PIV 2026 · Artikolo 7028
★ĵurnalo
Derivaĵoj en la artikolo 7
★ ĵurnalo
1 gazeto, ofte ĉiutaga: la ĵurnalo elirados en la unua tempo unu fojon en la monato Z la oficejoj de la ĵurnalo Figaro HVa li refaldis la ĵurnalon kaj longe rigardis min BLe
2 taglibro.
3 KOME libro, en kiu estas registrataj kronologie, tagon post tago, ĉiuj kont-operacioj de firmao, entrepreno k.s. ➞ ĉeflibro, magazino, revuo.
ĵurnalismo
1 profesio de ĵurnalistoj.
2 la teĥniko de verkado kaj redaktado por ĵurnaloj: Mario, mia mentoro en la mondo de ĵurnalismo MRi
3 la gazetaro, rigardata kiel influrimedo aŭ socia potenco.
ĵurnalisto profesia kunlaboranto de gazeto: ĵurnalistoj, se ili estas honestaj kaj kapablaj, estas inter la plej fortaj gardantoj de demokratio TSt
ĵurnalistumo lingvaĵo kaj stilo propraj al ĵurnalistoj, kaj karakterizataj de la serĉo de rapideco eĉ je la kosto de ĝusteco.
esplorĵurnalisto ĵurnalisto, kiu mem esploras iun temon, kolektante atestojn kaj dokumentojn, kaj raportas pri la akiritaj informoj.
fotoĵurnalisto ĵurnalisto, kiu raportas pri eventoj kaj situacioj precipe fotante ilin, ofte komisie de tekstoĵurnalisto: monde konata fotoĵurnalisto pri militoj kaj katastrofoj MaZ
tekstoĵurnalisto ĵurnalisto, kiu verkas aŭ redaktas artikolojn. ➞ fotoĵurnalisto.