PIV 2026 · Artikolo 2334

★burĝo

Litero B★ Fundamenta

Derivaĵoj en la artikolo 7
  1. burĝa
  2. burĝar/o
  3. burĝec/o
  4. burĝiĝ/i
  5. etburĝo
  6. grandburĝo
  7. neburĝo
★ burĝo
1 homo apartenanta al la klaso, kiu posedas la kapitalon kaj ekspluatas la laboristaron: la skemo UEAburĝoj kaj SAT-laboristoj ne plu sufiĉas por adekvate priskribi la socian konsiston ULi ➞ kapitalisto.
2 (figurasence) homo politike neprogresema, kiu ne deziras ŝanĝi la sociordon. ➞ filistro.
3 HIST civitano; urbano: multe da homoj, apartenantaj al la pli bonstataj klasoj, maristoj, Kopenhagaj burĝoj sidis en vigla interparolado Z la aristokratoj kaj burĝoj akceptis la venintojn B mortis ne kapitalistoj, sed kompatindaj burĝoj PGu
4 HIST mezklasulo, ne nobelo nek riĉulo, kvankam ne proleto nek malriĉulo: ideo, kiu efektive konvenus al bonkora burĝo, avidanta bongustan hejman kuiraĵon Z
burĝa propra aŭ rilata al burĝo(j).
burĝaro
1 HIST tuto de la burĝoj en unu urbo.
2 klaso de la burĝoj.
burĝeco
1 HIST rajto, stato de burĝo en urbo.
2 karaktero de burĝo.
burĝiĝi akiri la ecojn de la burĝa klaso.
etburĝo burĝo, apartenanta al la malpli riĉa parto de la burĝaro: multaj etburĝoj, kiuj aparte havas malmultan monon, povas unuiĝi kaj fondi fabrikon SSz
grandburĝo burĝo apartenanta al la pli riĉa parto de la burĝaro.
neburĝo persono, kiu ne estas burĝo.