PIV 2026 · Artikolo 12012
★perfidi
Derivaĵoj en la artikolo 6
★ perfidi tr
1 mallojale endanĝerigi iun; malbone servi la interesojn de iu persono aŭ de grupo, al kiu oni apartenas, por profito de alia malamika persono aŭ grupo: la servisto de la reĝo perfidis sian sinjoron Judas Iskariota, kiu ankaŭ perfidis lin Jesuon NT ŝtelisto ŝteliston ne perfidas Z la taĉmento perfidis sian ĉefon kaj transiris al la malamiko B perfidi sian partion perfidi sian patrujon ➞ dizerti, transkuri 2.
2 trompi iun trouzante ties konfidon; ĉesi esti fidela al iu: perfidi la edzinon B perfidi amikon Mian fidelecon Mi ne perfidos MT Dio ne perfidas, se homo lin fidas Z (figurasence) lia memoro perfidis lin liaj fortoj perfidis lin mankis al li
3 malkaŝi aŭ konatigi ion, kio devis resti sekreta: perfidi sekreton perfidi planon se en kor’ io sidas, vizaĝo perfidas Z ➞ legi.
perfida mallojale malfidela: virino malhonesta kaj perfida! Z servanto perfida al sia mastro tiel mi perfide per frata mano estis mortigita Z
perfido ago perfidi: perfido de iu kontraŭ iu pri io juste Min mem perfido mia pereigis! Z tro da konfido kondukas al perfido Z oni perfidon prenas, sed perfidulon abomenas Z
perfidaĵo konkreta rezulto de perfido: li forkuras, informinte min pri la nova perfidaĵo de mia edzino Z
perfidulo iu, kiu perfidas: diru , ke inter la bando de Moor vi ne trovis eĉ unu solan perfidulon! Z promeson donitan al perfiduloj oni ne plenumas Z
elperfidi tr lasi vidi ion, kion oni volus kaŝi: ŝia ruĝiĝo elperfidis ŝian amon
ŝtatperfido perfido pri fideleco de regnano al la suvereno aŭ al la plej gravaj interesoj de la regno.