★lecion/o

1 Tio, kion lernanto devas parkere lerni: la infanoj preparas siajn lecionojn ^Z; li pensis pri sia leciono de geografio ^Z; se la lernanto scius bone sian lecionon, la instruanto lin ne punus ^Z; reciti sian lecionon. ☞ tasko.

2 Unu el la partoj de instruado pri difinita temo: donadi ^Z, fari ^Z lecionojn; doni lecionojn de belskribado ^Z; komenciĝis tuta seriaro da lecionoj ^Z; vizitado de konfirmaciaj lecionoj ^Z; E. en dek lecionoj ^Z; preni privatajn lecionojn pri la angla lingvo; post la tria leciono li forlasis la kurson. ☞ lekcio.

3 ✞ Legaĵo el la Biblio, ĉe la matenaj horpreĝoj. ☞ partaĵo.

4 = lego 2.

5 (f) Travivaĵo, servonta kiel kuraĝigo aŭ admono por ies konduto: ĉiu el ili havis la konscion, ke ĝi donis bonan lecionon al la dua ^Z; doni al iu lecionon de moroj ^Z; al hundo bastono – al hom’ leciono ^Z; al kokino la ovo lecionojn ne donu ^Z; tio estas instrua leciono por ĉiuj ^X. ☞ ekzemplo, moralinstruo.