PIV 2026 · Artikolo 3017
destino
Derivaĵoj en la artikolo 4
destino
1 supernatura forto, kiu influas la sinsekvon de eventoj; povo de antaŭdecido: peza faro, kiun por la mano Rezervis la destino Z vi, kiuj faras verŝon por la Destino oferon al tiu diaĵo MT ➞ fato 1, sorto, fatalo, fortuno, Providenco.
2 tuto de la cirkonstancoj, kiuj influas la vivon de difinita persono, popolo k.a.: la kota rondo de la homa destino Z nia destino estos ami Z trezoroj, kiujn li devas eluzi konforme al sia destino Z vi meritas tre certe tute alian destinon Z la destino de Romo estis konkeri la mondon ➞ alvokiĝo.
3 difinita celo aŭ uzo de objekto: laŭ la destino de ĉiu kandelabro MT ŝia perlo havas la destinon definitive ligi la florkronon Z la destinon de tiu testamenta postlasaĵo oni ne rajtas ŝanĝi
destini tr efiki kiel destino 1 aŭ destino 2.
1 antaŭfiksi la celon aŭ la uzon de io: la panon ŝi destinis por si, la lakton por la infano Z la tero, kiun Mi destinis por viaj patroj MT destini lokon por objekto destini daton por parolado destini trajnon por milita transporto la reĝo mem destinis por vi, kion vi devas manĝi MT jen estas la kabineto, destinita por la lernado de mia filino Z destinita por lernejoj historio de la franca literaturo Z la homaranismo estas ja destinita sole nur por homoj libere pensantaj Z domoj Destinitaj esti ŝtonamasoj MT
2 atribui per antaŭdecido: por li Destinas ili dioj taskon, kiu ŝajnas ne solvebla Z kiu destinis direkton por la fluo ? MT la reĝo destinis por li malbonan sorton MT la limoj, destinitaj al ili de la naturo Z
3 antaŭfiksi la vivkondiĉojn, funkcion de iu: oni destinis lin por komerca kariero vin Mi destinos por la glavo MT la virino, kiun la Eternulo destinis por la filo de mia sinjoro MT eŭnuko , kiun ĉi tiu destinis por servado al ŝi MT Vi destinis ilin por puni MT destinita por morti knabo, certe destinita Por iam fari venĝon por la patro Z
4 antaŭdecidi, kion iu spertos aŭ faros: se la sorto Al mi destinis vivi kaj agadi Z al mi la sorto baldaŭ destinis ŝipveturadi Z la sorto destinis por Arkadio en ĉi tiu tago unu surprizon post alia B la dioj do destinas, ke mi estu La sciiganto Z Josuo destinis al ili , ke ili estu lignohakistoj por la komunumo MT
5 antaŭdecidi: Mi de tempo antikva tion destinis MT ĝis la fina destinita pereo MT estis tiel destinite de Dio MT tiel destinis la sorto Z
destinitaĵo io destinita: tio estu por vi kaj por viaj filoj eterna destinitaĵo MT
antaŭdestino, antaŭdestinismo KRIS doktrino, laŭ kiu Dio deeterne intencas gvidi iujn homojn al savo: la antaŭdestinismo ricevis ekstreman esprimon en kalvinismo ➞ determinismo, fatalismo, remonstranto.