PIV 2026 · Artikolo 9884

★manki

Litero M★ Fundamenta

Derivaĵoj en la artikolo 21
  1. manka
  2. manko
  3. mankant/o
  4. mankig/i
  5. imun/omankig/a
  6. konscimanko
  7. malmanko
  8. masmanko
  9. memormanko
  10. ne manki
  11. ne mult/e manki
  12. nutr/omanka
  13. nutr/omanko
  14. profitmanko
  15. sen/intermanka
  16. senmanka
  17. spirmanka
  18. spir/omanka
  19. spiritmanko
  20. tavolmanko
  21. vitaminmanko
★ manki ntr
1 ne esti, aŭ esti en ne sufiĉa kvanto por atingi normalan kompletecon: mankas la numeroj 2 kaj 8 de la jarkolekto mankas klapo en lia kapo Z por gasto ne petita mankas kulero Z se haroj ne mankus, oni kalvon ne havus Z nenio mankas al lia gloro tamen mankis fraŭlino Klaro, sed ŝi ne mankis en la pensoj kaj paroloj Z
2 tute ne esti, aŭ esti en ne sufiĉa kvanto por kontentigi la bezonon: homo, al kiu mankas pano MT mankis al ŝi la voĉo Z ombro mankas ĉe vi B mankas honestaj homoj B se homoj mankas, infano ankaŭ estas homo Z ĉe tro ĝentila ekstero mankas sincero Z mankis al Petro klopodoj, li aĉetis al si domon Z en nia urbo la loĝejoj terure mankas
3 ke doni senton de nenormaleco, nekompleteco aŭ nekontenteco: tre mankis al ni, ke vi ne ĉeestis (ironie) nun mankas ankoraŭ, ke ni fariĝu virinoj Z
manka prezentanta manko(j)n: manka kolekto Sin. mankohava. ➞ magra.
manko
1 foresto de io aŭ iu necesa por kompleteco aŭ normaleco: en la fina glosaro mi konstatis multajn mankojn plenigi mankon nigro sur blanko pruvas sen manko Z
2 foresto de necesa kvalito: internacia lingvo forigus tiujn mankojn malgraŭ siaj mankoj ili faras grandegajn servojn B kio al unu ŝajnas esti manko, estas rigardata de alia kiel supereco mi esperas, ke nia trupo estas sufiĉe libera de tiaj mankoj Z ➞ difekto.
3 foresto aŭ nesufiĉa kvanto de io bezonata: viajn krimojn ili klarigas al si kiel erarojn de juneco, kiel mankon de pripenso Z manko de oro ne estas malhonoro Z li mortos pro manko de eduko MT ĉe manko de prikonsiliĝo popolo pereas MT sur ĉiu flanko nur manko kaj manko ➞ eliro Z kiu donas al malriĉulo, tiu ne havos mankon MT Sin. malesto 1. ➞ mankolisto, mankoloko, mankomalsano.
mankanto
1 pri kurso, ekskurso k.s. iu, kiu enskribiĝis sed ne ĉeestas.
2 ARME soldato, pri kies sorto oni nenion scias.
mankigi lasi ion manki; preterlasi ion: li mankigis nenion el ĉio, kion la Eternulo ordonis MT ne mankigu eĉ unu vorton MT tiuj administrantoj liveradis manĝprovizojn , nenion mankigante MT
imunomankiga MEDI malsano iom post iom detruanta la imunan sistemon de la korpo:homa imunomankiga viruso HIV
konscimanko pasema perdo de la konscio pro laciĝo aŭ toksiĝo per alkoholo, opio k.s.
malmanko abundo.
masmanko FIZI diferenco inter la maso de atoma nukleo kaj la sumo de la masoj de ĝiaj eroj en libera stato.
memormanko pasema perdo de la memoro pro laciĝo aŭ toksiĝo per alkoholo, opio k.s.
ne manki, ne multe manki esti abunda, aŭ en pli ol sufiĉa kvanto por kontentigi bezonon aŭ efektivigi agon: eĉ inter piuloj ne mankas pekuloj Z kie pano estas, tie musoj ne mankas Z al malriĉulo infanoj ne mankas Z al la papero ne mankas tolero Z ne multe mankis, ke ili elparolu la tutan vorton Z jam ne multe mankis, ke mi faru tre fundajn esplorojn Z ➞ preskaŭ, apenaŭ.
nutromanka rilata al nutromanko: nutromankaj malsanoj
nutromanko BIOL manko de unu aŭ pluraj nutroelementoj nepre necesaj por la bonfarto kaj reproduktiĝo de vivuloj: edemo pro nutromanko
profitmanko perdo konsistanta en la nericevo de iu profito.
senintermanka seninterrompa aŭ kontinua.
senmanka
1 kompleta aŭ plena.
2 sendifekta; tute bona; perfekta: senmanka respondo senmankaj rimoj senmankaj versoj
spirmanka, spiromanka ne kapabla spiri sufiĉe profunde kaj senpene pro emocio, laciĝo ktp: li facile ŝvitas kaj estas spirmanka Z kaj mutis ĉiuj, spiromankaj KKa
spiritmanko = (prefere) konscimanko, memormanko.
tavolmanko GEOL malesto de tavolo(j) en sedimenta serio 7. Sin. hiato 2. ➞ neakordo.
vitaminmanko MEDI longedaŭra stato de nesufiĉa kvanto de unu aŭ pluraj necesaj vitaminoj en la nutrado.