PIV 2026 · Artikolo 13691

★ruza

Litero R★ Fundamenta

Derivaĵoj en la artikolo 7
  1. ruzi
  2. ruzo
  3. ruzaĵ/o
  4. ruzec/o
  5. ruzul/o
  6. senruza
  7. superruzi
★ ruza kapabla elpensi lertajn artifikajn rimedojn por atingi celon, kaj uzi ilin ne rimarkate de aliaj: urbanoj estas ordinare pli ruzaj, ol vilaĝanoj FE eĉ plej ruza vulpo en kaptilon falas Z alian fojon mi estos pli ruza kaj mi pli min gardos Z ruze eltiri de iu la sekreton ruze gajni la monon de naivulo
(analoge) ruza mieno la vulpo, do, tre ruzan planon teksis KKa
➞ sagaca, subtila; jezuita.
ruzi ntr agi per ruzo: ĉu povas homo ruzi kontraŭ Dio? MT
ruzo ago aŭ konduto de iu ruza: nur la ruzo savis nin ambaŭ Z milita ruzo B
ruzaĵo rimedo uzata de ruzulo: trovi ian belan ruzaĵon, por elturniĝi kaj aperi senkulpa Z ĉian artifikon, ĉian ruzaĵon ni devas severe eviti Z
ruzeco eco de ruzulo: Sara, kiu dume kun virina ruzeco staras malantaŭ la pordo , por subaŭskulti Z mi neniam vidis ĉe li ian ruzecon aŭ malhonestecon Z
ruzulo ruza homo.
superruzi tr superi iun per ruzo: nun tiu ĉi azeno lin superruzas Z