rol¹o

1 🎭 Tio, kion devas diri aŭ fari aktoro en teatraĵo aŭ filmo: al tiuj ne permesu paroli pli, ol troviĝas en ilia rolo ^Z; lerni, provi, prilabori sian rolon; forgesi sian rolon. ➞ suflori.

2 Karaktero, atribuita al aktoro en teatraĵo aŭ filmo: li ne komprenas sian rolon; tiuj, kiuj ludas la rolon de reĝoj ^Z; tiuj, kiuj ludas ĉe vi rolojn ridindajn ^Z; (f) vi ludas la rolon de modestulino, sed vi estas ruza kanajlo ^Z; kvazaŭ ĝi (la arbo) volus ludi la rolon de sunombrelo ^Z; kion pensus vi, se mi en la afero (sekreta korespondado) ludus rolon de leterujo aŭ de skribotablo? ^Z.

3 Funkcio, agado, posteno, ĉio, kion iu estas komisiita aŭ supozata fari: rol’ de virino, bona mastrino ^Z; kian ajn socialan rolon ili havas ^Z; mi lasis al mi nur la rolon de konsilanto ^Z; sciante jam bone la intencatan rolon de s-ro de B. ^Z; demeti de mi ĉian oficialan rolon ^Z; plenumi rolon en ia afero ^Z; la lasta vorto, kiun mi elparolos en rolo de aŭtoro […] ^Z. (f) prepozicioj, kiuj havas grandegan rolon en farado de kunmetitaj vortoj ^Z; la kutimo ludas gravan rolon en la vivo ^Z; E. montriĝis tute taŭga por sia rolo ^Z. ☞ ofico, tasko.