PIV 2026 · Artikolo 9211

★legi

Litero L★ Fundamenta

Derivaĵoj en la artikolo 38
  1. lego
  2. legad/i
  3. legad/o
  4. legaĵ/o
  5. legant/o
  6. legant/in/o
  7. legebl/a
  8. legiĝ/i
  9. legil/o
  10. KD-legil/o
  11. TTT-legil/o
  12. legind/a
  13. legist/o
  14. antaŭlegi
  15. bend/olegil/o
  16. diskolegil/o
  17. finlegi
  18. fluglegi
  19. laser/disk/olegil/o
  20. laŭtlegi
  21. mienlegant/o
  22. mislegi
  23. mislego
  24. nelegebl/a
  25. nelegebl/e
  26. nov/aĵlegil/o
  27. poŝlegil/o
  28. provlegi
  29. provlegant/o
  30. relegi
  31. stri/kodolegil/o
  32. tekst/olegil/o
  33. tralegi
  34. tralego
  35. tralegad/o
  36. tru/kart/olegil/o
  37. voĉlegi
  38. voĉlegad/o
★ legi tr
1 sekvi per la okuloj presitan aŭ skribitan tekston kaj ĝin prononci voĉe aŭ enmense: legi leteron legi libron legi manuskripton legi hieroglifojn mi ne povoscias legi MT mi legos en ĉiu tago po dek kvin paĝoj FE mi ne povas legi tiun ĉi vorton li laŭte ilin legis al si Z tiu , sidante en sia ĉaro, legis la profeton Jesaja NT ĉiu povis legi en ili la gazetoj nigre sur blanke, ke Z vi legu en la libro oni legis el la libro de instruo de Dio ĉiutage MT ofte li dormigis min, legante el siaj poemoj
(analoge) legi per la fingroj ➞ brajlo 2 FIZI legi instrumenton la liveritan mezuron
➞ deĉifri.
2 (figurasence) diveni ies penson laŭ la ekstera aspekto: en lia fizionomio oni legis grandan seriozecon B sur la vizaĝo de la mortantino oni povis legi pri paco kaj favorkoreco Z ➞ konjekti, perfidi.
3 KOMP preni datumojn el memorilo: programo legas la datumojn de disko en la ĉefmemoron instrukcio legas valoron el ĉefmemoro en reĝistron ➞ skribi 7, ŝargi 4.
4 per aparato efektivigi sonojn aŭ bildojn registritajn sur datumportilo (disko 4, bendo k.s.)
lego
1 ago de iu, kiu legas unurigarde: la lego de tiu litero estas necerta kia estas la lego sur la termometro? prilabori la legojn ➞ legĉambro, legosigno.
2 maniero, kiel oni legas tekstoparton en manuskripto aŭ eldono: ĉi tie la papiruso liveras pli bonan legon ➞ varianto.
legadi tr ofte aŭ daŭre legi: la aventurojn de Julio Cezaro li legadis pli volonte Z li legadu en ĝi dum sia tuta vivo MT
legado ago de iu, kiu legas daŭre aŭ kutime: de legado sen atento ne riĉiĝas la prudento Z ekzerco de legado FE post legado de ĉi tiu libro vizitu Venecion CMi eĉ dum la legado oni gustumas iom el la manĝaĵoj Z FIZIrekta legado per la nuda okulo spegula legadoper reflekto sur spegulo
legaĵo materialo por legado: tiu kolekto estas interesa legaĵo por la esperantistoj
leganto, legantino homo, kiu legas: la leganto komprenu NT
legebla tia, ke ĝi povas esti legata: bele legebla letero
legiĝi esti legata aŭ legebla:supre de pordoj kaj de fenestroj legiĝis moralaj sentencoj HVa la traduko ĝenerale legiĝas flue kaj nature ALö la runskribo legiĝis de dekstre maldekstren OHa
legilo KOMP aparato por enkomputiligi datumojn.
KD-legilo aparato por legi kompaktajn diskojn: se oni metas la diskon en la KD-legilon, ĝi aŭtomate ekas MBe
TTT-legilo KOMP retumilo.
leginda tia, ke ĝi indas la legadon.
legisto homo, kies okupo estas laŭte legi al aliaj: legisto de blinda maljunulo B la legisto de la princino ➞ lektoro.
antaŭlegi tr legadi tekston antaŭ publiko: antaŭlegu ĉi tiun instruon antaŭ la tuta Izrael MT mi ilin la versojn antaŭlegos al vi Z
bendolegiloaparato por legi magnetajn bendojn. ➞ magnetofono, magnetoskopo.
diskolegilo KOMP aparato por legi komputilajn diskojn: komputila disklegilo JLu
finlegi tr legi tekston ĝis la fino; fini legi tekston: estis larmoj en miaj okuloj, kiam mi finlegis la noton EGE ➞ tralegi.
fluglegi tr rapide trarigardi tekston, legante nur partetojn. ➞ foliumi 1.
laserdiskolegilo aparato por legi 4 laserdiskojn.
laŭtlegi tr legi tekston sufiĉe laŭte, por ke aliaj aŭdu: li prenis la libron kaj laŭtlegis ĝin al la popolo MT
mienleganto persono, kiu kapablas diveni la sentojn laŭ la mieno.
mislegi tr fari eraron legante tekston: li mislegis la trian vorton
mislego miskompreno de vorto aŭ frazo en teksto: «Jehovo» estis mislego anstataŭ «Javeo»
nelegebla tia, ke oni ne povas ĝin legi: nelegebla noto
nelegeble en nelegebla maniero.
novaĵlegilo KOMP programo por konsulti mesaĝojn en la komputila reto Usenet. ➞ retnovaĵo 2.
poŝlegilo KOMP speco de poŝkomputilo por legi bitlibrojn k.s.: kiun poŝlegilon mi akiru? PPe
provlegi tr tralegi tekston por trovi erarojn en ĝi antaŭ publikigo, eventuale komparante ĝin kun manuskripto: Rob volontule provlegas kaj revizias ĉiujn vortojn de nia revuo Ko post skanado kaj bitigo de artikolo, necesas atente provlegi ĝin ➞ kontroli, revizii.
provleganto iu, kiu provlegas: dudeko da provlegantoj estis atentege kontrolintaj la tekston OE
relegi tr denove legi tekston: je mia aĝo oni plu ne legas, oni nur relegas relegu viajn instrukciojn!
strikodolegilo aparato por legi 4 strikodojn.
tekstolegiloKOMP programo por enkomputiligi presitan aŭ manskribitan tekston per optika signorekono. ➞ bitigilo.
tralegi tr legi tekston de la komenco ĝis la fino: lernolibron oni devas ne tralegi, sed tralerni FE mi tamen tralegos al la reĝo la surskribon MT li tralegis sian lecionon kaj tuj ĝin sciis Z ➞ finlegi.
tralego, tralegado ago tralegi: atentan tralegon mi rekomendas al ĉiu Z
trukartolegilo KOMP HIST aparato por legi 4 trukartojn.
voĉlegi tr legi tekston kaj samtempe ĝin elparoli voĉe: la patro voĉlegas al ili el stranga libro Z oni voĉlegis al li la plej seriozajn verkojn Z la komercisto voĉlegis el malnova kroniko Z
voĉlegado ago voĉlegi: li daŭrigis voĉlegadon de la mirinda historio Z la avino, kiu aŭdis la voĉlegadon de tio Z