li instruas miajn brakojn streĉi kupran pafarkon MT ovo kokinon ne instruas Z instrui iun per sia ekzemplo
➞ dresi.3 precize montri al iu, kiel tiu devas agi: instruu al mi plenumi Vian volon MT mi instruos vin, kion vi devas paroli MT instrui al iu, kiel sukcesi faroj, el kiuj unu sola povus instrui lin konfidi al la mondo Z klereco montras vojojn kaj instruas iri sur ili Z
(ironie) mi vin instruos, kio estas moki nin Z mi bone instruus lin fari tiajn parolojn pri persono kiel mi Z
➞ instrukcii.4 okazaĵo spertigi iun, montrante la laŭcelan konduton: mizero instruas Z nin instruas eraro, kiun faras najbaro Z instruita de la malfeliĉo tio lin instruos pri modesteco!
instrua
1 rilata al instruado: labirinto da instruaj montroj kaj faktoj Z instrua metodo instrua sperto
2 entenanta instruon: instrua leciono instrua libro instrua rakonto vi faris nin instrua ekzemplo por la popoloj MT
instruo io, kion oni instruas: ricevi instruon pri saĝo MT bonan instruon mi donis al vi MT ĉu vi volas preni instruon de viaj knabaj jaroj? Z instruu al ili la leĝojn kaj instruojn MT aŭskulti ies instruojn malŝati ies instruojn (figurasence) prenu tion ĉi kiel instruon Z aŭskulti la instruon de la vivo MT kano kaj instruo donas saĝon MT
instruado agado aŭ arto de iu, kiu instruas: ministro de la Publika Instruado Z la instruado elementa Z instruado duagrada instruado supera nova metodo por instruado sen instruisto la instruado estu fundamenta, larĝa, plena Z ĉu vi jam okupadis vin per instruado? Z tie, kie la instruado ricevas jam pli grandan amplekson Z
programita instruado instrusistemo kun malgrandaj paŝoj kaj tuja kontrolo de la rezultoj.
instruanto iu, kiu instruas: la kompetenteco de la instruanto devas esti vasta Z la lasta instruantino de mia filino Z
instruejo lernejo 1.
instruiĝi iĝi instruita: per vortoj sklavo ne instruiĝas MT instruiĝu, juĝistoj de la tero! MT oni instruiĝas per siaj propraj eraroj
instruista rilata al instruisto: kariero en la profesio instruista Z
instruisto, instruistino iu, kiu profesie instruadas: instruistino por komencantoj Z instruistoj de lingvoj kaj de desegnado Z supera instruisto akiri por si lokon de instruistino Z ➞ docento, lektoro, profesoro.
doma instruisto (arĥaismo) = guvernisto: la filo de la pastro estis doma instruisto en la kastelo Z
instruistaro tuto de la instruistoj en lernejo, regiono aŭ lando: trejnado de la instruistaro aparte gravas PGu la lerneja instruistaro konsistis el membroj de la familio Privat CGa
instruita ricevinta plenan instruadon kaj asimilinta ĝin: vi, sinjoro, estas ja tiel instruita! tre alte instruita Z la tuta instruita mondo Z instruitaj societoj Z (figurasence) tiaj instruitaj paroloj tre imponas Z ➞ erudicia, scienca.
instruiteco stato de instruita homo: la instruiteco, kiun mi havas en pentrado Z ĉe mia instruiteco mi kore dezirus, ke vi parolu al mi ne «mia kara», sed «sinjoro»! Z ➞ klereco.
instruitulo (arĥaismo) = sciencisto: internacia kongreso de instruituloj Z
ĉefinstruisto instruisto, kiu havas ian ordonpovon super siaj kolegoj. ➞ direktoro.
meminstruito homo, kiu akiris sian instruitecon sen la helpo de instruisto. ➞ aŭtodidakto.
moralinstrui instrui pri la moralaj devoj: mi komencas moralinstrui, kiel ordinara patro parolas kun infano Z
moralinstruo ago moralinstrui: li faris al li solidan moralinstruon Z ➞ leciono.
neinstruita ne ricevinte instruadon. ➞ analfabeta, kruda, senkultura.
priinstrua rilata al instruado.
pseŭdoinstruita = (prefere) pseŭdoscienca: pseŭdoinstruitaj sofistoj Z
rekrutinstruisto ARME suboficiro, kiu instruadas rekrutojn.
skerminstruisto iu, kiu instruas skermadon: du skerminstruistoj, svingante siajn rapirojn Z Sin. skermomajstro.