PIV 2026 · Artikolo 13576

rolo

Litero R

Derivaĵoj en la artikolo 4
  1. roli
  2. rolant/o
  3. rolul/o
  4. ĉefrolul/o
rolo
1 SPEK tio, kion devas diri aŭ fari aktoro en teatraĵo aŭ filmo: al tiuj ne permesu paroli pli, ol trovas sin en ilia rolo Z bona aktoro devas multe studadi por lerni parkere siajn rolojn HBu lerni sian rolon provi sian rolon prilabori sian rolon forgesi sian rolon ➞ suflori.
2 SPEK tasko aktori kiel difinita rolulo en teatraĵo aŭ filmo: la majstra verko de la burĝa kinematografio «Varieteo» kun belulino Lia de Putti en la ĉefa rolo VVa tiu, kiu ludas la rolon de reĝoj, estos al mi boneveninta Z ĉarma junulo frapas la pordon de la aktorino, kiu ludas la rolon de la markizino LBe (figurasence) vi ludas la rolon de modestulino, sed vi estas ruza kanajlo Z
3 funkcio, agado, posteno k.s., kiun iu aŭ io havas la taskon plenumi: rol’ de virino — bona mastrino Z ĉiu lando apartenas ne al tiu aŭ alia gento, sed plene egalrajte al ĉiuj siaj loĝantoj, kian ajn supozatan devenon, lingvon, religion aŭ socian rolon ili havas Z mi lasis al mi nur la rolon de konsilanto Z mi publike formetis de mi ĉian oficialan rolon en la aferoj de Esperanto Z amatoraj grupoj plenumas tiun pozitivan rolon en la Internacia Lingvo TCa tiu ĉi libreto estas la lasta vorto, kiun mi elparolas en rolo de aŭtoro Z la daktilpalmo etendis sian ŝirman foliaron tre alte, kvazaŭ ĝi volus ludi la rolon de sunombrelo Z la kutimo ofte ludas gravan rolon en la vivo Z Esperanto en la praktiko montriĝis perfekte taŭga por sia rolo Z ➞ ofico, tasko.
roli ntr
1 SPEK aktoro ludi rolon: aktorino, kiu rolis kiel lia patrino NMi la aktora paro rolis tute elokvente MBr se vi estus tiel afabla, vi rolus kiel lernanto, kaj mi instruus SEn viro kiu en ŝiaj pensoj rolas preskaŭ kiel patro ALö
(malofte, evitinde) tr ŝi havas teatran temperamenton. Eble ŝi nur rolis plorantinon kiel plorantino CPi unu el la rolluda duopo havis la taskon roli ardan entuziasmulon kel arda entuziasmulo Ko
➞ figuri.
2 BELE SPEK rolulo esti unu el la (ordinare fikciaj) personoj en teatraĵo, filmo aŭ rakonto: Ilonjo ne longe rolos en tiu ĉi rakonto, ni do ne parolu pri ŝi FSz la personoj, kiuj rolas en ĉi tiu romano, estas pure fikciaj CPi Palamedo estis posthomera heroo, rolanta en nun perdita tragedio de Eŭripedo DBr ĝi estas ankaŭ unu el la tre malmultaj verkoj de Platono en kiuj ne rolas Sokrato DBr
3 iu aŭ io konduti aŭ partopreni laŭ aparta maniero: li ne emis roli kiel filantropo CRo en la nova estraro rolas du junaj membroj OE Eŭropo ne plu rolas kiel la unusola pezocentro de la Esperanto-movado OE la superglotaj kavoj rolas kiel resonujoj kaj modifas la tonon ILa (figurasence) nostalgio rolas forte en pluraj kantoj SMG
rolanto
1 SPEK aktoro, kiu ludas rolon en teatraĵo aŭ filmo: la rolantoj ne estas junaj kaj iliaj vestoj estas malnovmodaj FSz la rolantoj de tiu vespero estis kongresanoj, esperantistoj, sed pluraj el ili profesinivele majstris en sia kampo RE!
2 BELE SPEK rolulo 1: estas nur tri rolantoj en la teatraĵo: edzo, edzino kaj servistino MBo tumultas ekzotikaj rolantoj: engrotaj goblenoj, enarbaraj araneoj KMG/SMG
3 iu, kiu ludas rolon: kiuj estas la ĉefaj instituciaj rolantoj en la apliko de la lingvaj rajtoj? RE! Sin. rolulo 2.
➞ figuranto.
rolulo
1 BELE SPEK persono imagita de verkanto de teatraĵo, filmo aŭ rakonto por esti parto de tiu verko: la centra rolulo estas junulo, kiu fariĝas lakeo SMG taŭgaj nomoj por miaj keltaj roluloj ALö Sin. persono 3, rolanto 2.
2 rolanto 3: pacienculoj iĝas nepraj roluloj ene de la teamo Ko ni scias la politikan koloron de du el la ĉefaj roluloj en nia komplika afero CPi
3 SPEK (evitinde) = rolanto 1: la spektantaro ne nur vidu bone la rolulojn sed ankaŭ ligu ilian aktoradon al ilia elparolo HTo
1 En antaŭaj eldonoj de PIV la senco «aktoro ludanta rolon» estis la sola senco de rolulo, sed en la praktiko oni kun malmultegaj esceptoj uzas la vorton rolulo nur por rolulo 1 kaj rolulo 2.
ĉefrolulo
1 BELE SPEK plej grava rolulo 1: lia ĉefrolulo tiu de la verkisto Georges Simenon, komisaro Maigret, ne estas dotita per specialaj povoj aŭ kapabloj OE la ĉefrolulo en bildrakonto Hagar estas vikinga batalanto Ko ni renkontas ses ĉefrolulojn, ĉiun en sia karcero, kiuj fine renkontiĝas unu post la alia kaj kunlaboras por eskapi el la inkubejo MEc ➞ heroo, protagonisto.
2 plej grava rolulo 2: en marto ĉi-jare estis pafita Said Haĝarian, ĉefrolulo de la reformisma movado kaj ties teoriisto RTo
3 SPEK (evitinde) plej grava aktoro: en marto ĉefrolulo, Álex Angulo, venis en la asociejon por interparoli kaj pliperfektigi sian prononcadon OE