PIV 2026 · Artikolo 7889
★klini
Derivaĵoj en la artikolo 24
★ klini tr
1 meti rigidan objekton en tian pozicion, ke unu fino aŭ parto estas malpli alta ol la alia: volu klini vian kruĉon, ke mi trinku MT fakoj, kies fundoj estas klinitaj malrekte al la muro Z li klinis la glavon antaŭ li (figurasence) Li Dio klinis la ĉielon kaj iris malsupren MT
2 kurbigi aŭ malsuprenfleksi malrigidan objekton: la neĝo klinis al la tero la branĉojn de l’ abioj B li sentis, ke la saliko klinas sur lin siajn branĉojn Z junkoj klinitaj de la vento
3 oblikvigi parton de sia korpo: klini salute la kapon Z ŝi nun sidis, klininte la kapon al la brusto Z li klinis sian ŝultron por portado MT kun talio klinita pro la pezo de la kruĉo Z klinita sub la pezo de la jaroj (analoge) klinu viajn foliojn! admono de saliko Z BIBL klinu, ho Eternulo, Vian orelon, kaj aŭskultu MT
4 (figurasence) emigi aŭ inklinigi ion aŭ iun: klini al pardonemo la animon de la reĝo MT klinu mian koron al Viaj leĝoj MT
5 (figurasence) cedigi: mi klinis mian koron, Por plenumi Viajn leĝojn MT plena sako ĉiun mastron al vi klinos ĉiu cedas al mono Z
klini sin
1 fleksi la supran parton de la korpo: ili sin klinis super la palan kadukan maljunan viron Z mi kuracisto klinis min super la infanon Z klini sin malantaŭen por rigardi la plafonon Sin. kliniĝi 2.
2 klini sin 1 kiel signon de respekto: li klinis sin , kaj faris adorsaluton MT la siringarbetoj klinis sin al ĝi la bela cigno en la akvon Z (figurasence) regno de homoj, kiu apartenas ne al tiu aŭ alia gento , mi klinas min antaŭ vi Usono Z Sin. kliniĝi 3. ➞ riverenci.
3 klini sin 1 kiel signon de rezignacia obeado: en la premo de mizero mi ne klinu min antaŭ la idolo de la popolamaso Z (figurasence) vi devas klini vin antaŭ sensencaj kapricoj de la publiko Z la afero dependas de diversaj cirkonstancoj, antaŭ kiuj mi devas min klini Z Sin. kliniĝi 4.
klina prezentanta klinon.
klino
1 ago, per kiu oni klinas: salutante lin per klino de la kapo Z
2 TEKN la angulo inter iu rekto aŭ ebeno kaj iu referencdirekto ne eksplicite nomata.
3 FIZI pri la karakteriza kurbo de elektrontubo kvociento de la elementa variado de la anoda kurentintenso per tiu de la krada tensio, kiam ĉiuj ceteraj tensioj restas konstantaj.
➞ klinometro.klineco pozicio de io klinita: la klineco de kanontubo
kliniĝi
1 iĝi klinita: la siringa arbetaĵo kliniĝas super la barilon Z la veturilo kliniĝis danĝere ŝi deŝiradis rozojn de kliniĝantaj al ŝi branĉoj Z kliniĝintaj krucoj B la kliniĝinta turo de Pizo 2 sur arbon kliniĝintan saltas la kaproj Z (figurasence) ĉi tiu Krimula kap’ kliniĝas al la tombo Z
2 klini sin 1: la malbona frato kliniĝis super ŝin kaj ridis malice Z mia edzino estu adultigata de aliulo, Kaj aliuloj kliniĝu super ŝi MT
3 klini sin 2: viaj fratoj venos, por kliniĝi antaŭ vi ĝis la tero MT kliniĝu al la Eternulo MT la reĝidino nevole devis kliniĝi antaŭ li Z ju pli peza ĝi la greno estis, des pli profunde ĝi kliniĝis en pia humileco Z
4 klini sin 3: li kliniĝis respekte antaŭ la leĝo B en juĝo ne kliniĝu al la opinio de la plimulto MT
kliniĝo
1 stato de iu aŭ io kliniĝanta: la gracia kliniĝo de ŝia kolo estas io nenormala en la kliniĝo kaj pozicio de la supersignoj CPi (figurasence) kliniĝo riverenco antaŭ faktoj ULi
kliniĝado ago (ripete) kliniĝi: (figurasence) la tempo de kliniĝado antaŭ ŝajnaj aŭtoritatoj Z
klinilaro ARME meĥanismo, per kiu oni direktas kanonon 1 laŭ la vertikala ebeno.
adorkliniĝi fari adoron, klinante la korpon ĝis la tero: li adorkliniĝis antaŭ la tuta armeo de la ĉielo MT al la ora statuo, kiun vi starigis, ni ne adorkliniĝos MT
alklini klini ion aŭ iun al io: li surpaŝis sur la sakon kaj alklinis al ĝi sian orelon Z la knabo kriante alklinis sin al la tero Z
alkliniĝi kliniĝi al io: alkliniĝante al la patrino Z la rozarbetaĵoj etendis longajn branĉojn, kaj alkliniĝis unu al la alia Z
deklini
1 klini ion flanken, en nenormala aŭ malĝusta direkto: per subita gesto li deklinis la armilon (figurasence) deklini la vojon de la justeco MT ➞ deturni.
2 (figurasence) instigi iun al malbona konduto: kial vi deklinas la koron de la Izraelidoj de la transiro en la landon ? MT eĉ la premo de ia granda potenco nun jam ne povus deklini la esperantistaron de ĝia klara kaj rekta vojo Z
dekliniĝi
1 flankeniĝi en malĝusta direkto: la barko dekliniĝis de sia kurso (figurasence) tiuj, kiuj dekliniĝas al siaj malrektaj vojoj MT kiam vi dekliniĝos ĉu dekstren, ĉu maldekstren MT ➞ devii.
2 flankeniĝi de vero aŭ justo: dekliniĝi de la bona konduto dekliniĝi de la reguloj Z dekliniĝi de sia ĵuro Z ŝi dekliniĝis de la honesteco de sia patrino Z
dekliniĝo
1 flankeniĝo.
2 malobservado de la reguloj aŭ de la moralo: ĉiuj liaj dekliniĝoj estos pardonitaj
➞ sendekliniĝa.elklini klini kaj eligi ion: Kama sin elklinis el la fenestro por vidi lin B kion vi deziras, sinjorino? demandis la mastro de la magazeno, elklinante iom la kapon kaj rigardante el malantaŭ bukedo da artefaritaj floroj Z
elkliniĝi kliniĝi eliĝante: ŝi elkliniĝis super la balkonon Z infanaj kapetoj, elkliniĝantaj el la branĉaj plektaĵoj Z
forklini
1 klini kaj malproksimigi ion for de iu: ŝi forklinis flanken unu el la folioj Z Moor,
forklininte la kapon Z (proprasence kaj figurasence) forklini sian orelon MT (figurasence) Moseo stariĝis antaŭ Li por forklini Lian koleregon MT liaj edzinoj forklinis lian koron MT
forklininte la kapon Z (proprasence kaj figurasence) forklini sian orelon MT (figurasence) Moseo stariĝis antaŭ Li por forklini Lian koleregon MT liaj edzinoj forklinis lian koron MT
2 (figurasence) malrespekti aŭ mistrakti ion: ne forklinu la rajton de via malriĉulo MT malbenita estu, kiu forklinas la rajton de fremdulo MT forklini la leĝon je sia profito
forkliniĝi grave dekliniĝi: vi flugu ĉiam post ni, tiam vi ne forkliniĝos de la vojo Z saĝulo timas, kaj forkliniĝas de malbono MT virino, kiu povas iam forkliniĝi de la virteco Z observi ĉion, skribitan en la libro de Moseo, forkliniĝante de ĝi nek dekstren nek maldekstren MT
nedekliniĝa sendekliniĝa: nia nedekliniĝa irado rekte antaŭen Z
retroklina klinanta en kontraŭan direkton: retroklina frunto retroklina mentono
retroklini klini ion en kontraŭan direkton. ➞ kruta.
sendekliniĝa restanta ĉiam en la ĝusta vojo: fonto, kiu donos al ni la eblon sendekliniĝe resti eterne sub nia standardo Z li sendekliniĝe iris al la elektita celo FK mi, kies amo estis sendekliniĝa ĉiam de la ĵuro Z Sin. nedekliniĝa.
sinklino riverenco.
subkliniĝo = (prefere) inklinacio.