PIV 2026 · Artikolo 3119
★difini
Derivaĵoj en la artikolo 7
★ difini tr
1 FILO SCIE precize klarigi ideon aŭ vorton per la ecoj aŭ nuancoj, kiuj apartigas ĝin disde la aliaj: difini dogmon difini la sencon de la vorto «gento» difini la esencon de homaranismo
2 precize klarigi la naturon, sencon aŭ rolon de io aŭ iu: la ministro difinis sian politikon la alteco de tiuj ĉi kostoj estas ĉiujare difinata per voĉdonado de la akcianoj Z ellabori difinitajn regulojn Z tiu ĉi demando akceptis jam decidon pli difinitan Z per tiuj pronomoj oni difinas la sekson de la persono ni iras al celo klare difinita kaj nepre atingota Z kiam pasis la difinita tempo, ili revenis al la patro B Vi difinis lian limon MT fianĉon de l’ sorto difinitan forpelos nenia malhelpo Z difini taskon al iu difini premion al la konkurantoj artikolo nedifinita nedifina Z
difina
1 rilata al difino: difina formulo
2 LING limiganta la signifamplekson de substantivo, avertante, ke temas pri iel jam konata afero: difina artikolo
difino
1 preciza klarigo, per kiu oni diras, kio estas io kaj kio ĝi ne estas: difino de la triangulo difino de la vorto «demokratio» difino de la rolo de la Komitato fluidaĵo sen difino, nek vinagro nek vino Z ciklaj difinoj kiuj resendas unu al la alia
2 televide la precizeco reprodukti transsenditan bildon. ➞ altdifina.
difinilo LING determinanto 2.
altadifina televida sistemo prezentanta bildon per pli ol 1000 horizontalaj linioj.
nedifina LING ne limiganta la signifamplekson de substantivo: nedifinaj pronomoj iu, kelka ktp
nedifinebla ne povanta ricevi difinon: doni tute precizan klarigon de tiaj nedifineblaj vortoj, kiel «jam» aŭ «plu» estas tre malfacile Z nedifinebla suspekto nedifinebla odoro
sendifina ne montranta difinon: la sendifina modalo infinitivo