PIV 2026 · Artikolo 14739

★stato

Litero S★ Fundamenta

Derivaĵoj en la artikolo 18
  1. Stato/j
  2. stata
  3. stati
  4. animstato
  5. antaŭstato
  6. bonstata
  7. bonstato
  8. bonstatec/o
  9. kor1stato
  10. kriz/ostato
  11. kvantumstato
  12. mal/altastata
  13. mal/gravastata
  14. mens/ostato
  15. paroksism/a stato
  16. sanostato
  17. sieĝ/ostato
  18. spiritostato
★ stato
1 maniero, en kiu eventuale staras afero: vivu stomako laŭ stato de l’ sako Z vendi aŭton en bona stato en la nuna stato de la intertraktadoj se li, forgesante la nunan staton de Esperanto Z ĉiuj aferoj restu kiel en la antaŭa stato estas danĝera afero daŭrigi ĉi tiun staton de l’ necerteco B la stato de mia sano tute ne estas bona Z mi trovis lin en stato de profunda deprimiĝo ili faris tiajn mienojn, kvazaŭ ili estus en ne tute normala stato Z la stato de la spiritoj en nia urbo estas tre ekscitita Z ➞ situacio.
2 maniero de ies ekzisto, kiel ĝin difinas la cirkonstancoj: ili reprezentas per si ĉiujn rangojn, statojn kaj klasojn de la homoj Z akiri al si staton liberan de grandaj suferoj kaj mizero Z la financa stato de miaj gepatroj fariĝis tre malbona Z aŭ plej riĉa stato, aŭ plena malsato Z kia multego da senlaboruloj neniofarantoj de ĉiuj statoj kaj aĝoj ! Z ŝi estis nun urbanino, vivis en bona stato Z nova stato, — nova vivo Z civila stato diversaj sociaj informoj pri iu persono HIST la Tria Stato nek nobelaro, nek pastraro
3 FIZI KEMI ĉiu el la tri manieroj kiel prezentiĝas la materio: solida stato likva stato gasa stato
Statoj HIST en kelkaj landoj deputitaro reprezentanta la tiamajn sociajn grupojn (t.n. «statojn»): la Statoj de Bretonujo la Ĝeneralaj Statoj de Francujo ĝis 1789 la Ĝeneralaj Statoj de Nederlando ĝis 1795
stata rilata al ia stato: stata ekvacio de Van der Waals: rilato inter premo, volumeno kaj temperaturo, valida por la likva kaj gasa statoj
stati ntr esti en ia difinita stato: kiel statas la negocoj? kiel vi statas? Z la pordo statis fermita ➞ statintegraĵo, statsumo.
animstato nedaŭra dispozicio de la animo: la homoj rigardis en tiu direkto, kaj ilia animstato fariĝis solena Z la pia animstato iom malfortiĝas Z➞ agordo, humoro.
antaŭstato tiu stato de aferoj, kiu ekzistis antaŭ la lasta(j) okazaĵo(j), milito, detruo k.s.: restarigi la antaŭstaton la pactribunalo decidis, ke ambaŭ armeoj revenos al sia antaŭstato
bonstata tia, ke ties stato estas sufiĉe kontentiga aŭ prospera: ĝi estas stranga institucio, vasta kaj eĉ tre bonstata Z se li ne estos sufiĉe bonstata, por alporti ŝafinon MT homoj, apartenantaj al la pli bonstataj klasoj Z la maljuna homo estas tre bonstata Z
bonstato, bonstateco eco de io aŭ iu bonstata: laboro donas bonstaton, mallaboro malsaton Z por elmontri la bonstaton kaj la kreditkapablecon de siaj edzoj Z mi ĝis nun ne kuraĝis demandi vin, kie vi prenis ĉi tiun bonstaton Z al vi ĉiam
Ŝi donu venkon, gloron kaj riĉecon,
Bonstaton por la viaj Z
kor1stato animstato: ĉe la malĝoja rememoro ekfluis ŝiaj larmoj, kaj en tiu korstato ŝi gratis la signon de kruco Z
krizostato JURO stato, en kiu la supera aŭtoritato de urbo aŭ ŝtato povas esti transdonita al armeo, kaj civilaj leĝoj kaj liberecoj estas limigitaj: li deklaris krizostaton, kio permesas uzi la armeon LAr
kvantumstato FIZI en kvantummeĥaniko dinamika stato de fizika sistemo.
malaltastata, malgravastata havanta malaltan staton: la knabo ne havis la rajton eĉ eniri en la ĉambron, tiel malaltstata li estis Z homoj malgravstataj Z
mensostato maniero, kiel funkcias ies menso: la primitiva mensostato
paroksisma stato MEDI paroksisma serio.
sanostatofarto: la sanstato nun devigas lin forlasi la postenon ILa
sieĝostato JURO escepta reĝimo analoga al tiu de sieĝata urbo, en kiu la militistaj instancoj alprenas la povojn normale plenumatajn de la civilaj (policon, justicon k.s.) ➞ militleĝo.
spiritostatomomenta stato, en kiu sin trovas ies psiko: la patro kaj la patrino estis en solena spiritstato Z