PIV 2026 · Artikolo 12658
★praktiko
Derivaĵoj en la artikolo 9
★ praktiko reala apliko aŭ uzo de io teoria (idearo, projekto, profesio, scienco, religio k.s.): tio, kio en teorio ŝajnis afero tiel facila, en la praktiko montriĝas tre malfacila Z ĝis nun mi parolis al vi nur teorion, nun mi transiras sur la kampon de la praktiko Z malesto de vira sufikso, kiel montris la ĝisnuna praktiko, ne prezentas maloportunaĵon Z ekzistas nenia eblo antaŭvidi, ĉu la finita laboro en la praktiko montriĝos tute taŭga Z li jam estis trans la advokata ekzameno kaj jam havis propran praktikon FSz la privilegia pozicio de la franca estis ankaŭ jure establita per longa uzado en la diplomatia praktiko ILa ŝi ricevis specialan trejniĝon kvarjaran pri medicina praktiko CPi psikanalizo inkluzivas teoriojn kaj praktikojn, kiujn mi ne aprobas kaj ne uzas CPi
praktika
1 rilata al praktiko: praktika malfacilaĵo B fari longajn kaj vastajn praktikajn provojn kun siaj projektoj Z praktika konkludo praktika uzebleco Z nia Regularo estas fondita sur la praktika sperto, kiun nia du-jara publika laborado donis al ni Z ➞ efektiva, fakta, konkreta, materiala.
2 konforma al sia destino aŭ celo; facile kaj oportune uzebla: praktika instrumento laboro senbrua, sed praktika kaj efika ➞ konvena, oportuna, taŭga, laŭcela.
3 celanta nur materialajn utilojn; scianta apliki la teorion kaj efektive plenumi la aferojn: revuloj ne estas praktikaj homoj la homoj miras, «kiamaniere en nia praktika tempo povas aperi tiaj malsaĝaj fantaziuloj » Z
praktike tiel, se oni konsideras nur la praktikan flankon; kvazaŭ; proksimume: praktike senefika
praktiki tr
1 efektive plenumi ion teorian, ekz. profesion aŭ religion: kiam oni praktikas la metion en grandaj mezuroj Z praktiki ian arton Z praktiki sporton praktiki medicinon praktiki kiel kuracisto Z mi intencis nur praktiki la religion de miaj prauloj SSz
praktikado ago praktiki: praktikado de juro akiri grandan praktikadon
praktikanto
1 iu, kiu plenumas aŭ uzas ion teorian en praktiko: li komencis labori kiel advokata praktikanto JHa mi estas muzikinstruisto, do praktikanto de profesio ne tute taŭga por surduloj Ko nur praktikantoj de lingvo igas ĝin vivanta ELa la nombro de praktikantoj kreskis dum la lastaj kvin jaroj kaj la nombro de homoj, kiuj neniam iras al diservoj malkreskis MD
praktikeco eco de io praktika.
praktikemo emo konsideri precipe la praktikon.
praktikisto homo, kiu praktikas profesion (precipe kuracisto aŭ advokato).
nepraktika ne uzata en praktiko; netaŭga por praktiko: la projekton la plej granda parto de niaj legantoj trovis nepraktika, kaj tial la projekto nun estas tute forĵetata Z