PIV 2026 · Artikolo 856
★anonci
Derivaĵoj en la artikolo 7
★ anonci tr
1 oficiale sciigi al la publiko ion gravan: anonci ĝeneralan amnestion anonci la finon de armistico anonci sian geedziĝon kiel ĉarmaj estas sur la montoj la piedoj de anoncanto, kiu proklamas pacon, anoncas bonon MT tio estis grava okazantaĵo, la urbo sciis pri tio, kvankam oni ne anoncis ĝin per publika tamburado Z ŝi mem solene anoncis al ĉiuj siaj parencoj kaj konatoj, ke ŝi jam estas fianĉino FK ni anoncos, ke la demando pri reformoj estas teorie finita Z BIBL novajn aferojn Mi anoncas MT la aŭtoroj, kiuj deziras, ke iliaj verkoj estu anoncataj pli ofte, devas sin turni al la administracio Z ➞ raporti, reklami.
2 formale sciigi pri la veno de iu: la gardistoj demandis, ĉu ili devas anonci lin al la reĝino B servisto malfermas la pordon por anonci vizitanton: Sinjoro Broadbent! HLu
anonco
1 formala aŭ oficiala sciigo: la anonco de la militdeklaro ĵetis perturbon
anonceto en ĵurnalo, gazeto k.s. simpla mallonga anonco, kutime unu el pluraj kunigitaj sub aparta rubriko: mi aperigis miavice anonceton en la «Berliner Lokalanzeiger» por trovi ĉambron RSc
anoncigi fari, ke iu anoncu ion: kion la alte estimata magistrato anoncigas al mi per vi sendinte vin? Z
anoncisto, anoncistino
1 en radiodissendoj persono, kiu anoncas la titolojn de la muzikaĵoj, la nomojn de la prelegantoj k.s.
2 oficisto, kiu faras laŭtvoĉe anoncojn sur la strato, en bazaro ktp: ĝi plaĉos al mi tiom same, kiel se miaj versoj estus elkriataj de publika anoncisto Z
3 HIST en teatra revuo aktoro, kiu anoncas la nomojn de la ludontoj de ĉiu skeĉo.
bonanonci ntr fari anoncon pri io bona: la Eternulo min sanktoleis, por bonanonci al mizeruloj ➞ evangelio MT
edziĝanonco laŭleĝa aŭ laŭkutima anonco de edziĝo: estis farita pri ŝi edziĝanonco en la preĝejo Z