PIV 2026 · Artikolo 13242
redakti
Derivaĵoj en la artikolo 7
redakti tr
1 direkti la publikigon de gazeto, revuo aŭ alia kolektiva verko elektante, korektante kaj reviziante artikolojn: de Decembro Zamenhof mem redaktis la gazeton la Pola Esperantisto ne estas nun plu redaktata de mia frato Z ĝi prezentas nian komunan, tre bone redaktatan centran organon Z pro la Hachette-kontrakto mi ne sole ne povas mem verki, sed mi ne povas eĉ redakti ian laboron de alia aŭtoro Z mi la revuon redaktas, enpaĝigas, grafike aranĝas kaj teknike preparas por presado SMč li ankaŭ redaktas regulan retan bultenon RE! (analoge) li redaktis la rubrikon por komencantoj ZVD Sin. redaktori. ➞ editori.
2 KOMP modifi aŭ prilabori la enhavon aŭ aranĝon de teksto, bildo, filmo k.s.: redakti retpaĝojn RE! redakti sondosieron ➞ redaktilo.
3 skribe esprimi ion en formo definitiva kaj konvena por la celo: redakti siajn pensojn B redakti oficialan akton B redakti ĉiun paragrafon tute klare kaj precize Z la Delegacia Komitato ne sufiĉe singarde redaktis la tekston de sia decido Z kiam mi siatempe redaktis la germana-Esperantan vortaron Z pri kelkaj detaloj mi eble petos, ke ili estu redaktitaj iom pli precize Z bonvolu voki aktiston, ke li redaktu mian testamenton FDi mi provis redakti la anoniman leteron tiel ke ŝi sentu emon akompani lin CPi se la eldonistoj bonvolus redakti la tradukon antaŭ ol ĝin presi NGu ➞ formuli, verki, vortigi.
redakto, redaktado ago redakti: verkoj, kiuj aperis sub mia redaktado Z komisii al iu la redaktadon de memuaro
redaktejo ejo, en kiu laboras redaktistoj.
redaktilo KOMP komputila programo por redakti 2 dosierojn, ekz. tekstojn, retmesaĝojn, bildojn, muzikon k.s. ➞ tekstoprilaborilo.
redaktisto
1 iu, kiu redaktas la proprajn artikolojn.
2 redaktoro.
redaktistaro tuto de la redaktistoj de gazeto aŭ revuo. ➞ editoro, ĵurnalisto, raportisto.
ĉefredaktisto ĉefredaktoro.