PIV 2026 · Artikolo 13934

★scienco

Litero S★ Fundamenta

Derivaĵoj en la artikolo 33
  1. scienca
  2. sciencism/o
  3. sciencist/o
  4. politik/a sciencist/o
  5. sciencul/o
  6. atmosferoscienco
  7. flag/oscienco
  8. frukt/oscienco
  9. fung/oscienco
  10. fung/osciencist/o
  11. grund/oscienco
  12. harmonioscienco
  13. inform/oscienco
  14. jurscienco
  15. komput/oscienco
  16. kre/ad/oscienco
  17. krim1oscienco
  18. latin2scienca
  19. leĝ/oscienco
  20. lingv/oscienco
  21. literaturscienco
  22. mediscienco
  23. morfemoscienco
  24. naturscienco
  25. nerv/oscienco
  26. politik/a scienco
  27. popularscienca
  28. pseŭdoscienco
  29. sonscienco
  30. teĥnikscienco
  31. venenscienco
  32. veterscienco
  33. vinscienco
★ scienco
1 sistema tutaĵo de scioj, bazita sur metoda racia esploro kaj celanta eltrovon de leĝoj de la naturo aŭ de la homa socio: la mirindaj progresoj de la scienco scienco havas semon enuan, sed frukton bonĝuan Z per pacienco venas scienco Z ➞ sciado.
2 tutaĵo de la metodoj, hipotezoj, teorioj kaj scioj pri difinita fako: fiziko estas la nomo de la scienco mem FE la moralaj sciencoj naturaj sciencoj la puraj sciencoj dependantaj nur de deduktoj el principoj, ekz. matematiko aŭ logiko la ekzaktaj sciencoj diversaj branĉoj de matematiko la scienco pri la homo la scienco pri la socio (figurasence) ĝi estas por mi ĥina scienco Z ➞ praktiko, teĥniko.
3 kolektivo de la diversaj sciencoj, kontraste kun ĉio, kio ne estas esprimebla per ciferaj leĝoj: la scienco estas «ni», la arto estas «mi»
scienca
1 havanta la ekzaktecon kaj objektivecon de la scienco: scienca metodo scienca pruvo scienca esploro (vastasence) scienca spirito
2 rilata aŭ servanta al sciencoj: sciencaj instrumentoj scienca terminologio sciencaj libroj sciencaj kursoj la sciencaj leĝoj
sciencismo teorio, laŭ kiu ĉio en la mondo estas klarigebla per la scienco kaj submetebla al ĝiaj metodoj. ➞ materiismo.
sciencisto
1 adepto de sciencismo.
2 scienculo.
politika sciencisto politologo: la germana filozofo kaj politika sciencisto Max Weber IsT
scienculo homo, kiu praktikas unu aŭ plurajn sciencojn: ne demandu scienculon, demandu spertulon Z en tiaj praktikaj demandoj pri lingvaj reformoj la scienculoj estas la malplej kompetentaj Z vera scienculo estas modesta
atmosferoscienco scienco pri la tera atmosfero kaj ĝiaj fizikaj procezoj.
flagoscienco scienco pri flagoj. Sin. veksilologio.
fruktoscienco branĉo de planta anatomio, speciale pri la strukturo de fruktoj kaj semoj. ➞ pomologio.
fungoscienco scienco pri fungoj.
fungosciencisto fakulo pri fungoscienco.
grundoscienco pedologio.
harmonioscienco MUZI scienco pri la aranĝo kaj kombinado de akordoj.
informoscienco scienco pri analizado, kolektado, klasifikado, reteno, retrovo, dissendado, protektado k.s. de informoj.
jurscienco JURO jurisprudenco 1.
komputoscienco scienco pri komputado kaj elektronika traktado de informoj.
kreadoscienco pseŭdoscienca formo de kreadismo.
krim1oscienco kriminologio.
latin2scienca nomo uzata en scienca nomenklaturo kaj havanta latinecan formon.
leĝoscienco JURO juro.
lingvoscienco scienco pri la evoluo kaj funkciado de lingvoj: priskriba lingvoscienco historia lingvoscienco ĝenerala lingvoscienco struktureca lingvoscienco esploranta la rilatojn inter la elementoj de lingva sistemo Sin. lingvistiko. ➞ filologio, gramatiko.
literaturscienco literaturkritiko.
mediscienco scienco pri la rilatoj inter vivuloj kaj ilia medio.
morfemoscienco LING scienco pri morfologio 2. Sin. morfemiko.
naturscienco scienco pri la naturo (biologio, anatomio, fiziologio, ekologio aŭ geologio).
nervoscienco scienco pri la nerva sistemo. ➞ neŭrologio.
politika scienco scienca studado de la diversaj aspektoj de politiko, inkluzive de registaroj, partioj, balotoj, politikistoj, tendencoj, evoluo k.s.: universitataj profesoroj de politika scienco EPr disciplinoj kiel juro, sociologio kaj politika scienco BSa Sin. politologio.
popularscienca verko klariganta sciencan temon al nefakuloj: elstare belstila, kaj por ĉiuj legebla, popularscienca verko estas Vivo de la plantoj de Paul Neergaard MBo aktivi por tre limigita aro da specialistoj aŭ pli larĝe, popularscience, por pli granda klientaro DBl/WBl
pseŭdoscienco instruaro aŭ praktikado sen sciencaj bazoj aŭ sen scienca rigoro; ekz. alĥemio, astrologio, kiromancio k.a. ➞ okultismo, superstiĉo.
sonscienco fonetiko.
teĥnikscienco scienco pri la estiĝo kaj funkciado de teĥniko kaj teknologio kaj ilia rilato al la homa kulturo.
venenscienco toksikologio.
veterscienco scienco pri atmosferaj fenomenoj kun fokuso je veterprognozoj. Sin. meteorologio, meteologio.
vinscienco scienco pri la farado de vinoj.