PIV 2026 · Artikolo 5701
harmonio
Derivaĵoj en la artikolo 5
harmonio
1 aro de sonoj agrabla por la orelo, sinsekvaj (en poezio) aŭ samtempaj (en muziko): muzika harmonio harmonio de voĉoj, de versoj, de propraj nomoj mi tute ne komprenas uzi la klapojn de fluto por elvoki ian harmonion Z ➞ akordo, gamo 1; belsona, melodieco, harmoniscienco.
2 (figurasence) ĝusta aranĝo de la diversaj partoj de tuto, tiel ke ĉiu el ili akordas plaĉe kun la aliaj: harmonio de koloroj harmonio de formoj harmonio de gestoj harmonio de la vizaĝaj trajtoj ➞ ordo, proporcio, simetrio.
3 (figurasence) akordo de la sentoj inter pluraj personoj: en malsata familio mankas harmonio Z en nia societo regas plena harmonio li vidos tie la perfektan harmonion inter la gentoj Z la prudento kun la sango en tia bona harmonio vivas Z fasko da linioj, el kiu aperis la tutaĵo, plena de kvieta harmonio Z difekti, rompi la harmonion afrika landa asocio, en kiu regas harmonio AAd/SMG ➞ konkordo, konsento, paco.
harmonia karakterizata de harmonio: harmoniaj kantoj harmoniaj trajtoj de vizaĝo belaj kaj harmonie interkonformigitaj objektoj Z ŝafaro harmonia lupon ne timas Z en Svisujo vivas harmonie tri diversaj popoloj MalR ĉu povas harmonie kunvivi malsamaj kulturoj? RE! MATE harmonia funkcio rilata al harmonio 2, pli precize plenumanta la ekvacion de Laplaco
harmonii ntr esti en harmonio: niaj animoj tiel harmoniis Z la kalendaro estas nur homa elpenso, kiu ne harmonias kun la naturo Z tiu ĉi malnobla polvo, kiu tiel malmulte harmonias kun via spirito kaj nobeleco Z la tapetoj bone harmoniis kun la meblaro
harmoniigi meti ion en harmonion: komponisto harmoniigas sonojn ILa harmoniigi la tutan laboron ILa harmoniigi la stilon kaj tonon de sia parolado al la jam ekzistanta spiritostato ILa harmoniigi la kolorojn de brodaĵo
misharmonia, neharmonia malplaĉa pro manko de harmonio.