★instrukci/o

1 Tuto de la ordonoj k klarigoj, ĝenerale donitaj de superulo al subulo, pri agmaniero aŭ konduko de afero: sekvi la instrukcion de la ĉefo; baldaŭ aperos la instrukcio pri la aplikado de tiu nova leĝo; doni al ambasadoro sekretan instrukcion; 👥 zorge sekvu la instrukcion (pri la uzmaniero de la varo aŭ aparato) sur la skatolo. ☞ direktivo.

2 💻 Ero de komputila programo, difinanta, kio estu farata, kiam tiu parto de la programo estas plenumata: atribua instrukcio (atribuo 3); salta instrukcio (salto 3). ☞ deklaro, direktivo, komando. ➞ instrukcinombrilo.