PIV 2026 · Artikolo 2905
deklari
Derivaĵoj en la artikolo 3
deklari tr
1 oficiale, publike, formale sciigi ion: deklari sian nomon antaŭ policisto deklari al iu militon deklari amnestion Li deklaros pacon al Sia popolo MT sur la unua paĝo de la Unua Libro Zamenhof deklaris, ke li por ĉiam rezignas aŭtorrajtojn superEsperanto la Akademio deklaru, ke la lingvo por ĉiam fariĝis definitiva Z ➞ anonci, proklami.
2 solene aserti pri iu, ke tiu estas tia aŭ tia: deklari iun publika malamiko Francisko deklaras sin propravole sklavo de Amalio Z ĉiuj deklaris sin kontraŭ la propono (analoge) mi deklaras la kongreson malfermita
3 JURO parole aŭ skribe sciigi, kun la konscio, ke tiu sciigo kreas, aliigas aŭ nuligas rajtojn, devojn aŭ jurajn rilatojn.
4 LUDO en iuj kartludoj sciigi al la kunludantoj, ke oni havas en sia loto tiun aŭ alian ĉefan karton, aŭ ke oni intencas gajni per tiom aŭ tiom da poentoj. ➞ anonci, eldiri.
5 EKON sciigi al la koncerna administracio, ke oni havas impostodevajn objektojn: deklari juvelojn ĉe la dogano deklari siajn enspezojn al la kontrolisto
deklaro
1 ago deklari kaj ties rezulto (tio, kion oni deklaras): la deklaro de fideleco en la Belga Ligo Z deklaro pri la homaj rajtoj deklaro pri edziĝo ministra deklaro fari deklaron ĉe la dogano deklaro pri rezigno pri komuneco deklaro pri hipoteko deklaro pri heredo deklaro pri adoptado fari deklaron al junulino konfesi, ke oni ŝin amas Sin. deklaracio.
2 KOMP en fontlingva programo frazo, kiu informas la tradukilon pri io, ekz. la nomo kaj speco de variablo, sed ne estas mem tradukata: estu deklaro por ĉiu variablo ➞ instrukcio.
amdeklaro deklaro 1 al la amato pri sia amo: McDonald’s ornamis siajn paper-tukojn per amdeklaroj en 24 lingvoj; trialoke troviĝis «Mi amas vin» OE (figurasence) amdeklaro al la internacia lingvo FPi