PIV 2026 · Artikolo 12640

★povi

Litero P★ Fundamenta

Derivaĵoj en la artikolo 45
  1. /pova
  2. povo
  3. dispers/a povo
  4. kolor/a povo
  5. povad/o
  6. povum/o
  7. aĉetopovo
  8. ating/opovo
  9. ĉevalpovo
  10. ĉiopova
  11. daŭr/ipova
  12. edz/iĝpova
  13. edz/in/iĝpova
  14. el/vok/ipovo
  15. esprimpova
  16. evolu/ipovo
  17. flug/ipova
  18. flugpova
  19. gener/ipova
  20. imagpovo
  21. imag/opovo
  22. juĝopovo
  23. komprenpovo
  24. konkurencopova
  25. konstrupova
  26. kovr/opovo
  27. kre/opova
  28. multiplikpovo
  29. nask1/ipova
  30. ne/erar/ipova
  31. noc/ipova
  32. pag1/ipova
  33. parolpovo
  34. penetr/ipovo
  35. plenpovo
  36. port1/opovo
  37. pren/ipova
  38. scipovi
  39. scipovo
  40. senpova
  41. senpovig/i
  42. superpovi
  43. viv/ipova
  44. viv/ipovec/o
  45. volpovo
★ povi tr
1 havi la forton, lertecon aŭ kapablon necesan por fari ion: kiu devas, tiu povas Z kion oni volas, tion oni povas Z du homoj povas pli multe fari ol unu FE mi neniel povas kompreni, kion vi parolas FE mi ne povas legi la libron, ĉar ĝi estas sigelita MT montru al li dankon,
Se pli oferi vi ne povas Z
cent mil viroj povantaj eltiri glavon MT
1 En is-formo povi signifas, ke oni uzis la povon: mi povis pli multe fari kaj efektive tion mi faris La us-formo esprimas, ke oni ne uzos aŭ ne uzis la povon: mi povus malkaŝi ion sed tion mi ne faros mi estus povinta pli multe fari sed ja ne faris ➞ devi Rim.
2 havi la rajton aŭ potencon necesan por fari ion: absoluta reĝo povas fari ĉion, kion li volas oni ne povas malliberigi homojn pro tio, ke ili aŭskultis muzikon B tie, kie mi alestas, neniu povas teni nepunate la glavon nudigitan Z ĝi prezentas simple mian personan opinion, kiun ĉiu el vi povas aprobi aŭ ne aprobi Z ➞ rajti.
3 havi la permeson aŭ eblon fari ion: la personoj, kiuj ne komprenas la uzadon de la artikolo , povas en la unua tempo tute ne uzi la artikolon FE vi povas trovi tiujn ĉi ideojn plenumeblaj aŭ ne plenumeblaj Z ni povas diri «obei al la patro» kaj «obei la patron» FE ĉiu, kiu ŝin vidis, povis pensi, ke li vidas la patrinon FE en malbona vetero oni povas facile malvarmumi FE tre povas esti, ke Z li povas alveturi povas okazi, ke li alveturos en ĉiu horo Z ➞ eble.
pova sufikso kapabla fari la indikitan agon. ➞ esprimpova, konkurencpova, pagipova, vivipova.
povo
1 kapablo ion fari pro forto, lerto aŭ rajto: sen povo kolero estas ridinda afero Z ne lasu al li la povon malutili li tie restis, sen povo forpeli tiun penson havi la povon fari Z posedi la povon fari Z vi havus nenian povon kontraŭ mi, se ĝi ne estus donita al vi de supre NT havi povon super iu B ➞ aŭtoritato, eblo, potenco.
2 FIZI laboro (meĥanika, elektra k.c.) produktata en iu unuo de tempo, esprimata per vatoj 2. simbolo: P aga povo de kurento neaga povo de kurento ŝajna povo de kurento Sin. povumo 1.
3 FIZI kvociento de la angulo, laŭ kiu oni vidas objekton tra lenso, per la longo de tiu objekto: la povo de mikroskopo Sin. povumo 2.
4 TEKN rilato inter la laboro produktata de maŝino kaj la tempo uzata por tiu produktado. Sin. povumo 3.
dispersa povo FIZI la propra dispersa angulo karakterizanta diafanan medion. Sin. disperseco.
kolora povo la povo de iu kolorilo aŭ pigmento komuniki sian koloron al aliaj materialoj, kun kiuj oni miksas ĝin. Sin. kolora forto.
povado ago aŭ stato de iu, kiu povas: grandega dezirado egalvaloras en la vivo la povadon Z
povumo
1 FIZI povo 2.
2 FIZI povo 3.
3 TEKN povo 4.
aĉetopovoefektiva valoro en varoj aŭ servoj, kiun prezentas salajro aŭ rento: la minimuma pensio de la jaro 2000 laŭ aĉetpovo estas nur ĉirkaŭ 62 % de tiu de la jaro 1989 BSe
atingopovo atingodistanco: la atingopovo de pafarko
ĉevalpovo FIZI en meĥaniko eksa unuo de povo, egala al la teoria forto necesa por levi 75 kg ĝis 1 m dum 1 sekundo. simbolo: HP, PS, CV laŭ la landoj, aŭ ĈP en Esperanto motoro , kies potenco egalas al 98 ĉevalpovoj LSt Sin. ĉevalforto.
ĉiopova kun povo, kiu ampleksas ĉion: li vidas en tio nur la ĉiopovan influon de la majstro Z ➞ Plejpotenca.
daŭripova
1 tia, ke ĝi povas (longe) daŭri: paroli pri daŭripova sperto de Esperanto kiel lingvo, movado kaj komunumo BPi li ŝajne atingis senmortecon, sed je la prezo de vivado sensenca, ĉar sen daŭripovaj efikoj Ko
2 EKOL socio, agado, ktp kapabla longe daŭri sen foruzo aŭ detruo de la natura medio:daŭripova energio EGv daŭripova fiŝkaptado MD daŭripova turismo JWn la universitato donis tri doktorecojn pro honoro al personoj, kiuj laboras pri daŭripova socio PPe Sin. daŭrigebla 2.
➞ daŭripova evoluo, daŭrema.
edziĝpova, edziniĝpova havanta aĝon aŭ staton konvenan por edziĝo aŭ edziniĝo.
elvokipovo kapablo elvoki 3: en poezio oni devas precipe atenti la elvokipovon de la vortoj
esprimpova esprimkapabla: li prezentas skizojn en vigla kaj riĉe esprimpova familiara stilo TCa
evoluipovo kapablo evolui: Volapük pereis ĉefe pro unu grava eraro : absoluta manko de natura evoluipovo Z
flugipova, flugpova kapabla flugi: oni deziris nur, ke la kajtoj estu flugipovaj, kaj tio jam sufiĉis SXH
generipova kapabla ion generi.
imagpovo, imagopovo kapablo ion imagi: la vibranta energio, vasta imagopovo kaj krea iniciatemo de junaj homoj signife pliriĉigis la vivon de Esperanto JAV Sin. imagokapablo.
juĝopovo jurisdikcio.
komprenpovo kapablo kompreni: eksterordinaraj komprenpovo k kaj prudento LBa Sin. komprenkapablo.
konkurencopova konkurenckapabla: la konkurencpova malinflacio celas anstataŭi la monan devaluton per salajro-malaltigoj MD
konstrupova konstrukapabla.
kovropovo
1 kapablo ion kovri: la kovropovo de diversaj farboj
2 la nombro de kvadrataj metroj, kiujn oni povas kovri per 1 kg da farbo.
kreopova kapabla bone aŭ multe krei.
multiplikpovo ELEK faktoro, per kiu oni devas multipliki la devion de galvanometro aŭ alia mezurinstrumento konektita al ŝunto, por ricevi la ekvivalentan devion, kiu okazus, se la ŝunto ne estus konektita.
nask1ipova kapabla ion naski 1. ➞ fekunda.
neeraripova ne kapabla erari: la katolikoj kredas la papon neeraripova, kiam li oficiale elkatedre interpretas la revelaciajn verojn
nocipova kapabla ion noci: nocipova drogo
pag1ipova kapabla pagi; solventa. ➞ solida 4.
parolpovo kapablo paroli: vi ja preskaŭ perdis la parolpovon SEn ĉiuj pleniĝis de la Sankta Spirito, kaj komencis paroli aliajn lingvojn, kiel la Spirito donis al ili parolpovon NT Sin. parolkapablo.
penetripovo FIZI kapablo de korpo, radio k.s. trapasi iun medion, alian korpon k.s.
plenpovoPOLI rajto decidi, voĉdoni, kontrakti ktp, kiun persono, registaro, parlamento k.s. provizore komisias al difinita persono.
port1opovo EKOL kapablo de difinita tereno toleri mediinfluojn pro la funkcioj, kiujn la homo al ĝi atribuas: la portopovo de la stepoj por kultivado de kotono en la pasintaj jaroj estis superata, tiel ke rezultiĝis erozio
prenipova kapabla ion preni: prenipova piedo de simio
scipovi povi fari ion pro scio (kaj eventuale ekzercado): ili scipovis konservi sufiĉe liberan komunuman aranĝon Z li ne scipovas naĝi li ne scipovas legi virino, kiu scipovas konversacii, uzante nur tridek vortojn APe/MPe mi bezonas iun, kiu scipovas la rusan lingvon CPi «scipovi» kaj «povoscii» havas la saman signifon Z Sin. povoscii. ➞ scii 3.
2 Zamenhof preferis povoscii, sed nuntempe scipovi estas senkompare pli ofta.
scipovo kapablo de iu, kiu scipovas: plibonigi sian scipovon de Esperanto scipovo festi SFi Sin. povoscio.
senpova ne havanta la povon ion fari. ➞ senhelpa.
senpovigi senigi iun aŭ ion je iu povo: nur per braktordo li senpovigis la ŝteliston hontemo senpovigis min CRo senpovigi la parlamenton SMa
superpovi havi pli grandan forton aŭ potencon ol alia.
vivipova kapabla vivi: ŝi plurfoje petis , ke oni abortigu la feton, kiu estis ne vivipova GMc ili nun timas ankoraŭ, ke ĝi nia ideo montros sin ne vivipova Z la ideo de ekonomie vivipova Nov-Kaledonio sendependa MD
vivipoveco kapableco vivi: la konstanta kreskado de nia literaturo malaperigos ĉian dubon pri la vivipoveco de nia lingvo Z
volpovo kapablo regi siajn agojn kaj emociojn, precipe por rezisti tenton: li ne posedis sufiĉe da volpovo sukcese batali kontraŭ la deziroj HLu per grandega mobilizo de sia volpovo li repuŝis ŝin, kriante plengorĝe: «Ne!» CPi