PIV 2026 · Artikolo 14168
★signalo
Derivaĵoj en la artikolo 14
★ signalo
1 interkonsentita signo uzata por komuniki de malproksime averton, ordonon aŭ informon: kaŝita en arbetaĵ’ de roko, mi atendos de vi signalon Z subite la signalo de la libereco! Z tio estas la signalo, pri kiu mi interkonsentis kun Klaŭdino Z signalo de okupiteco ĉe la telefono telefonio horindika signalo agorda signalo de radiostacio por ebligi la agordadon de la riceviloj fervojaj signaloj antaŭa signalo aŭda signalo vida signalo signalo de senhelpeco de dronanta ŝipo
1 Signo devas esti klarigata de la inteligenteco; signalo devas estigi reflekson.
2 MARN ĉiu el la konstruoj aŭ objektoj, starigitaj por montri al ŝipoj danĝerajn punktojn, rifojn, rokojn, pasejon k.s.
3 GEOD naturaj aŭ artefaritaj kulminoj, kiuj servas por fari la trianguladon de regiono aŭ indiki vojliniojn.
4 ELEK TELE ŝanĝoj farataj en la valoro de elektra tensio k.s., ĝenerale por transsendi informojn en elektronika cirkvito aŭ telekomunikado. ➞ bruo.
signala tia, ke ĝi signalas: signala fajro signala lumo
signali tr anonci ion per signalo: ruĝa lumo signalas halton oni signalis per kanono la alvenon de la nova jaro Z la trajno estas signalita
signalado ag(ad)o signali.
signalaro kodo de signaloj.
signalejo stacio de signalado por ŝipoj, ĉe marbordo.
signalilo FERV masto aŭ alia subportaĵo, ekipita per moveblaj brakoj (diskoj) kun lanternoj aŭ per diverskoloraj elektraj lampoj por signali tage kaj nokte: la fervojaj signaliloj indikas per pozicio de brakoj diskoj aŭ per diverskoloraj signallumoj, ĉu la trako estas libera aŭ ne
signalisto persono, ekz. soldato aŭ ŝipano, trejnita al signalado.
signalizi tr provizi vojon teran, riveran aŭ maran per signaloj utilaj por fari la veturadon senhezita kaj sendanĝera.
alarmosignalo signalo uzata por alarmi 2: trajna alarmosignalo
avertosignaloĉia signalo uzata por averti pri danĝero: fajfa avertosignalo de lokomotivo hupa avertosignalo de aŭto
lumsignalo = (prefere) trafiklumo.
radi2osignalo signalo sendata per radio ② 1.
vek1signalo trumpeta signalo de vekiĝo en kazerno k.s.