PIV 2026 · Artikolo 4705
formulo
Derivaĵoj en la artikolo 4
formulo
1 SCIE resuma simbola skribformo esprimanta rezulton de algebra kalkulo, scienca leĝo aŭ fakto k.s.: KEMI la formulo de akvo estas H2O formulo resuma montranta nur la nombron de la atomoj de molekulo formulo struktura montranta la aranĝiĝon de la atomoj de molekulo FIZI la formulo de gravita akcelo BOTA la flora formulo de pizo estas K5 C5 A10 G1 kaliko el kvin sepaloj, korolo el kvin petaloj, stamenaro el 10 stamenoj, karpelaro el unu karpelo ➞ diagramo.
2 preciza vortigo fiksita de leĝo aŭ kutimo: formulo de naskiĝa akto formulo de petskribo formulo de ĵuro formulo de ĝentileco
3 preciza mallonga dirformo: prezenti proponon en taŭga formulo la diplomatoj serĉas formulon, kiu ofendus neniun
formuli tr
1 SCIE esprimi ion per formuloj: formuli la konsiston de aero formuli sociologian leĝon
formulado ago formuli.
formularo
1 kolekto de formuloj: farmacia formularo formularo de notarioj
2 dokumento presita aŭ surekrana, kiun interesato devas mem plenigi, respondante al la demandoj tie formulitaj: kelkaj ŝranketoj por konservado de formularoj Z la diversaj pozicioj en la formularoj estas komparataj Z por krei novan eventon, oni devas registri sin per simpla formularo en retejo Ko ➞ aliĝilo, mendilo.
paroformulo LING frazeologiaĵo, konsistanta en vortoj samaj, similsencaj kaj/aŭ similformaj (ekz. «ree kaj ree», «pli-malpli», «nuda kaj kruda», «pri vetero kaj cetero»).