PIV 2026 · Artikolo 330
akordo
Derivaĵoj en la artikolo 15
akordo
1 sameco de sentoj aŭ opinioj inter du aŭ pluraj personoj: dum nia kunlaborado ni ĉiam trovis nin en perfekta akordo veni en akordon pri io ➞ harmonio, konsento.
2 ĝusta konveneco inter du aŭ pluraj aferoj: estas ia mirinda akordo inter la movoj de la astroj ili estas en akordo, kiel peto kaj mordo plena malakordo ➞ kato Z
3 GEOL surmetiĝo de sedimenta formacio sur pli maljuna formacio nek faltita nek baskuligita, eĉ se ekzistas tavolmanko inter la du formacioj. ➞ neakordo.
4 LINGsintaksa fenomeno, laŭ kiu la formo de iu vorto varias depende de ties rilato kun alia vorto: en Esperanto ekzistas akordo de la epiteta adjektivo kun la substantivo, sed ne de la verbo kun la subjekto
5 MUZI kombino de tonoj, konsonanca aŭ disonanca: akordo trinota oni distingas diatonan kaj kromatan akordojn akordoj estas nomataj laŭ la gamnomo de la radiko: tonika, supertonika, medianta akordoj ktpglorkanto, kiu leviĝis per dankaj akordoj Z ➞ agordo, kadenco.
akorda rilata al akordo: kio akorde ne sonas, tio rimon ne donas Z mondskala uzo de akordaj lerniloj plifaciligos la kunlaboron de internaciaj projektoj KKo
akordi ntr esti en akordo: pri multaj demandoj Petro kaj mi ne plene akordas ALö tomato, ajlo kaj olivoleo mirinde akordas
akordigi igi du aŭ plurajn aferojn aŭ personojn veni en akordon: peni akordigi la naciajn fierecojn akordigi horloĝon kun alia referenca horloĝo LING kaze akordigi vorton kun alia Z
akordigebla tia, ke oni povas trovi akordon: sektaj trajtoj apenaŭ akordigeblaj kun scienca socialismo ULi
akordiĝi veni en akordon: la humora stato de la spirito akordiĝas kun la movoj de la materio Z kun la tempo ĉio akordiĝos B ĉiuj akordiĝis por laŭdi la salmon en majonezo RSc ilia privata intereso tute ne akordiĝas kun la ĝenerala ➞ konsentiĝi.
akordiĝema volonte akordiĝanta.
interakorda estanta en reciproka akordo: FIZI leĝo de la interakordaj statoj de van der Waals
interakordi esti en reciproka akordo; interkonsenti: devigi la civitanojn interakordi kaj helpi unuj la alian DBr
interakordigi igi homojn aŭ aferojn interakordi: grekaj astronomoj ne sukcesis interakordigi lun-bazitan kaj sun-bazitan kalendarojn DBr
malakorda karakterizata de malakordo: MATE malakordaj ekvacioj ekz. du ekvacioj kun du nekonatoj, kiuj ne havas solvon
malakordo plena manko de akordo: FIZI malakordo de la meĥanikaj vibracioj Z
neakorda karakterizata de neakordo: neakorda tavoliĝo
neakordo
1 manko de akordo.
2 GEOL surmetiĝo de sedimenta formacio sur pli maljuna formacio faltita aŭ baskuligita kaj parte eroziita: angula neakordo
neakordigebla tia, ke oni ne povas trovi akordon: du neakordigeblaj decidoj HVa Esperanto nur tiumomente iĝis neakordigebla kun la oficiala lingva politiko ULi
reakordiĝi akordiĝi denove.