PIV 2026 · Artikolo 3059

diagramo

Litero D

Derivaĵoj en la artikolo 7
  1. diagramo de kurt/a cirkvit/o
  2. diagramo de ne/ŝarĝ/it/a labor/ad/o
  3. diagrama
  4. fazdiagramo
  5. flor/a diagramo
  6. niveldiagramo
  7. polen/a diagramo
diagramo SCIE grafikaĵo aŭ skemo, kiu helpas klarigi fenomenon aŭ strukturon: struktura diagramo pri mia familio SJo ➞ formulo, piramido 3.
diagramo de kurta cirkvito ELEK diagramo aŭ kurbo, kiu montras la konduton de maŝino aŭ aparato, kies vostaj klemoj estas kurtkonektitaj.
diagramo de neŝarĝita laborado ELEK diagramo aŭ kurbo, kiu montras la konduton de maŝino, transformilo aŭ aparato, kiam ĝi ne sorbas aŭ eldonas utilan povumon.
diagrama
1 rilata al diagramo.
2 havanta la formon de diagramo: diagrama prezento de vokalsistemoj JWe
fazdiagramo FIZI KEMI diagramo montranta la stabilajn fazojn kaj faztransirojn de iu substanco kiel funkciojn de la termodinamikaj variabloj ekz. premo (P), volumeno (V) kaj temperaturo (T).
flora diagramo BOTA skema desegno de la strukturo de floro.
niveldiagramo TELE diagramo montranta la variadon de la niveloj (de tensio, kurentintenso, povumo) laŭlonge de transsenda sistemo, ekz. konduktolineo.
polena diagramo BOTA grafikaĵo prezentanta la tempajn variadojn de diversaspeciaj polenoj.