PIV 2026 · Artikolo 10699

★multa

Litero M★ Fundamenta

Derivaĵoj en la artikolo 33
  1. multe
  2. multo
  3. mult/
  4. multe/
  5. multo/
  6. multeg/a
  7. multeg/o
  8. multig/i
  9. multiĝ/i
  10. multiĝ/o
  11. multiĝ/ad/o
  12. multobl/a
  13. multobl/e
  14. multobl/ig/i
  15. multobl/ig/il/o
  16. multop/e
  17. multop/o
  18. hommulto
  19. hom/omulto
  20. malmulta
  21. malmulta/j
  22. malmulte
  23. malmulto
  24. malmultig/i
  25. malmultiĝ/i
  26. mal/plimulto
  27. plejmulto
  28. plimulte
  29. plimulto
  30. absolut/a plimulto
  31. plimultig/i
  32. tromultec/o
  33. tromultiĝ/o
★ multa
1 grandkvanta: la tro multa parolado lacigas lin FE de tro multa scio krevas la kranio Z la ellernado kostis multan kaj grandan laboradon Z elspezi multan monon Z granda amaso da ovoj, biskvitoj, multa pano, lakto kaj butero atendis nin HBu ➞ kelka.
2 grandnombra: multaj personoj intermiksas mian nomon kun la nomoj de miaj fratoj Z multaj impostistoj kaj pekuloj kunsidis kun Jesuo kaj liaj disĉiploj; ĉar ili estis multaj, kaj ili sekvis lin NT el ŝiaj multaj infanoj unuj estas bonaj FE ĉiu nacio nuntempa parolas per multaj lingvoj Z multaj birdoj flugas en la aŭtuno en pli varmajn landojn FE Morris spertis multajn malfacilaĵojn, penante trovi la vagonaron por Frankfurt JMe el multaj milonoj fariĝas milionoj Z
memstare multaj homoj serĉas favoron de reganto MT multaj el niaj amikoj ne volas pacience atendi kaj labori Z multaj svatiĝas, feliĉulo edziĝas Z multajn ŝi vundis kaj faligis MT
➞ kelkaj, pluraj.
multe
1 dum multa tempo; en multaj fojoj: la malfeliĉa knabino, multe kurinte kaj trovinte neniun, kiu volus ŝin akcepti, baldaŭ mortis en angulo de arbaro FE niaj gazetoj devus pli multe paroli pri la kongreso Z kiu multe parolas, ne multe faras Z homon fidelan oni multe benas MT azenon komunan oni batas plej multe Z
2 grandkvante aŭ intense: kiu multe profitas, ankaŭ perdon ne evitas Z kio multe kostas, multe valoras Z rado malbona knaras plej multe Z pli bone malmulte gajni, ol multe perdi Z vundo sekreta doloras plej multe Z
3 en alta grado: akiro de saĝeco estas multe pli bona ol oro MT la latunaj butonoj ĉe la balustrado de la ŝtuparo brilis multe pli forte ol ordinare Z virino de maro ne havas larmojn, kaj tial ŝi suferas multe pli multe Z ili ekflugis , la struto multe antaŭ ĉiuj aliaj Z
4 kvazaŭ substantivo amaso, granda kvanto aŭ granda nombro: en lia parolado estis multe, pri kio li mem ne povis doni al si kalkulon Z multe en kapo, sed nenio en poŝo Z kiu tro multe deziras, nenion akiras Z inter pokalo kaj lipoj povas multe okazi Z multe da mono Z multe da manĝaĵo MT multe da vino MT multe da profito MT multe da saĝo MT venko venas per multe da konsilantoj MT multe da amikoj Z multe da perloj MT multe da trezoroj MT post la fino de l’ batalo estas multe da kuraĝuloj Z estis akceptitaj jam multe da tre gravaj gastoj Z inter la multe da hundoj la leporo pereas Z
multo amaso, granda kvanto aŭ nombro: pri tio oni malpli parolis ol pri lia multo da mono Z disbranĉiĝoj, kiujn oni en la somero ne povas vidi pro la multo da folioj Z abelujo, en kiu moviĝis, bolis multo da homaj ekzistaĵoj Z mi neniam prenas kun mi multon da pakaĵo FE kia grandega multo da provoj estis farita en tiu ĉi direkto Z tio ĉi englutas ja neproduktive grandegan multon da laboroj kaj mono Z multo mankas, por ke vi sukcesus
mult, multe, multoprefikso ➞ multangula, multforma, multehoma, multekosta, multepinta, multevalora.
multega en treege granda kvanto aŭ nombro: multegaj estas ŝiaj mortigitoj MT multege pli grava Z
multego tre granda kvanto: multego da diamantoj FE multego da kreditoroj Z
multigi igi ion multa; igi aferojn multaj: multigi planton per stiko multigi la eksperimentojn multigi la provojn la timo antaŭ la Eternulo multigas la tagojn de la vivo MT Sin. multobligi. ➞ reprodukti 2.
multiĝi iĝi multa(j): vi kreskos kaj multiĝos en la lando MT kiam altiĝas malvirtuloj, tiam multiĝas krimoj MT kion oni kolektas per laboro, tio multiĝas MT
multiĝo, multiĝado ago multiĝ(ad)i: multiĝado de kunikloj multiĝado de ĝermoj
multobla multa aŭ multaj; multiplikita per granda nombro aŭ kvanto: saĝo, kiu havas multoblan forton MT la multoblaj efikoj de elektro la multoblaj funkcioj de poŝtisto KEMI leĝo de multoblaj rilatumoj
multoble multe; en multobla maniero, grado aŭ kvanto: la posedo de la Biblio estus por nia literaturo pli grava akiro, ol la posedo de multoble pli granda kvanto da aliaj verkoj Z Esperanto estas multoble pli facile lernebla ol iu ajn natura lingvo MalR mi kreskigos multoble nian famon kaj havon FDi
multobligi
1 multigi: granda urbo multobligas en si la aperojn de civilizacio Z
2 reprodukti dokumenton per tiucela aparato: li eĉ rajtis utiligi la lernejan ilaron por multobligi la bultenon CGa/HDo ➞ multobligilo.
3 = (prefere) multipliki.
➞ obligi.
multobligilo aparato, kiu (per unu el diversaj procedoj) multobligas tekstojn kaj/aŭ bildojn. ➞ hektografo, kserografio, fotokopiilo; ciklostili.
multope en grandnombra amaso: rigardu, kiel multope jam aliĝis al ni la Britoj Z
multopo
1 grandnombra amaso.
2 FIZI spektra linio konsistanta el pluraj komponantoj.
hommulto, homomulto homamaso: Mi neniigos la homomulton en Egiptujo MT
malmulta malgrandkvanta: li ĉiam montris al mi malmultan simpation plej malmultan scion li elmontris
malmultaj malgrandnombra: liaj tagoj estu malmultaj MT la paĝoj estas pli malmultaj ol cent ili estas tre malmultaj kaj malfortaj MT
memstare multaj estas vokitaj, sed malmultaj estas elektitaj NT mallarĝa estas la pordo kaj malmultaj ĝin trovas NT malmultaj el ili opinias
➞ kelketaj.
malmulte
1 dum malmulta tempo; kun malmultaj ripetoj: li malmulte parolas kiu multe babilas, pensas malmulte Z nur malmulte dormi ĉiun nokton
2 malgrandkvante aŭ malintense: kiu kaptas tro vaste, konservas malmulte Z kio kostas malmulte, kostas plej kare Z tio malmulte doloras
3 substantive malgranda kvanto aŭ nombro: malmulte estis dirite pri tiu temo vi havas nur tro malmulte da sperto Z restis malmulte da homoj MT ➞ iom, kelke.
malmulto malgranda kvanto aŭ nombro da aferoj: pli facile estas multon elspezi, ol malmulton enspezi Z pli bona estas malmulto, sed kun justeco,
Ol granda profito, sed maljusta MT
por la Eternulo ne estas malfacile helpi per multo aŭ per malmulto MT se ĉiu el ni faros tiun malmulton, kiun li povas, tiam la literaturo rapide vastiĝos Z
malmultigi igi ion malmulta; igi aferojn malmultaj: malmultigi la gardostarantojn malmultigi la burokrataĵojn
malmultiĝi iĝi malmulta(j): prenu edzinojn ; multiĝu tie kaj ne malmultiĝu MT
malplimulto
1 la pli malgranda parto aŭ kvanto, kompare kun la pli granda: la malplimulto devas klini sin antaŭ la decido
2 POLI la partio aŭ opinio, kiun apogas la malpli granda nombro da voĉoj. ➞ minoritato.
plejmulto plej granda parto: al la plejmulto tiam restas nenio alia por fari Z ses, kiuj en la okuloj de la plejmulto aperas kiel Z koncerne la poezian arton la plejmulto da homoj komprenas tiom same multe, kiel malnova inkujo Z oni ne rajtas veturi dudirekte en plejmulto de la urbaj stratoj BSe
plimulte per plimulto: albanoj apartenas plimulte al la islama religio BSe tiukampe usonaj elektantoj plene aŭ plimulte kongruas kun sia prezidanto SMa
plimulto
1 pli granda parto aŭ kvanto, kompare kun malpli granda: en la plimulto da okazoj Z la grandega plimulto de la personoj, kiuj batalas por Esperanto Z por la plimulto de la nuntempaj kulturaj lingvoj la Biblio estis la ĉefa bazo Z la grandega plimulto el vi aliĝis al nia afero nur tiam Z lando kaj urbo, kiujn la plimulto el vi ĝis nun verŝajne tre malmulte konis Z
2 POLI la partio aŭ opinio, kiun apogas la pli granda nombro da voĉoj: frakase grandega plimulto Z se la plimulto eĉ decidos, ke Z
➞ majoritato.
absoluta plimulto pli ol 50% el la nombritaj aferoj (precipe voĉdonoj): la membroj de la Akademio estas elektataj de la Akademio mem per absoluta plimulto de la voĉdonantoj OE
plimultigi igi pli multa ion, kio estas jam multa: saĝulo aŭdu kaj plimultigu sian scion MT
tromulteco eco de io tro multa: la sukcesan laboradon malhelpas nur la tromulteco de la komitatanoj Z
tromultiĝo tro rapida aŭ ampleksa reproduktiĝo: la tromultiĝo de la kunikloj en Aŭstralio iĝis vera plago