PIV 2026 · Artikolo 16522

★verko

Litero V★ Fundamenta

Derivaĵoj en la artikolo 14
  1. verki
  2. verkad/o
  3. verkar/o
  4. verket/o
  5. verkist/o
  6. artoverko
  7. ĉefverko
  8. furoroverko
  9. fuŝverko
  10. komediverkist/o
  11. kunverki
  12. majstr/overko
  13. reverki
  14. tragediverkist/o
★ verko
1 literatura teksto; teksta kreaĵo: miaj lastaj tradukitaj verkoj Z ĝi estas verko, kiu traktas pri unu el la aktualaj sociaj demandoj Z verko de antaŭ longe mortinta klasikulo Z la verkoj de Dante B mi legis ĉiujn verkojn de Zamenhof
2 (vastasence) arta produkto: koniĝas majstro laŭ sia verko Z la fino kronas la verkon Z
3 (figurasence, malofte) rezulto de agado: ĉiuj verkoj de Herhor estis nur plenumo de la intencoj de la juna faraono B ĉio tio estas verko de la diablo ASo
verki tr
1 krei tekstan verkon: verki artikolon Z verki novelon TCa verki monatan raporton verki detalan vortaron Z «Esenco kaj estonteco » estas verkita ne de L. de Beaufront, sed de alia persono Z la Krestomatio enhavas tre grandan kvanton da materialo, kiu estis verkita en diversaj tempoj kaj de diversaj aŭtoroj Z li verkas kelkajn teatraĵojn FDi mi ne scias, ĉu li efektive verkis tiun testamenton CPi precipe li verkis ĉeĥlingve GBe (figurasence) via moŝto tute ne povas prezenti al si, kiaj diversaj mensogoj estas verkataj Z Sin. aŭtori.
2 (vastasence) krei artan produkton, precipe muzikan: Haydn verkis 104 simfoniojn JMu/IMu komponistoj verkis muzikaĵojn GMc
verkado laborado de iu, kiu verkas: mia projekto [kies verkadon mi komencis jam de longe] Z la verkado de tiu romano kostis kvin jarojn al ĝia aŭtoro sciado de la tekniko de verkado Z
verkaro tuto de la verkoj de unu aŭtoro: la verkaro de Zamenhof
verketo mallonga aŭ malgrava verko: ĵus aperinta verketo de unu el la francaj pensemuloj Z ➞ broŝuro.
verkisto homo, kies okupo estas verki tekstojn: la grandaj verkistoj, kiuj pli zorgas pri la enhavo de siaj verkoj Z ŝia moŝto ekdeziris fariĝi verkistino, aŭtorino! Z ➞ aŭtoro.
artoverko belarta verko: multaj homoj, kiuj ne legas altnivelajn artverkojn malfacilajn, volonte legas ion pli eskapisman MBo liaj riĉaĵoj kaj mirindaj artverkoj de li posedataj iĝis objekto de avido LiZ
ĉefverko perfekta aŭ aparte bela verko: la ĉefverkoj de Ŝekspiro la ĉefverkoj de la itala muziko la ĉefverkoj de la gotika arĥitekturo ➞ majstroverko 2.
furoroverko verko, kiu furore vendiĝas: la romano estis furorverko en Francio DBr
fuŝverko fuŝita verko: ekzistas fuŝverkoj en Esperanto, same kiel en aliaj lingvoj MBo
komediverkisto verkisto de komedioj.
kunverki verki ion kune kun alia verkanto: ni kunverkis kaj eldonis tri librojn Ko
majstroverko
1 prilaboritaĵo, kiun ĉiu kandidato al majstreco devas prezenti al la juĝo de la korporaciaj majstroj: lernu ĉiu metion; kiam vi revenos, tiu ricevos la domon, kiu faros plej bonan majstroverkon B
2 (figurasence) ĉefverko; elstara verko aŭ atingaĵo: tradukoj el majstroverkoj de diversaj lingvoj MBo Unesko proklamis la kantofestivalan tradicion de ĉiuj tri baltaj ŝtatoj majstroverko de nemateria kultura heredaĵo de la homaro LSt la majstroverko de taktiko sukcesis SMa
reverki denove verki ion, kio estis maltaŭge aŭ malbone verkita, aŭ kio intertempe perdiĝis: reverki filmon reverki ĉapitron de romano
tragediverkisto verkisto de tragedioj.