PIV 2026 · Artikolo 14227
★simpla
★ simpla
1 konsistanta el unu sola elemento; ne kunmetita; ne dividebla en partojn: oro kaj fero estas simplaj korpoj simpla verbotempo la vortojn kun «um» oni devas lerni, kiel simplajn vortojn FE simpla ostorompo sen vundo de la haŭto
2 BOTA nek kunmeta nek branĉa nek plurobla: simpla folio kies limbo ne estas dividiĝinta en folierojn, sed formas unu tutaĵon, aŭ integran, aŭ iom entranĉan simpla frukto devenanta el nur unu ovario simpla tigo ne branĉiĝinta
3 konsistanta el malmultaj partoj; nekomplikita aŭ ne tre evoluinta: simpla metodo simpla procedo simpla maŝino miaj rimedoj de solvo aperos al li eble kiel tro simplaj Z plej simpla alfabeto Z la plej simplaj formoj de la vivo la plej simplaj estaĵoj
4 facile komprenebla aŭ solvebla: simpla teksto simpla poemo simpla problemo post unu sola duonhoro li tiom ekposedas la tutan gramatikon , ke al li restas jam nur la simpla kaj facila akirado de provizo de vortoj! Z la afero ne estas tiel simpla, kiel ĝi ŝajnas Z
5 nura; sen pli aŭ malpli ol la dirita: doni alkoholon al bebo estas simpla murdo aŭ frenezo tio ĉi estis jam ne simpla pluvo, sed pluvego FE vortoj kunmetitaj estas kreataj per simpla kunligado de vortoj FE kredi al simpla promeso simpla soldato sen alia distingilo aŭ rango B simpla oficisto B
6 senornama; neluksa; senafekta: simpla vesto simpla manĝo simpla tago ne festa vivi simplan vivon la plej grandaj ĉefverkoj estas ankaŭ la plej simplaj
7 senruza; naiva; natura: estu do prudentaj kiel serpentoj, kaj simplaj kiel kolomboj NT simpla animo ŝiaj simplaj penoj por plaĉi
8 EKON ne kapitaliĝanta: simplaj interezoj simpla rento
simple en simpla maniero:
4 la enigmo simple solviĝas Z tiun pladon oni povas prepari tre simple
5 mi simple kaj litere, ofte, ne havis eĉ kion manĝi Z ni prenos tial nur simple kelkajn ekzemplojn Z la decido de la kongreso restos simple malviva litero Z ĉiuj tiuj ĉi frazistoj simple ne volas trakontroli tion, pri kio ili parolas kun tia aŭtoritata tono Z
6 ili kutimis vivi tre simple
simpleco eco de io simpla: la simpleco de la gramatiko Z simpleco ne ĉiam akordas kun precizeco
simpligi igi ion simpla: mi simpligis ĝis nekredebleco la gramatikon Z simpligi la doganajn formalaĵojn simpligi la burokrataĵojn
simpligo ago simpligi kaj ties rezulto: tiu ĉi eksterordinara simpligo kaj faciligo de la lingvo Z
simplulo
1 neburĝo aŭ nenobelo: sur la stratoj promenis la simpluloj. Sur la balkonoj la aristokratoj kaj burĝoj akceptis la venintojn B
2 homo simpla, ne tre inteligenta aŭ ne tre rafinita.
malsimpla konsistanta el pluraj elementoj; dividebla en partojn:malsimpla meĥanismo B malsimpla problemo B Sin. kompleksa.