PIV 2026 · Artikolo 14922

★sub

Litero S★ Fundamenta

Derivaĵoj en la artikolo 14
  1. suba
  2. sube
  3. subo
  4. sub/
  5. subaĵ/o
  6. subig/i
  7. subiĝ/i
  8. subiĝ/o
  9. subul/o
  10. ĉi-sube
  11. desuba
  12. desubem/a
  13. desubism/o
  14. skribsubaĵ/o
★ sub prepozicio
1 pozicio de objekto rilate al alia, kiu estas pli alte kaj tuŝas ĝin (malo de sur 1).
a sen translokiĝo: porti ion sub la brako FE havi kusenon sub sia kapo ŝanceliĝi sub la pezo de io la floroj mortadis sub la paŝoj de la amantoj Z sub sia robo ŝi havis nenian tolaĵon (analoge) rekoni virinon sub malantaŭ masko (figurasence) novelo sub la titolo «Albina» Z
b kun translokiĝo: li falis sub la radojn FE meti tabureton sub siajn piedojn, foliojn sub la presilon (figurasence) Moab humiliĝis sub la manojn de la Izraelidoj MT Li metas gentojn sub niajn piedojn MT li trafis el sub pluvo en riveron ➞ flamo 2 Ⓔ Z
2 pozicio de objekto rilate al alia, kiu estas pli alte, sed ne tuŝas ĝin (malo de super).
a sen translokiĝo: la muso kuras sub la lito FE dormi sub tegmento, sub libera ĉielo ripozi, promeni sub altaj kverkoj sub la supraĵo ekzistas nenio nova sub la suno MT sub Lia ombro ni vivos inter la nacioj MT kiam la suno aperas sub la stelo Sirius B
b kun translokiĝo: el sub la kanapo la muso kuris sub la liton FE la ĉielo etendiĝis ĝis sub li Z
3 (figurasence) ekstera ŝajno: ŝi aperis sub la formo de maljunulino ĉio tio, kio estas alportata al vi de la gazetoj sub la laŭta nomo de «novaj lingvoj internaciaj» Z mi vojaĝas sub la nomo Februaro Z
4 (figurasence) dependeco: sub seruro promesojn tenu, sed doninte ne reprenu Z ĉio estas sub via dispono meti ion sub ies disponon MT servi sub ies ordonoj ili ne hontas servi sub li Z teni popolon sub sia regado sub tiu kondiĉo ili venis sub la sonoj de bela muziko Z danci sub la muziko Z tiu skribis sur ĝi sub diktado de Jeremia MT scioj estis instruataj al li sub la konstantaj komandoj: «Marŝ’!» «Halt’!» Z kurso pri moderna angla literaturo, sub Profesoro Hugh Davis KSt socio, kies konsistigantoj vivas sub sovaĝa egoismo
suba estanta sub io aŭ iu.
sube en suba loko: vi ne trovis la libron, ĉar ĝi estas sube de mia ĉapelo la hundo, ekvidinte tablon, kuris suben ➞ malsupre.
subo suba parto.
sub prefikso
1 pli malalta pozicio de objekto rilate al alia. ➞ subtera; subtegmento, subporti, subteni, subskribi, subiri, subkuŝi, submeti, subordigi, subakvigi.
2 kovrita de io samspeca. ➞ subjupo, subvesto.
3 pli malalta pozicio de homo(j) rilate al alia(j) pli altranga(j). ➞ subleŭtenanto, suboficiro; submeti.
4 nesufiĉeco, neatingo de la normala nivelo. ➞ subnutri, subloĝata, subdungiteco.
5 kaŝiteco, sekreteco aŭ hipokriteco de ago. ➞ subaŭskulti, subdiri, subkompreni, subpremi, subridi, subrigardi.
➞ super.
subaĵo
1 subŝtofo: li estas en longa koĉermantelo, supozeble pruntita, ĉar la subaĵo atingas la teron kaj li konstante stumblas pro la pendantaj flikĉifonoj FSz
2 fono 1: korvoj kaj kornikoj faradis bonan efekton sur la blanka neĝa subaĵo Z papilio etendis siajn ruĝajn flugiletojn kun arĝenta subaĵo B
subigi cedigi iun antaŭ io aŭ iu; obeigi iun: Li la Eternulo subigas al ni popolojn MT subigi landon al sia regado subigi soldatojn sub sia jugo subigi sin al la cirkonstancoj subigi sin al la plimulto ➞ submeti, venki, klini.
subiĝi iĝi suba: la suno komencis subiĝi Z la virineto de maro ektimis kaj subiĝis sub la akvon Z iuj ŝatas estri kaj la aliaj subiĝi RPy subiĝi al registara cenzuro Ko
subiĝo stato de io, kio subiĝas: MARN horizonta subiĝo la angulo inter la horizontala ebeno tra la okulo de la observanto, kaj la videbla horizonto
subulo homo dependanta de alia: la loĝantoj fariĝis subuloj de la Hohenstaŭfenoj Z ➞ suzereno, vasalo.
ĉi-sube pli malsupre, ekz. en la teksto: rigardu la noton ĉi-sube ➞ ĉi-supre.
desuba komenciĝanta ĉe la subo: desuba konstruado enkonduki Esperanton laŭgrade kaj desube per agado ĉe la bazo de la socio ➞ desupra.
desubema inklina al desuba agado: desupremaj kaj desubemaj agantoj
desubismo ESPO klopodado enkonduki la uzon de Esperanto desube, t.e. per agado inter ordinaruloj: du vojoj celantaj la saman celon — disvastigon de Esperanto — la tiel nomataj desubismo kaj desuprismo PBa
skribsubaĵo plataĵo, ordinare provizita per granda sorbopapero, sur kiun oni metas paperon skribotan.