PIV 2026 · Artikolo 11050
★nombro
Derivaĵoj en la artikolo 49
- Nombro/j
- nombro de Avogadr/o
- nombra
- nombri
- nombrad/o
- nombrebl/a
- nombril/o
- nombrad/il/o
- Gejger-nombril/o
- nombron/o
- acidnombro
- akv/onombril/o
- alef1-nombro
- alinombra
- atomnombro
- dunombra
- dunombro
- elnombri
- fadennombril/o
- grandanombra
- indicnombro
- instrukcinombril/o
- kun/met/it/a nombro
- kvantumnombro
- kvarnombra
- kvinnombra
- meznombro
- mez/onombro
- aritmetik/a mezonombro
- geometri/a mezonombro
- harmon/a mezonombro
- mult/enombra
- mult/enombro
- multanombra
- multnombro
- nenombrebl/a
- oktannombro
- paŝnombril/o
- plennombra
- popolonombrad/o
- samnombra
- sennombra
- sesnombra
- supernombra
- trinombra
- trinombro
- ununombra
- ununombro
- volv/iĝ/a nombro
★ nombro
1 MATE elemento de unu el la nombrosistemoj: entjera nombro (..., −2, −1, 0, 1, 2, ...), racionala nombro (kvociento de entjeroj), reela nombro (limeso de racionalaj nombroj), aŭ kompleksa 2 nombro (nombro en la formo a + ib kun a kaj b reelaj): para nombro nepara nombro ➞ cifero, numero; frakcio, primo 1; imaginara, kardinala 1.
2 nombro 1 uzata por mencii kvanton: ni ĉiuj estas en la nombro de okdek Z tia estis la kalkulita nombro de la Izraelidoj: sescent unu mil sepcent tridek MT la Eternulo multigu vin miloble kontraŭ via nuna nombro MT en la universitatojn oni akceptas la hebreojn nur en la nombro de 3–5 procentoj Z ĉu vi sciis, kiel granda estos la nombro de viaj tagoj? MT senfina estas la nombro de la stultuloj tio faros rondan nombron sen frakcio, aŭ finiĝanta per unu aŭ pluraj nuloj granda nombro da demandoj ➞ nombronomo, nombrovorto.
3 LING deklinacia aŭ konjugacia formo de iu vorto, montranta, ke ĝi rilatas aŭ al unu aŭ al pluraj realaĵoj. ➞ singularo, dualo 2, pluralo, numeralo.
Nombroj BIBL la kvara libro de la Pentateŭko.
nombro de Avogadro KEMI la nombro 6,022 140 76×1023mol-1, antaŭe difinita kiel la nombro de atomoj en 12 gramoj da karbono-12; nomita laŭ Avogadro.
nombra rilata al nombro(j): nombraj signoj nombraj nomoj tio estas nur nombra demando
nombri tr
1 difini per nombroj la sumon de objektoj aŭ personoj: mi nombros la glasojn Z ŝafoj kaj bovoj, kiujn oni ne povis nombri nek kalkuli pro ilia granda multeco MT oni nombris en la lando plurajn milionojn da senlaboruloj noktoj turmentaj estas nombritaj al mi MT
2 enteni aŭ enhavi ian nombron da unuoj: nia societo nombras preskaŭ 300 membrojn libro nombranta 600 paĝojn ➞ enkalkuli.
3 TEKN aparato mezuri per nombroj la kvanton de fluo aŭ la unuojn de ripetiĝanta fenomeno kaj adicii ilin: oportuna nombrilo por nombri la paŝojn
nombrado
1 ago nombri: fari nombradon de grego
2 maniero nombri: la Esperanta nombrado
nombrebla
1 tia, ke oni povas ĝin nombri: homoj estas nombreblaj aferoj moneroj estas nombreblaj aferoj leteroj estas nombreblaj aferoj
2 LING substantivo reprezentanta aĵojn, kiujn oni povas nombri (ekz. dio, monero aŭ frukto).
nombrilo, nombradilo TEKN aparato konsistanta el mezurilo kaj el kalkula meĥanismo, kiu montras per nombroj la rezulton de la mezurado dum determinita tempo. ➞ kalkulilo; akvonombrilo, Gejger-nombrilo.
Gejger-nombrilo nombrilo, kiu detektas kaj nombras la partiklojn elsendatajn de radioaktiva korpo; nomita laŭ la germana fizikisto Hans Geiger.
nombrono frakcio 1: li estis tiel saĝa, li povosciis kalkuli en la kapo kun nombronoj! Z
acidnombro en oleo- kaj gras-industrio nombro indikanta, kiom da ml da unumola solvaĵo de potaso (KOH) estas bezonataj por neŭtrigi la grasajn acidojn de 1 g da graso aŭ oleo.
akvonombrilo aparato kiu mezuras volumenon de akvo trafluanta tubon.
alef1-nombro MATE nombro, kiu prezentas la kardinalecon de nefinia aro 2: la alef-nombro de la entjeroj estas nul ➞ alefo 1.
alinombra estanta en alia nombro.
atomnombro = (prefere) atomnumero.
dunombra
1 BOTA floroj kun 2 sepaloj kaj 2 petaloj, kaj plej ofte kun stamenoj kaj karpeloj en nombro dividebla per 2.
2 LING duala.
dunombro LING dualo 2.
elnombri precize kalkuli la nombron de anoj en homgrupo, gento, popolo k.s., aŭ de elementoj en aro, kolekto k.s.
grandanombra enhavanta grandan nombron da elementoj: la juna paro ricevis grandnombran idaron Z grandnombra familianaro Z grandnombra popolo MT grandnombraj brutaroj MT ➞ multa.
indicnombro STAT nombro, kiu esprimas la mezan ŝanĝon en aro de variabloj, ekz. prezoj; kutime unu jaro estas elektita kiel bazo, kaj la indicnombro por ĝi estas metita egala al 100. ➞ vivkosta indico.
kunmetita nombro MATE neprimo.
kvantumnombro FIZI nombro karakterizanta specifan kvantumstaton.
kvarnombra BOTA floro kun 4 sepaloj kaj 4 petaloj, kaj plej ofte kun stamenoj kaj karpeloj en nombro dividebla per 4.
kvinnombra BOTA floro kun 5 sepaloj kaj 3 petaloj, kaj plej ofte kun stamenoj kaj karpeloj en nombro dividebla per 5.
meznombro, mezonombro MATE nombro, kiu estas iel tipa por tuta aro de nombroj: aritmetika meznombro geometria meznombro harmona meznombro Sin. mezumo. ➞ averaĝo, mezvaloro, mediano, duilo.
aritmetika mezonombro MATE pri finia aro 2 kun n elementoj la sumo de tiuj nombroj dividita per n. Sin. averaĝo 2.
geometria mezonombro MATE pri finia aro 2 kun n elementoj la n-a radiko de la produto de tiuj nombroj, se pozitivaj.
harmona mezonombro MATE pri finia aro 2 de nombroj la inverso de la aritmetika meznombro de la inversaj nombroj.
multenombra
1 plurala: substantivo multenombra Z
2 = (prefere) multnombra, grandnombra: kiu aŭdis la multenombrajn parolojn kaj diskutojn Z se eĉ iliaj virtoj estas puraj Kaj multenombraj Z
multenombro pluralo: mi ne konsilas al vi uzi la diritajn vortojn en multenombro Z
multanombra
1 grandnombra: se vi estas multnombra, iru supren en la arbaron, kaj elhaku al vi tie lokon en la lando de la Perizidoj kaj de la Rafaidoj MT
multnombro (malofte) pluralo: akordiĝo de l’ adjektivoj en multnombro EPr
nenombrebla
1 tia, ke oni ne povas ĝin nombri.
2 LING reprezentanta aĵon, kiun oni ne povas nombri (ekz. mono, oro aŭ glacio).
oktannombro mezuro de la rezisto de brulaĵo al mem-ekbrulo sub premo sen sparko, kompare kun pura 2,2,4-trimetilpentano kiu havas la valoron 100, kaj heptano kun valoro 0.
paŝnombrilo ilo por nombri la paŝojn laŭ vojo irita de piediranto. ➞ irmezurilo.
popolonombrado POLI SOCI oficiala perioda nombrado de loĝantaro, kutime inkluzive bazajn informojn pri ĉies sekso, aĝo, okupo k.s.:la farita tutlanda popolnombrado trovis en Litovio 858 personojn indikintajn, ke ili scias Esperanton PČe Sin. censo 1.
samnombra estanta en la sama nombro: la meza rapideco en faka prelego antaŭ nur fakuloj estos sendube pli granda ol la meza rapideco pri sama temo antaŭ samnombra nefakula publiko ILa sur ĉiuj benkoj montriĝis samnombre la signoj de morto kaj la signoj de kompato LiZ
sennombra tiel multa, ke oni ne povas kalkuli la kvanton: ŝi rigardis la sennombrajn malgrandajn ŝtonojn sur la bordo Z ➞ nekalkulebla.
sesnombra BOTA floro kun 6 sepaloj kaj 6 petaloj, kaj plej ofte kun stamenoj kaj karpeloj en nombro dividebla per 6.
supernombra estanta super la normala nombro: supernombra pasaĝero supernombra oficisto supernombra paĝo
trinombra
1 BOTA floro kun 3 sepaloj kaj 3 petaloj, kaj plej ofte kun stamenoj kaj karpeloj en nombro dividebla per 3.
2 LING triala.
trinombro LING trialo.
ununombra LING singulara.
ununombro LING singularo: substantivoj en ununombro finiĝas per o Z
volviĝa nombro MATE entjero indikanta, kiomfoje fermita kurbo ĉirkaŭiras fiksitan punkton.