PIV 2026 · Artikolo 13933
★scii
Derivaĵoj en la artikolo 26
★ scii tr
1 havi ion precize kaj senmanke en mensa posedo: ŝi ne sciis la lingvon, kiun ili parolis Z se la lernanto scius bone sian lecionon FE neniu scias ĉion Z oni volis atendi, ĉar ion pli bonan oni ne sciis Z tia estas mia opinio, kiun ĉiuj esperantistoj scias Z mi tre dezirus, ke li sciu la enhavon de tiu artikolo Z (figurasence) la venĝo ne devas scii akcepti limojn Z ➞ koni, scivoli.
2 kun subpropozicio havi precize certan ideon pri io: la homo scias, ke li mortos, sed li ne kredas je tio B oni sciis pri li, ke li estis el Bremo Z kolektu al mi sepdek virojn , pri kiuj vi scias, ke ili estas la plejaĝuloj de la popolo kaj ĝiaj gvidantoj MT ŝi sciis, ke ŝi mem kantus multe pli bele Z se vi scius, kiu li estas FE mi nun ne scias, kiun el la ambaŭ Elekti Z kvazaŭ ŝi ne scius bone, kien ŝi iras Z mi ne sciis, kion decidi Z li ne sciis, kiel li komencu la aferon Z la bruto scias, kiam ĝi devas reiri hejmen Z vi ne scias, ĉu ne estos malfeliĉo MT ŝia patro estis palacano, kaj tio, kiel ŝi sciis, estis terure grava afero Z kiom mi scias en la mezuro de mia scio Z senpersone estu sciate al la reĝo, ke la Judoj rekonstruas nun tiun urbon MT sciate, vi defendis vin brave G
3 + infinitivo esti instruita, ekzercita aŭ kapabla por io: scii legi, skribi kaj kalkuli sciu elokventi, sciu ankaŭ silenti Z tion mi nur ne scias ĝuste esprimi Z mi ne scias instrui Z vi sciis bone ekspluati mian situacion Z inter scii kaj fari estas diferenco Z ➞ kompreni, scipovi.
4 tr aŭ pri havi informon, ke io ie ekzistas: neniu scias lian tombon MT mi scias vendejon, kie oni ricevas pli malkare ŝi neniam sciis pri tiu poemo de Heine en printempo li sciis pri tri florantaj fragujoj, kiuj promesis al li riĉan rikolton Z la tuta mondo devas scii pri nia kongreso Z vi scias pri mia filo? Z
scio
1 amplekso de la informiĝo, de la instruiteco de persono: tia uzado de mia nomo sen mia scio Z mi havas pri tio nek scion nek supozon Z ne zorgu pri tio, kio estas ekster via scio Z scion akiru, sed ne ĉion eldiru Z de tro multa scio krevas la kranio Z saĝulo aŭdu kaj plimultigu sian scion MT
2 ordinare plurale elemento de informiĝo en difinita fako, scienco k.s.: fragmentaj, supraĵaj, ne precize komprenitaj scioj Z mi estas maljuna kaj posedas sciojn Z posteno, por kiu lia deveno kaj liaj scioj donis al li la rajton Z tiu supraĵa konado de la arto, posedado de nur malgranda parto da scioj pri ĝi Z miaj scioj en la regiono de la sciencoj naturaj estas tiel supraĵaj Z
sciado tuto de la scioj akiritaj de iu persono: sciado de lingvoj, kiun mi posedas en malalta grado Z tiun malgrandan sciadon, kiun mi akiris en la infaneco, mi forgesis Z la arto de verkado postulas sufiĉe ampleksan sciadon komune sciencan kaj speciale teknikan Z ĉu ili estas perfektaj en ia sciado, tiuj kancelariistoj ? Z vi ne posedis en via mano sufiĉajn rimedojn de sciado, de sperto Z paŝtistoj , kiuj paŝtos vin kun sciado kaj saĝeco MT sed de la arbo de sciado pri bono kaj malbono vi ne manĝu MT la timo antaŭ la Eternulo estas la komenco de sciado MT
sciaĵo informo: la artikoloj povas enhavi sciaĵojn historiajn, faktojn sciencajn Z
sciema inklina ekscii; avida pri scioj.
scieti (arĥaismo) = suspekti: la virino eĉ ne scietis, al kia grava persono ŝi donis kaŝejon Z
sciigi
1 fari iun scianta pri io: mi estas devigata sciigi vin pri tre malbela fakto, kiu okazis en nia tendaro Z mi rapidas sciigi vin, ke alveturis oficisto Z
2 fari ion sciata de iu: oni sciigis al ni la novaĵon Z la decido de la Komitato estis sciigita al ĉiuj interesatoj Sin. komuniki 1.
sciigo ago sciigi kaj ties rezulto: kun granda plezuro mi ricevis la sciigon pri Z doni pri tio sciigon en la gazetoj Z ŝi dankis pro ĉi tiu sciigo Z unu sola ĝoja sciigo pri vi aldonus al mia vivo dek jarojn Z lasthoraj sciigoj de gazeto la sciigo, ke Vi ne venos Krakovon, tre malĝojigis min Z ➞ informo, novaĵo.
sciiĝi iĝi scianta: vi nepre devas tion sciiĝi Z mi sciiĝis pri tio de homoj plej kredindaj Z ili ne volas, ke la homoj sciiĝu pri ilia veturo Z en sonĝo ŝi sciiĝis, ke Z sendi oficiston, por sciiĝi, ĉu ne ekzistas ie perfido Z mi terure amas sciiĝi, kio nova estas en la mondo Z ➞ ekscii.
sciinda sufiĉe interesa, por ke ĝi estu sciata.
antaŭscii sciiĝi pri io okazonta: li kvazaŭ antaŭsciis tiun katastrofon la berlinan veteron oni ne povas antaŭscii VVa
antaŭsciigi sciigi antaŭ la okazontaĵo: ĉu Vi ne volus antaŭsciigi la komitaton , ke mi intencas Z
ĉioscia, ĉioscianta havanta ĉian scion: Dio ĉioscianta MT homo ne povus esti tiel saĝa kaj ĉioscia, kiel vi B
devoscia konscia pri devo: viro brava, devoscia, honesthava JBa al ĉiu dio devoscie, Aparte faris li saluton KKa
ekscii komenci scii, aŭ akiri scion, pri io nova: el tiu malmulto, kiun mi scias, vi ekscios nur malmulte Z famo laŭte krias, ĉiuj ekscias Z kiam ŝi eksciis pri lia morto, ŝi svenis
malscioplena senscio.
multescia havanta multajn sciojn: li estis multescia kaj sperta Z tre saĝa, multescia, tuta viro Z
nelegoscia ne scianta legi. ➞ analfabeto.
nesciado stato de iu, kiu ne scias ion: ho, ne lasu min perei En nesciado! Z nesciado de leĝo neniun pravigas Z
povoscii scipovi: povoscii legi Z povoscii paroli Jude MT povoscii ludi harpon MT povoscii pretigi saŭcon Z li ankaŭ estis viro, kiu povosciis apliki glavon Z ili tute ne hontas, ili eĉ ne povoscias ruĝiĝi MT oni devas povoscii porti kaj gardi sian personan dignon Z
povoscio, povosciado scipovo: posedi perfektan povoscion de io Z povosciado teknika Z
senscia tia, ke li aŭ ŝi nenion scias: vidvino senfine impresebla, nekredeble senscia Z ➞ senklera.
senscio manko de scio(j): pardonu mian senscion, sed mi ne aŭdis pri tiu listo TSt matematika senscio SSz ➞ malscio.
senscieco eco de iu senscia: la mallumoj de la senscieco Marta venis el la regiono de feliĉa virina senscieco Z
sensciulo senscia persono: sensciulo fariĝos atenta MT