PIV 2026 · Artikolo 8166

kompleksa

Litero K

Derivaĵoj en la artikolo 6
  1. komplekso
  2. edip/a komplekso
  3. komplekso de Edip/o
  4. morb/a komplekso
  5. kompleksec/o
  6. domkomplekso
kompleksa
1 enhavanta en si plurajn malsamajn elementojn; malsimpla: kompleksa ideo kompleksa demando kompleksa karaktero kompleksa frazo kompleksaj verbotempoj formitaj per esti kaj participo ➞ komplika, komplikita.
2 MATE nombro havanta la formon a + ib kun reelaj nombroj a kaj b, kie i estas la imaginara unuo (unu el la radikoj de −1).
komplekso
1 tutaĵo da malsamaĵoj unuigitaj por unu sama celo: la vivo estas komplekso da fortoj batalantaj kontraŭ la morto
2 MATE sistemo kun objektoj kaj bildigoj inter ili: en la algebra topologio oni studas kompleksojn konstruitajn el ĉenoj
3 PSIK nekonscia strukturita grupo de sentoj, emocioj, inklinoj kaj memoraĵoj, foje rezultanta el specifa okazaĵo, kaj influanta la psikan vivon sen kompreno de ĝia rolo fare de la subjekto. ➞ malplivaloreco.
edipa komplekso, komplekso de Edipo PSIK laŭ freŭdismo seksimpulso de knabeto al la patrino, miksita kun agresemo al la patro.
morba komplekso MEDI tuto de la malsanecaj fenomenoj, percepteblaj aŭ ne.
komplekseco eco de io kompleksa.
domkomplekso grupo de domoj samtempe konstruitaj kaj uzataj kiel loĝejoj aŭ alicele: mi venis en grandegan domkomplekson, en kiuj estis unuigitaj ĉiuj lernejoj SSz ➞ dombloko.