PIV 2026 · Artikolo 15393

tasko

Litero T

Derivaĵoj en la artikolo 4
  1. taski
  2. taskig/i
  3. hejmtasko
  4. plurtaska
tasko
1 difinita farenda laboro aŭ servo, ordonita de alia persono aŭ proponita al si mem: preni sur sin la malfacilan taskon aranĝi nian kongreson Z eble s-ro Boirac volos preni sur sin tiun taskon? pretigi festan paroladon Z plenumiĝis la tasko per granda fiasko Z sendube vin ankoraŭ task’ atendas Z por li
Destinas ili dioj taskon, kiu ŝajnas
Al simplaj homoj tute ne solvebla Z
mi faris mian kuradon tasko de mia vivo Z mi starigis al mi la taskon fari jen la bela tasko, kiu leviĝas antaŭ ni ➞ deĵoro, ofico, rolo.
2 laboro donita de mastro aŭ instruisto kaj farota en difinita tempo: la servantinoj finis sian taskon de ŝpinado kial vi ne faris vian taskon? hejme farota tasko
3 KOMP programo aŭ parto de programo, kiu plenumiĝas sendepende, kun propraj rimedoj kaj aparte administrata de la mastruma sistemo: ŝanĝi la prioritaton de tasko disponigi rimedojn al tasko fona tasko ➞ taskvica, kunrulado.
taski tr difini aŭ trudi ion al iu kiel taskon: ili ne povis diveni la aferojn, kiujn ŝi taskis al ili Z taski al servistino la purigadon de la fenestroj Hans Bakker taskis al si verdigi la nigran kontinenton GbK la kongreso taskis al la komisiono esplori la problemon kun n anstataŭ al la Estraro de UEA taskis specialan oficejan komisionon al tiu komisiono gvidi la procedon de elekto kaj dungo de nova ĝenerala direktoro OE
taskigi = (prefere) taski.
hejmtasko
1 hejmlaboro: homo, kiu restas hejme ripozas, eĉ se tiu faras multajn hejmtaskojn XuJ
2 tasko, kiun lernanto faras hejme (aŭ ekster la lernejo) por ekzerciĝi post rilata leciono: mi estas kelkfoje kune kun aliaj studentoj, kaj ni kune solvas niajn hejmtaskojn UMa la studentoj elŝutas la lecionojn, trastudas ilin, faras la hejmtaskojn kaj rete ekzameniĝas post ĉiu leciono KKo
plurtaska
1 rilata al pluraj taskoj; havanta plurajn taskojn.
2 KOMP kunrula: plurtaska sistemo