PIV 2026 · Artikolo 16711

★voki

Litero V★ Fundamenta

Derivaĵoj en la artikolo 21
  1. voka
  2. voko
  3. vokad/o
  4. vokist/o
  5. vokit/ec/o
  6. alvoki
  7. alvoko
  8. alvokiĝ/o
  9. elvoka
  10. elvoki
  11. elvoko
  12. elvokiv/a
  13. kontrolvoko
  14. kunvoki
  15. ne/revokebl/a
  16. nevokit/e
  17. revoka
  18. revoki
  19. revoko
  20. telefon/alvoko
  21. telefonvoko
★ voki tr
1 laŭtigi la voĉon por turni al si ies atenton: mi vokas al ĉiuj esperantistoj-batalantoj: mi vin gratulas! Z voku, ho voku, ripetadante, ĝis vi atingos aŭskulton! Z al Vi, ho Eternulo, mi vokas MT ili vokis al la Eternulo, kaj Li ilin aŭskultis MT en tiu tago la Sinjoro vokis, ke oni ploru kaj kriu MT ➞ invoki, turni sin.
2 laŭtigi la voĉon por komprenigi al iu, ke tiu venu aŭ ion faru: mian sklavon mi vokas MT voki al iu por helpo voki la virojn al la batalo mi vokis vin laŭ via nomo MT ne voku diablon, ĉar li povas aperi Z voki sian hundon, fajfante la perdrikoj vokis unu alian B oni vokas la bovon ne festeni, sed treni Z Li vokas la akvon de la maro kaj verŝas ĝin sur la teron MT sonorilo vokas al preĝejo kaj mem neniam eniras instigantoj ne estas agantoj Z se vi estos vokata, tiam diru: Parolu, ho Eternulo MT
3 iel sciigi al iu, ke tiu devas veni; inviti iun: oni ŝin vokis al la grafino Z oni vokas min per ekspreso al la kortego Z voki iun per gesto la imperiestro sendis voki lian konstantan kuraciston Z mi ne estas vokita iri al la reĝo jam de tridek tagoj MT
(figurasence) el la infano fariĝis maljuna virino, kiun nun Dio volis voki al si igante ŝin morti Z mia sorto min vokas Z multaj vokitoj, sed ne multaj elektitoj Z
4 = (prefere) alvoki 4.
5 = (prefere) elvoki 2: mi sentis ion neordinaran en li, ion, kio povus voki krimon CPi
voka rilata al voko: voka signalo voka krio
voko
1 voĉo, vortoj aŭ invito de iu, kiu vokas: li ne aŭdis vian vokon oni aŭdas mortangorajn vokojn pri helpo Z (figurasence) eble ekzistas io tio, kion oni neklare sentas, kiel ian vokon de naturo? Z
2 TELE voksignalo.
➞ alvoko.
vokado ripetata voko: la donacoj kaj la vokado de Dio estas nerevokeblaj NT
vokistomalsupera juĝeja oficisto, kies devo estas disporti la tribunalajn alvokojn, anonci la verdiktojn ktp.
vokiteco stato de homo, kiu estis vokita de Dio.
alvoki
1 pli insista formo de voki 1: tiam oni komencis alvokadi la nomon de la Eternulo MT
2 pli insista formo de voki 2 kaj voki 3: tiam ankaŭ Faraono alvokis la saĝulojn kaj sorĉistojn MT li alvokis al si la dek du disĉiplojn NT mi alvokas vin esti atestantoj de nia interkonsento B la malgranda Helga alvokis per kapsigno la cikonian patron Z mi alvokis sekecon sur la teron MT
3 (figurasence) peti por ricevi ion: mi alvokas la ateston de ĉiuj, kiuj partoprenis en la kongreso Z vane mi alvokadis mian prudenton B ➞ admoni.
4 kontakti iun per telefono aŭ simila komunikilo: alvoku vian patrinon kaj demandu kiel ŝi fartas Ko mi tuj elŝaltos la vibradon de la poŝtelefono sed lasos la sonoron, ĉar nur tiel vi povas scii, kiam oni alvokas vin GOO
alvoko ago alvoki: nur post la dua severa alvoko la knabo leviĝis B malfeliĉo venas sen alvoko Z unu el la telefonistinoj subaŭskultis telefonan alvokon de kolegino al Ada CPi
alvokiĝo inklino por iu profesio, vivcelo: alta patrina alvokiĝo, kiu eĉ en tiu ĉi sia refiguraĵo purigas la koron Z ➞ destino.
elvoka tia, ke ĝi elvokas scenon, bildojn ktp: elvoka vorto elvoka titolo OE elvoka epiteto
elvoki
1 voki por elirigi aŭ elvenigi ion aŭ iun: mi volus elvoki de Lemaire la konfeson pri la 250.000 Z (proprasence kaj figurasence) ne elvoku lupon el la arbaro (figurasence) elvoki iun al duelo
(aparte pri sorĉado) kaj la virino diris: Kiun mi elvoku al vi? Kaj li diris: Samuelon elvoku al mi MT elvoki la spiritojn
2 (figurasence) okazigi; estigi; kaŭzi: tiu ĉi demando per sia naiveco elvokos ridon Z la tuta kongresa komitato rifuzis akcepti unu proponon nur pro tio, ke ĝi celis elvoki skandalon Z elvoki malpacon inter la ŝipanoj en la mezo de la maro Z feliĉo kaj riĉo envion elvokas Z la presitaj proponoj elvokis ĉe ili la timon, ke nia lingvo devas esti ŝanĝita Z ĝia aspekto elvokis ĉe ŝi grandan abomenon Z ➞ veki 1.
3 (figurasence) prezenti al la psiko vivan vidbildon de io: lia densa, fortika figuro elvokis pli virbovon ol birdon CPi
➞ elvokipovo.
elvoko ago elvoki: la domo de sinjoro Dulong vibrigis en lia subkonscio elvokon pri tiu «civito de la libroj», kiu tiom ravegis lin RSc multokaze, kiam la angla kontentiĝas per elvoko, la franca postulas plenan precizecon CPi
elvokiva = (prefere) elvoka.
kontrolvoko elvoko de homoj por kontroli ilian ĉeeston.
kunvoki voki homojn al kunveno: s-ro Boirac eĉ ne havis la rajton kunvoki la komitatanojn Z kunvoku ĉiujn loĝantojn de la lando en la domon de la Eternulo MT kiel por festa tago Vi kunvokis de ĉirkaŭe miajn terurajn najbarojn MT ➞ kunvenigi.
nerevokebla tia, ke oni ne povas ĝin revoki: mia nerevokebla decido estas resti ĉi tie HVa la donacoj kaj la vokado de Dio estas nerevokeblaj NT
nevokite ne ricevinte vokon: kiel falko li deflugadis, kiam oni lin vokis, kaj ofte ankaŭ nevokite Z
revoka revokanta: se vi trovos necesa, ke oni ne legu en la kongreso mian leteron, mi aldonas ĉi tie revokan letereton Z
revoki
1 voki, por ke iu revenu: mi decidis iri al ŝi, revoki ŝin kaj skribi ĉion, kion ŝi deziras B
(figurasence) mi uzas ankaŭ la okazon , por revoki en vian memoron la nomon de unu viro, kiu havas grandegajn meritojn en nia afero Z la peno revoki en sian memoron ĉiun detalon pri sia infano Z
2 reveni al antaŭa decido, ago k.s., por ĝin nuligi: leteron, sigelitan per la reĝa ringo, oni ne povas revoki MT revoki la kongreson ni absolute ne devas Z
revoko ago revoki, aŭ ties rezulto: ŝajnas al mi, ke sugestii al ili la ideon pri la revoko de la kongreso estus ne konsilinde Z
telefonalvoko, telefonvoko alvoko per telefono: la fajrobrigadon atingis telefonalvoko, ke furiozas incendio ĉe firmao en la industria kvartalo FGR