PIV 2026 · Artikolo 3037

devii

Litero D

Derivaĵoj en la artikolo 6
  1. devio
  2. kvar/il/a devio
  3. mez/a devio
  4. norm/a devio
  5. deviig/i
  6. deviism/o
devii ntr
1 delokiĝi de la normala pozicio aŭ direkto: kompasmontrilo devias sub la influo de magneto deviinta vertebro
2 (figurasence) dekliniĝi de la regula konduto: devii de la vojo de virto ➞ deturniĝi, devojiĝi, flankeniĝi.
devio
1 nenormala delokiĝo: stomaka devio spina devio devio disde politika linio devio disde socia normo
2 MARN AVIA diferenco inter la direkto de la magneta poluso kaj la direkto montrata de magneta kompaso, influata de la ŝipa aŭ aviadila fermaso.
3 ARME grado de mistrafo de pafaĵo. ➞ ekarto.
4 METE diferenco en iu loko inter la direkto de la vento, teorie deduktebla el la aerprema distribuo, kaj la vera direkto de la vento, influata de la forto de la Tera rotacio.
5 STAT la diferenco inter valoro kaj ia mezvaloro.
6 TELE pri ondo deflankiĝo for de la centra frekvenco dum frekvenca aŭ faza modulado.
kvarila devio STAT pri aro de nombroj duono de la diferenco inter la tria kaj la unua kvariloj.
meza devio STAT pri aro de nombroj la aritmetika mezvaloro de la absoluta valoro de la devioj, kutime kalkulita el la aritmetika mezvaloro aŭ la duilo.
norma devio STAT pri aro de nombroj aŭ stokasta variablo la nenegativa kvadrata radiko de la varianco.
deviigi igi ion devii: ŝtoneto deviigis la radon
deviismo HIST persona opinio aŭ konduto deflankiĝanta disde la politika linio de bolŝevisma partio. ➞ frakcio 3, herezo, skismo.