PIV 2026 · Artikolo 7419
karbono
Derivaĵoj en la artikolo 6
karbono KEMI
1 nemetala elemento 4, el kiu precipe konsistas karbo, grafito kaj diamanto, kaj kiu troviĝas en ĉiu vivulo. C; atomnumero 6; atommaso 12,01 ➞ karbonato, karbonido, karbonhidrato.
karbono 14 radioaktiva izotopo de ordinara karbono, kiu formiĝas en la tera atmosfero meze de ordinara karbono. 14C; atommaso 14 PALE PRAH la radioaktiveco de karbono 14 regule malkreskas, kio ebligas datadon de praorganismo (vegetaĵa aŭ besta), kiu asimilis ĝin el la atmosfero ➞ karboksila acido.
karbona rilata al karbono: karbona dioksido CO2 karbona tetraklorido CCl4 karbona kombinaĵo
karbonigi = (prefere) karbigi 1.
fluorklorkarbono, fluor-klor-karbono kolektiva nomo de alkanderivaĵoj, diferencaj pro la nombro de atomoj de fluoro kaj kloro, ekz. CCl3F, CCl2F2, C2Cl2F4, kaj uzataj i.a. kiel malvarmigaĵo en fridujoj, pasintece kiel premgaso en ŝprucflakonoj: EKOL fluorklorkarbonoj estas tre persistaj kaj detruas la ozontavolon en stratosfero Sin. freono.