PIV Reta Vortaro

PIV · 11032

nobel/o. Viro, kiu pro sia familia deveno aŭ pro favoro de regnestro ricevis apartajn privilegiojn aŭ almenaŭ posedas honoran titolon, distingantan lin de la aliaj klasoj: prenu vian ĉapon en la manon: la sinjoro estas nobelo, k vi ne estas tia! ; edzoligiĝi kun domo de nobelo ; ĉu Adamo estis nobelo? . aristokrato, lordo, magnato, patricio.

nobela

1 Rilata al nobelo: la nobela sango elmontriĝis ; havi nobelajn titolojn ; nobelaj moroj .

2 Havanta la karakterizaĵojn de nobelo: nobela fraŭlino ; altenobelaj viroj k virinoj .

nobelaro. La klaso de la nobeloj, en iu lando, regiono aŭ urbo.

nobeleco. Eco de iu nobela: interparolado pri nobeleco k burĝeco ; homoj altkvalitaj per la nobeleco de sia naskiĝo ; tie la nobeleco komencis putri .

nobeligi. Fari, proklami iun nobela: la reĝo hieraŭ nobeligis lin; domo en kiu ankaŭ la virina linio nobeligas ; () hodiaŭ nevidebla potenco nobeligis nian metion (de rabistoj).

nobelino. Virino nobela: ĉar ŝi estas nobelino, ŝi devas havi la liberecon fari al mi, kion ŝi volas? .

nenobelo, ne-nobelo. Persono, kiu ne estas nobelo: mi scias, kiel nin traktas la nobeloj, kiam ili nin ne-nobelojn akceptas en sian familion! .