PIV 2026 · Artikolo 231

★agordi

Litero A★ Fundamenta

Derivaĵoj en la artikolo 10
  1. agorda
  2. agordo
  3. akut/a agordo
  4. unu/turn/il/a agordo
  5. agordiĝ/i
  6. agordil/o
  7. agordist/o
  8. alagordi
  9. fajnagordi
  10. misagordi
★ agordi tr
1 MUZI starigi la ĝustan rilaton inter la sonoj de muzikilo aŭ de pluraj instrumentoj en orkestro: la violonisto agordis sian violonon ĉe cimbal’ zimbalono du lernantoj agordas nove kordojn, provas ilin zume G
2 TELE alĝustigi cirkviton, por ke ĝi funkciu laŭ la dezirata frekvenco: agordi radioricevilon
3 (figurasence) vibrigi la kordojn de la animo de iu en difinita maniero: diru, frateto, ĉu ne la mizero vin tiel agordas? Z ree ŝi agordis la vizaĝon severe G tiuj mensogoj agordis vin maljuste kontraŭ li
4 KOMP elekti konvenajn valorojn por la parametroj, kiuj difinas la funkciadon de komputila programo: agordi novan programon ➞ instali.
agorda rilata al agordo(j): MUZI en la kapo de violono estas agordaj kejloj KOMP agorda dosiero agordaj problemoj
agordo
1 MUZI ĝusta rilato estigita inter la diversaj sonoj de unu aŭ pluraj muzikiloj: la agordo de via tria kordo estas malĝusta ➞ akordo.
2 TELE egaleco de frekvenco de la osciloj en du kuplitaj cirkvitoj: akuta agordo unuturnila agordo
3 (figurasence) emo aŭ humoro: doni al la interparolo pli ĉiutagan agordon B tia politika situacio kreas agordojn momente malfavorajn por nia movado ➞ tono.
4 BELE speco de rimo, en kiu samsonas nur la konsonantaj elementoj, ekz. ondo–abundo aŭ post festo venas fasto. ➞ asonanco.
akuta agordo TELE agordo 2, per kiu ĉiu sendostacio estas subtile agordebla inter tre najbaraj limoj sur la staciplato.
unuturnila agordo TELE agordo 2, en kiu la reguliloj por la diversaj altfrekvencaj cirkvitoj estas grupigitaj kaj moveblaj per unu sola turnilo.
agordiĝi iĝi agordita: lia animo agordiĝis pie Z
agordilo MUZI
1 tiu meĥanismo de instrumento, kiun oni manipulas por agordi la instrumenton; kordinstrumento havas ŝraŭbajn aŭ kejlajn agordilojn; la agordiloj de piano estas leviloj kun ingo por turni la agordostiftojn.
2 = (prefere) agordoforko.
agordisto iu, kiu profesie agordas instrumentojn: agordisto de piano
alagordi igi ion taŭga per ago simila al agordo: ŝi ne kapablis alagordi ĝin sian voĉon al la tonoj de almozpetado Z
fajnagordi fari etajn ĝustigojn al io, ĝis ĝi iĝas kiel eble plej bona aŭ preciza: fajnagordi osciladon
misagordi
1 MUZI malĝuste agordi muzikilon.
2 TELE tiel agordi cirkviton de ricevilo ktp, ke ĝi ne funkcias laŭ la dezirata frekvenco.
3 (figurasence) malbonhumorigi iun.